Read Baibul, Mizo 2 Chronicles 25 Bible Online

2 Chronicles 25 - Baibul, Mizo bible

2 Chronicles 25

¹Amazia chu a lal tantir chuan kum sawmhnih leh kum nga mi a ni a, Jerusalem-ah kum sawmhnih leh kum kua a lal a; a nu hming chu Jehoada ni, Jerusalem mi a ni.

²LALPA mithmuhin thil tha a ti a, amaherawhchu a rilru a pe famkim lo.

³Tin, heti hi a lo ni a, a ram chu a lo din ngheh chuan a pa thattu, a chiahlawhte a that a.

⁴Amaherawhchu an fate chu a that lo a, Mosia lehkhabu, dana chuang, "Fate avangin pate an thi tur a ni lo a, pate avangin fate an thi tur a ni hek lo, mi tin, mahni sual avangin an thi tur a ni," tia LALPA'n thu a pek angin a ti a.

⁵Tin, Amazia chuan Judate chu a khawm chiam a, Juda leh Benjamin mi zawng zawng an chhungkaw zir zelin sang hotute hnuaiah te, Za hotute hnuaiah te a awm tir a; tin,kum sawmhnih achin chunglam zawng a chhiar a, fei leh phaw lek thei, ralkai chin thlan thiau mi nuaithum an awm a.

⁶Tin, Israel rama mi, mi chak huaisen nuaikhat tangka talent zain a ruai bawk a.

⁷Nimahsela a hnenah Pathian mi, mi pakhat a lo kal a, "Aw LALPA, Israel sipaite chu i hnenah kal ve suh su, LALPA chu Israel mite (Ephraima thlahte zawng zawng huamin) hnenah chuan a awm si lo a.

⁸Kal pawh ni la, huai takin indonaah chuan che rawh: chuti lo chuan Pathianin hmelma hmaah chuan a titlawm mai ang che: Pathian chuan tanpui theihna leh tihtlawm theihna a nei si a," a rawn ti a.

⁹Tin, Amazian Pathian mi hnenah chuan, "A nih leh, Israel sipaite ka pek tak talent za chu engtin nge kan tih tak ang?" a ti a. Tin, Pathian mi chuan, "LALPA chuan chu aia tam tak chu a pe thei che a ni," a ti a.

¹⁰Tichuan Amazia chuan Ephraim rama atanga sipai lo kalte chu haw leh turin a tihrang a; chuvang chuan Judate chungah chuan an thin a rim hle mai a, thimrim engphiarin an haw leh ta a.

¹¹Tin, Amazia chuan zam loin a mite chu a hruai chuak a, Chi Ruamah an kal a, Seira thlahte singkhat an that a.

¹²Tin, singkhat dang chu Judaten a nungin an man a, lungpui chhipah an hruai a, lungpui chhip atang chuan an nam thla chiam mai a, an keh sawm ta rem rum mai a.

¹³Amaherawhchu Amazian a hnena ralkap tura kal ve lo tura a hawntir sipaite chuan Judai ram khua te, Samari atanga Beth-horon thlengin an lo bei a, mi sangthum an that a, rallak sum tam tak an la a.

¹⁴Tin, heti hi a ni a, Amazia chu Edom-ho thata a lo haw chuan Seira thlahteho pathiante a rawn hawn a, a pathian atan a din a, chibai a buk a, rimtuite a halsak hlawm a.

¹⁵Chuvang chuan Amazia chungah LALPA thin a alh ta a, a hnenah zawlnei a tir a, chu mi chuan a hnenah, "I kut ata a mite pawh chhanchuak thei hlei lo hnam pathiante chu engah tehlul nge i zawn ni?" a ti a.

¹⁶Tin, heti hi a ni a, a hnena thu a sawi lai mek chuan lal chuan, "Lal roreltuah kan siam che em ni? Ngawi mai rawh; engah nge i nun i chan dawn?" a ti a. Tichuan zawlnei chuan, "Pathianin hetianga i tih avang leh ka remruat i ngaihsan loh avangin tihboral che i rulruk tih ka hria a ni," a ti a, a ngawi ta a.

¹⁷Chutichuan Juda lal Amazia chuan a remruat chu a pawm a, Israel lal Jehua fapa Jehoahaza fa Joasa hnenah, "Hawh teh, hmaichhanah i lo inen teh ang," tiin mi a tir a.

¹⁸Tin, Israel lal Joasa chuan Juda lal Amazia hnenah, "Lebanon tlang hlingin Lebanon tlanga sidar thing hnenah, "I fanu kha ka fapa nupuiah neitir teh khai, ' tiin a chah a; tin, Lebanon tlanga ramsa a lo kal a, hling chu a rawn chil thlu ta der mai a.

¹⁹Nang hian, " Ngai teh, Edom chu ka hneh,' tiin i chapo a nih hi, i inah tawm hle hle mai rawh; nang leh Juda ram chawp chawpa chhiarna, i tana pawi tur thil engah nge i chawh chhuah dawn ni?" tiin mi a tir ve a.

²⁰Nimahsela Amazia chuan a lo ngaithla duh lo a; Edom-ho pathiante a zawn avanga Judai ram chu an hmelmate kuta a pek theihna tura Pathian tih a ni a,

²¹Chutichuan Israel lal Joasa chu a han chho a; Juda lal Amazia nen chuan Judai ram Beth-semes khuaah hmaichhanah an inen ta ngei a,

²²Tin, Judate chan chu Israelte ai chuan a lo chhe ta zawk a; mi tin, mahni in lamah an tlan haw ta theuh a.

²³Tin, Israel lal Joasa chuan Juda lal, Ahazia fapa Jehoasa fa Amazia chu Beth-semes-ah chuan a man a, Jerusalem-ah a hruai a, Jerusalem kulh chu Ephraim kulh kawngka atanga kulh kil kawngka thlengin tawng zali zet a tichim a.

²⁴Tin, LALPA ina mi leh lal ina ro dah khawmnaa mi rangkachak leh tangkarua leh bungbel zawng zawng a awm apiang a la a, hrenga tang turte nen, tin, Samari khaw lamah a haw leh ta.a

²⁵Tin, Juda lal Joasa fapa Amazia thih hnuin kum sawm lehkum nga a la dam a.

²⁶Tichuan Amazia thiltih dangte chu a bul atanga a tawp thlengin, ngai teh, Juda lal leh Israel lalte lal lai thuziakna buah a chuang a ni lo'm ni?

²⁷Chutichuan Amazian LALPA zui a bansan veleh Jerusalem-ah chuan an phiar a, Lakis khuaah a tlan a; nimahsela Lakis khuaah chuan mi an umtir a, chutah chuan an that ta a.Tin, a ruang chu sakawrin an phur a, a pi leh pute hnenah Juda khawpuiah an phum ta a.

²⁸Tin, a ruang chu sakawrin an phur a, a pi leh pute hnenah Juda khawpuiah an phum ta a.