Read Baibul, Mizo 2 Chronicles 24 Bible Online

2 Chronicles 24 - Baibul, Mizo bible

2 Chronicles 24

¹Joasa chu a lal tantirhin kum sarih mi a ni a: Jerusalem-ah kum sawmli a lal a; a nu hming chu Zibiai, Beer-seba a mi a ni .

²Tin, Joasa chuan puithiam Jehoiada dam chhung chuan LALPA mithmuhin thil tha a ti a.

³Tin, Jehoiada chuan nupui pahnih a neihsak a, fanu leh fapate a hring a.

⁴Tin, heti hi a ni a, chu mi zawhah chuan Joasa chuan LALPA in siam that a rilruk a,

⁵Puithiamte leh Levi-ho a ko khawm a, Juda-ho khuaahte kal u la, kum tina in Pathian In siam thatna'n Israel mi zawng zawng hnenah tangka va khawn khawm raw u khai, muangchang suh ang che u," a ti a. Nimahsela Levi-hote chu an hmanhmawh chuang lo a.

⁶Tin, lal chuan puithiam lal ber Jehoiada chu a ko a, a hnenah, "Engati nge Levi-hote chu LALPA chhiahhlawh Mosia le Israel mipuite ruat hriattirna puan in atana thawh bi ruat chu Juda mi leh Jerusalem=a mite thawh turin i phut loh?

⁷Mi sualnu Athali fapate chuan Pathian in chu an tiche zo ta si a; tin, LALPA ina thilhlan zawng zawng chu Baala te an pe zo ta bawk si a," a ti a.

⁸Chutichuan lalin thu a pe a, bawm an siam a, LALPA in kawngka pawn lamah chuan an dah a.

⁹Tin, thlalera Pathian chiahlawh Mosia'n Israel mite tih tura thawh bi a ruat chu LALPA tana rawn thawh turinJudai ram zawng zawng leh Jerusalem=ah thu a than vel ta a.

¹⁰Tichuan miliante le mipuite chu an lawm a, an tangkate an rawn la a, an khawn zawh hma chuan bawmah chuan an rawn dah ta ruih ruih mai a.

¹¹Tin, Levi-hoten lal puipate hnenah bawm chu an rawn lak a, tangka tam tak an awm tih an hriat chuan, lal lehkha ziaktu leh puithiam lal ruat puipa chuan bawm ata chu an bun chhuak a, an la a, a hmunah chuan an dah leh a. Chutiang chuan ni tin, an ti a, tangka chu tam tak an khawlkhawm ta a.

¹²Tin, lal Jehoiada chuan LALPA in hna thawktute kutah a pe a, LALPA in siam tha turin lung chhertute leh themthiamte an ruai a, tin, LALPA in siam tha turin thir leh dara themthiamte pawh.

¹³Tichuan thawktute chuan an bei a, an thawk tha hle mai a, Pathian in chu a ngai chiahin an siam tha a, an din nghet leh ta a.

¹⁴Tin, an zawh chuan tangka la awm zawng zawng chu lal leh Jehoiada hnenah an rawn la a, chu chuan LALPA ina rawngbawlna'na bungbel te, hlanna bungbel te, thirfian te, rangkachak leh tangkaraw bungbel te lamin an siam a. Tichuan Jehoiada dam chhung chuan LALPA inah halral thiLhlan chu an hlan reng a.

¹⁵Nimahsela Jehoiada chu upa tak, tarkuna damin a thi ta a. A thih chuan kum Za leh sawmthum mi a ni.

¹⁶Tin, Israelte zinga Pathian chungah leh a in chungchanga thil a tih that avangin Davida khawpuiah lalte zingah an phum a.

¹⁷Tin, Jehoiada thih hnu chuan Juda mi liante chu an lo thawk a, lal hnenah dawvan an rawn kai a. Lal chuan an thu chu a lo pawm a.

¹⁸Tichuan a pi leh pute Pathian LALPA in chu an hawisan a, Aserite leh milemte rawng an bawl ta a: tin, an sualna avangin Juda te leh Jerusalem chungah thinurna a lo thleng ta a.

¹⁹Nimahsela LALPA hnena hruai leh turin an hnena zawlneite a tir a, an thiam lohzia te an hriattir a, nimahsela an beng an chi duh chuang lo.

²⁰Tin, puithiam Jehoiada fapa Zekaria chungah Pathian thlarau a lo thleng a, ani chu mipui chung lamah a ding a, an hnenah, "Pathianin heti hian a ti. 'Engati nge hmuingil theih loh phaha LALPA thupek chu in bawhchhiat? LALPA chu in hawisan avangin ani pawhin a hawisan che u a ni,'" a ti a.

²¹Tin, ani chu an phiar ta a, lal thupekin LALPA biak inhung chhungah chuan lungin an deng hlum ta a.

²²Chutiang chuan lal Joasa chuan a pa Jehoiada khawngaihna chu hre reng loin a fapa chu a that ta a ni. Tin, a thih dawn chuan, "LALPA'n a rawn ngaihtuah ang a, phuba a la rawn laksak ang," a ti a.

²³Tin, heti hi a ni a, kum a lo vei chuan Suria sipaiten an rawn bei a; Judai ram leh Jerusalem-ah an lut a, an milian zawng zawngte chu an tihboralsak a, Damaska lal hnenah an rallak sum zawng zawngte chu an thawn ta vek mai a.

²⁴Suria sipaite chu tlemte chauh an lo thawk a ni a; an pi leh pute Pathian LALPA chu an hawisan avangin LALPA'n sipai tam tak maite chu an kutah a pe a ni. Chutiang chuan Joasa chungah hremna an thlensak a ni.

²⁵Tin, an hawnsan hnu chuan (natna nasa tak tuarin an hawnsan a ni) ama mite ngeiin puithiam Jehoiada fapate thisen avang khan an phiar a, a khum mu lai chu an that a, a thi ta a: Davida khawpuiah chuan an phum a; nimahsela lalte thlanah an phum ve lo.

²⁶Hengte hi amah phiartute chu an ni; Amon mi Simeathi fapa Zabada leh Moab mi Simrithi fapa Jehozabada.Tichuan a fapate chungchang thu te, a chunga phurrit tak lo innghah chungchang thu te chu, ngai teh, lal chanchin hrilhfiahna buah chuan ziak a ni. Tin, a aiah a fapa Amazia chu a lal ta a.

²⁷Tichuan a fapate chungchang thu te, a chunga phurrit tak lo innghah chungchang thu te chu, ngai teh, lal chanchin hrilhfiahna buah chuan ziak a ni. Tin, a aiah a fapa Amazia chu a lal ta a.