Read Baibul, Mizo 2 Chronicles 22 Bible Online

2 Chronicles 22 - Baibul, Mizo bible

2 Chronicles 22

¹Chutichuan Jerusalem mite chuan a fapa naupang ber Ahazia chu a aiah lalah an siam a; a fa ute zawng zawng chu sipai rual, Arabia mite nena an tan hmuna lo kalho chuan an that ta vek si a. Chutichuan Juda lal Jehorama fapa Ahazia chu a lal ta a.

²Ahazia chu a lal tantirhin kum sawmli leh kum hnih a ni a; Jerusalem-ah kum khat a lal a; a nu hming chu Athali, Omria fanu a ni a.

³Ani pawh chuan Ahaba chhungte kawng zawh chu a zaw veh a: a nu chu thil sual taka ti tura kaihhruaitu a ni a.

⁴Ahana chhungkuate tih ang bawkin LALPA mithmuhah thil tha lo a ti a: a pa thih hnuin a chhiatna tura kaihruaitu an ni.

⁵An kaihhruai ang chuan a awm bawk a, Ramoth-gilead-ah Suria lal Hazaela do turin Israel lal Aaba fapa Jehorama hnena a kal a; tichuan Suria ho chuan Jehorama chu an lo hliam a.

⁶Suria lal Hazaela a va beinaa Rama-a an lo hliam tidam turin Jezreel-ah a kal a. Tichuan Juda lal Jehorama fapa Azaria chu Ahaba fapa Jehorama a dam loh avang chuan a kan turin Jezreel-ah chuan a kal a.

⁷Tichuan Ahazia Jehorama hnena a kal a, a boralna chu Patian tih a ni a; Nimsia fapa Jehua bei turin Jehorama hnenah a kal avangin. Chu mi chu Ahaa chhungte timang tura LALPA ruat a ni si a.

⁸Tin, heti hi a ni a, Ahaba chhungte tichhe tura a beih laiin Juda puipate leh Ahazia unau fapatehoin Ahazia rawng an bawl lai a hmu a, a that ta hlawm a.

⁹Ahazia chu an zawng a, an man a, (Samari-ah a biru a ni) Jehua hnenah an rawn hruai a, an that a; tin, "A thinlung zawng zawnga LALPA zawng thin Jehosaphata fapa a ni si a," an ti a, a phumin an phum a. Tichuan Ahazia chhungte chuan an ramah thuneihna an nei ta lo a.

¹⁰Tin, Ahazia nu Athali chuan a fapa a thi tih a lo hriat chuan a tho a, Juda lal zawng zawng chu a that ta vek mai a.

¹¹Ahazia fapa Joasa erawh chu lal fanu Jehosabeathi chuan lal fapa an thahte zing ata chu a hruai bo a, a enkawltu nen khum pindanah a thukru hlau mai a. Chutichuan lal Jehorama fanu Jehosabeathi, puithiam Jehoiada nupui (Ahazia farnu a ni a) Athali hmuh theih loh turin a thukru a, tichuan an that ta lo a.Tin, an hnena chengin Pathian inah kum ruk a rukin a awm a: tichuan Athali chu an rama chuan a lal ta a.

¹²Tin, an hnena chengin Pathian inah kum ruk a rukin a awm a: tichuan Athali chu an rama chuan a lal ta a.