Read Baibul, Mizo 2 Chronicles 20 Bible Online

2 Chronicles 20 - Baibul, Mizo bible

2 Chronicles 20

¹Tin, chu mi hnua chuan heti hi a ni a, Moaba thlahte leh Amona thlahte chu Meun-ho thenkhatte nen Jehosaphata bei turin an lo thawk a.

²Chutichuan tuten emaw Jehosaphata hnenah, "Nangmah bei turin mipui tam tak mai, tuifinriat ral Suria atangin an lo thawk chiam mai; ngai teh, Hazazon-tarmar-ah an awm tawh," (Chu chu Engedi an ti bawk thin) tiin an hrilh a.

³Tin, Jehosaphata chuan a hlau a, LALPA zawng turin a in pe a; Judai Ram zawng zawngah chaw nghei tur thu a than vel a.

⁴Tichuan Judate chu LALPA tanpuina zawng zawngin an pung khawm a; Juda khaw tin, atangin LALPA zawng turin an lo chhuak a.

⁵Tin, Jehosaphata chu LALPA inah, kawt hung chung thar bulah Juda-ho leh Jerusalem-ho pungkhawm zingah chuan a ding a;

⁶Aw LALPA, kan pi leh pute Pathian, vana Pathian i ni lo'm ni? Hnam tin chunga roreltu i ni lo'm ni? I kutah chuan thiltihtheihna leh chakna a awm a, tuma chelhrual i ni lo a.

⁷Aw kan Pathian, he rama chengte hi i mi Israelte i hnawchhuahsak a, i thian Abrahama thlahte chatuan atan i pe a ni lo'm ni?

⁸8-9, Tin, he ramah hian an lo awm ta a, 'Kan chungah thil tha lo, khandaiha rorelnate emaw, hri te emaw, tamte emaw a lo thlen chuan he in bulah leh i hmaah kan lo ding ang a (he inah hian i hming a awm si a) kan mangannnaah chuan kan au avang chia, nangin min ngaihthlaksakin min chhandam ang chu,' tiin i hming atan hmun thianghlim an dinsak chia.

⁹8-9, Tin, he ramah hian an lo awm ta a, 'Kan chungah thil tha lo, khandaiha rorelnate emaw, hri te emaw, tamte emaw a lo thlen chuan he in bulah leh i hmaah kan lo ding ang a (he inah hian i hming a awm si a) kan mangannnaah chuan kan au avang chia, nangin min ngaihthlaksakin min chhandam ang chu,' tiin i hming atan hmun thianghlim an dinsak chia.

¹⁰Tichuan ngai teh, Amona thlahte leh Moab-ho leh Seir tlang mi, Israel-ho Aigupta ram ata an lo chhuah laia beih i phal lo a, an kirsana an tihboral tak lohhoten,

¹¹kan luah atan i ram min pek atan hnawhchhuaha mi rawn thungrulh an tum dan hi lo hre teh.

¹²Aw kan Pathian, an chungah ro i rel dawn lo'm ni? Mi chu zozai, mi rawn bei tura lo thawkte chu lo han bei thei ziazang kan ni si lo a; a tih ngaihnareng reng kan hre bawk hek lo, i lam kan lo hawi mai zawka nie," a ti a.

¹³Tin, Judate zawng zawng chu an fanau te te, an nupuite an fate nen LALPA hmaah an ding a.

¹⁴Chutichuan mipui zinga Jahaziela chungah chuan LALPA thlarau a lo thleng a, chu mi chu Zekaria fapa a ni a, chu mi chu Benaia fapa a ni a, chu mi chu Jeiela fapa a ni a, chu mi chu Asapha thlah Levi mi Matania fapa a ni a:

¹⁵tin, ani chuan, "Nangni Judai rama mi zawng zawng leh Jerusalem-a awm zawng zawngte leh nang lal Jehosaphat, lo ngaithla raw u: LALPA'n in hnenah heti hian a ti, 'Hlau suh u la, chung mipui tam tak avang chuan zam hek suh u; indona chu nangni indona a ni lo a, Pathian indona a ni zawk si a.

¹⁶Naktukah zuk bei rawh u; ngai teh u, Ziz pan chhohnaah an lo cho a, Jeruel thlaler bul ruam tawp lamah chuan in zu hmu ang a.

¹⁷He indona hi in beih a ngai lo ang: inzar u la, ding ngawt mai u la, in lama tang LALPA chhandamna chu en reng mai rawh u, aw Juda mite leh Jerusalem mite u: hlau suh u la, zam hek suh u, naktukah bei turin thawk rawh u, LALPA chu in lamah a tang si a," a ti a.

¹⁸Chutichuan Jehosaphata chu a hmaia lei siin a kun a; tin, Juda mite zawng zawng leh Jerusalem mi zawng zawng chu LALPA chibai bukin LALPA hmaah an kun a.

¹⁹Tin, Kohata thlah leh Kora thlah Levi-hote chu aw ring taka LALPA Israelte Pathian fak turin an lo ding a.

²⁰Tin, a tukah chuan zing takah an tho a, Tekoa thlaerah an lut a; tin, an kal lai chuan Jehosaphata chu a ding a, "Aw, Juda mite leh Jerusalem mite u, ka thu hi ngaithla rawh u; LALPA in Pathian chu ring u la, nghet takin in awm dawn nia; a zawlneite chu ring u la, hmuingil takin in awm dawn nia," a ti a.

²¹Tin, mipuite a fuih zawh chuan sipaite hmaa kal chunga LALPA chawimawina leh a thianghlim mawizia fak tura hla satu turte a ruat a, "'LALPA hnenah lawm thu sawi rawh u, a ngilneihna chu kumkhuain a awm dawn si a,' ti rawh u," a ti a.

²²Tin, hla an saka an han fak veleh chuan Amona thlah te, Moaba thlah te, Seir tlanga mite Juda-ho bei tura lo thawkte chang rutu turte LALPA'n a dah a; tichuan an tlawm ta a.

²³Amona thlahte leh Moaba thlahte chuan Seir tlanga awmte chu thah chimih vek leh tihboral der tumin an bei ta mai a; tin, Seir tlanga mite an tiboral zawh chuan anmahni leh anmahni chu intihboral tumin an inbei ta chiam mai a.

²⁴Tin, Judate chuan thlaler thlirna hmun sang an han thlen chuan mipui lam chu an han en a; tin, ngai teh, mitthi ruang chu leiah chuan a lum rum mai a, pakhat te mah tlan chuak an awm lo a.

²⁵Tichuan Jehosaphata leh a hote chu rallak sum la turin an va kal a, an zingah chuan sum leh pai te, silhfen te, lunghlu te an va hmu ta teuh mai a, an phurh zawh loh khawpin an la a; a tam khawp a, ni thum zet rallak sum chu an chhek a.

²⁶Tin, a ni li ni chuan Beraka ruamah an inkhawm a, chutah chuan LALPA chu an chawimawi a; chu mi avang chuan tun thleng hian chu mi hmun hminga chuan Beraka ruam an ti ta a ni.

²⁷Chutichuan Juda mi leh Jerusalem mi zawng zawng chu an haw leh ta a, tin, Jehosaphata chuan Jerusalem-a hlim taka haw turin an hma a hruai a; LALPA'n an hmelmate chungthuah hlim taka a awmtir tak avangin.

²⁸Tichuan perhkhuang te, tingtang te, tawtawrawt-te nen Jerusalem-a LALPA in chu an han thleng ta a.

²⁹Tin, LALPA'n Israel-te hmelma a bei tih an han hriat chuan ram tina mite chuan Pathian chu an hlau ta a.

³⁰Tichuan Jehosaphata ram chu ralmuangin a awm ta a; a Pathianin an vela mite laka ralmuanna a pek avangin.

³¹Chutichuan Jehosaphata chu Judate chunga a lal ta a; kum sawmthum leh kum nga mi a nihin a lal tan a; tin, Jerusalem-ah kum sawmhnih leh kum nga a lal a; a nu hming chu Azubai, Silhia fanu a ni.

³²LALPA mithmuha thil tha tiin a pa Asa kawng chu pensan hauh loin a a zawh a.

³³Amaherawhchu hmun sangte chu thehthang bo a ni lo a, mipuite pawhin an pi leh pute Pathian chungah an thinlung an la nghat bawk hek lo.

³⁴Tin, ngai teh u, Jehosaphata thiltih zawng zawngte chu abul atanga a tawp thlengin Hanania fapa Jehua chanchin ziaknaah a chuang a ni, chu chu Israel lalte chanchin buah a chuang a.

³⁵Tin, chu mi hnuahchuan Juda lal Jehosaphata chuan Israel lal Ahazia a thurualpui a; chu mi chuan tha lo takin thil a ti thin a:

³⁶Tin, Tarsis lama kal tur lawng an siam tlang a, Ezion-geber-ah lawngte chu an siam a.Chutichuan Maresa mi Dodavahua fapa Eliezeran Jehosaphata hnenah, "Ahazia i thurualpui avangin LALPA'n i thil tih tum hi a tihkhawlohsak ta che a ni," a ti a. Tichuan lawngte chu an chhe ta vek a, Tarsis-ah chuan an kal thei ta lo a.

³⁷Chutichuan Maresa mi Dodavahua fapa Eliezeran Jehosaphata hnenah, "Ahazia i thurualpui avangin LALPA'n i thil tih tum hi a tihkhawlohsak ta che a ni," a ti a. Tichuan lawngte chu an chhe ta vek a, Tarsis-ah chuan an kal thei ta lo a.