Read Baibul, Mizo 2 Chronicles 32 Bible Online

2 Chronicles 32 - Baibul, Mizo bible

2 Chronicles 32

¹Chutianga rinawm taka thil an tih hnu chuan Asuria lal Senakeriba a lo thawk a, Judai ramah chuan a lo lut a, kulh nei khuate chu a rawn hual a, lak a rawn tum a.

²Tin, Senakeriba a lo thawk a, Jerusalem rawn bei a tum tih Jezekian a hriat chuan,

³khaw pawn lama tuite chu tihchah turin a mi liante leh a mi chakte chu a rawn a; tichuan an tanpui a.

⁴Chutichuan mi tam tak an pung khawm a, tui zawng zawg leh ram chunga luang tlang luite chu an dang chat a, "Asuria lalte chu an lo luh a, tui tam tak engah nge an rawn neih tehlul ang," an ti a.

⁵Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.

⁶Tin, indonaa mipui hotute a siam a, khawpui kawngkhar hmun zau laiah a ko khawm a,

⁷Chak takin, huai takin awm u la, Asuria lal leh a hote mipui chu hlau suh u la, zam hek suh u, kan lama tang chu a lama tang aiin a chak zawk si a:

⁸a lama tang chu tisa sipai an ni a, min pui tur leh min dosak tura kan lama tang erawh chu LALPA kan Pathian a ni si a," tiin thlamuanna thu a sawi a. Tin, mipui chuan Juda lal Jezekia thu sawite chu an ring a.

⁹Chu mi hnuah chuan Asuria lal Senakeriba chuan (amah leh a sipaite chu Lakis-ah an awm a) Juda lal Jezekia leh Jerusalem-a Juda mi zawng zawngte hnenah chuan,

¹⁰Asuria lal Senakeriba chuan heti hian a ti,'Jerusalem lak chu eng nge ni in han rih lohna?

¹¹Hezekia chuan, LALPA kan Pathianin Asuria lal kut ata min chhanchuak ang, tiin riltam leh tuihala in thihna mai turin a thlem che u a ni lo'm ni?

¹²Hezekia bawk hi a ni lawm ni, a hmun sangte leh a maichamte tichim a, Juda mi leh Jerusalem-a mite hnena, Maicham pakhatah Pathian in bia ang a, rimtui in hal ang, tia thu petu kha?

¹³Kei leh ka puten ram tin, hnam tin, chunga kan thiltih te kha in hre lo em ni? Eng hnam pathian mahin ka kut ata an ram chu an humsak thei lo a ni lo'm ni?

¹⁴Tu hnam pathian nge ka puten an tihboral ka kut ata an mite chhanchuak thei awm a, nangni Pathian pawhin ka kut ata a han chhanchhuah theih bikna tur che u?

¹⁵Chuvangin Hezekia chuan bum che u suh se la, chutiang chuan thlem che u suh sela,amah chu ring suh u; eng hnam pathian leh eng ram pathian mah an mite ka kut ata leh ka pute kut ata chhanchuak thei an awm lo a; engtin nge in Pathian chuan ka kut ata a chhanchhuah theih bik tehlul ang che u?'" tiin Jerusalem-ah a mite a tir a.

¹⁶Tin, a mite chuan chu aia nasa chuan LALPA Pathian leh a chhiahlawh Hezekia chungchang thu a tha lo lamin an sawi a.

¹⁷Tin, Israelte LALPA Pathian chawk thinurzawng leh a sawi chhe zawngin lehkha a ziak bawk a, "Ram tin, hnam tin, pathianten ka kut ata an mite an chhanchhuak thei lo ang bawkin Hezekia Pathian pawhin ka kut ata a mite a chhanchhuak tawp lo ang," tiin.

¹⁸Tin, khua chu an lak theihna'n a rap tur leh timangang turin Jerusalem-a kulha awmte chu Juda tawngin ring takin an au khum a.

¹⁹Jerusalem Pathian chu mihring kuta siam, khawvel pathian ang lek fangin an sawi a.

²⁰Chutichuan lal Hezekia leh Amoza fapa zawlnei Isaia chuan chu mi avang chuan an tawngtai a, vana mi an au a.

²¹Tin, LALPA'n vantirhkoh a tir a, chu chuan Asuria lal riahhmuna mi chak huaisen zawng zawng te, hma hruaitu hotute chu a tihlum a. Tichuan zak tak hmel puin a ram lamah a haw leh ta a. Tin, a pathian ina a va kal chu ama rila rahte ngei khandaihin an lo tihlum ta a.

²²Chutiang chuan LALPA'n Hezekia leh Jerusalem-a mite chu Asuria lal Senakeriba kut ata leh mi dang zawng zawng kut ata chu a chanhim a, an vela mite laka a veng a.

²³Tin, mi tam takin Jerusalem-ah LALPA tan thilpek an rawn la a, thil hlu tak takte Juda lal Hezekia chu an rawn pe a chuta tang chuan hnam tin, mithmuhah chawimawiin a awm ta a.

²⁴Chung lai chuan Hezekia chu thih ngamin a na a, LALPA hnena a tawngtai a; tin, a lo chhang a, chhinchiahna a pe a.

²⁵Nimahsela Hezekia chuan a tana tha tura tih ang chuan a ti lo a, a rilru a lo chapo tak avangin: chuvangin a chungah leh Judate leh Jerusalem chungah thinurna a lo thleng ta a.

²⁶Amaherawhchu Hezekia chuan a rilru chapona chu inchhirin a inngaitlawm leh a, amah leh Jerusalem-a mite nen; tichuan Jezekia dam chhung chuan LALPA thinurna an chungah a lo thleng ta lo a.

²⁷Tin, Hezekia chuan sum leh pai a lo ngah a, a lo ropui ta hle mai a; tangkarua te, rangkachak te, lunghlu te, rimtui te, phaw te leh bungbel tha tak tak dah khawmna in a sa a:

²⁸buh te, uain te, hriak te dah khawmna in pawh a sa bawk a, tin, ran tinreng dahna leh beram huangte a siam a.

²⁹Tin, khuate pawh a siam bawk a, beram rual leh bawng rual a ngah em em mai a; Pathianin neinung takin a siam a.

³⁰Hezekia bawk hian Gihon lui tui chhakta zawk a tiping a, Davida khaw thlang lampangah a luan thlaktir bawk a. Tichuan Jezekia chu a thiltih zawng zawngah chuan a hmuingil zel a.

³¹Babulon mi lianten palaia an tirha a rama thil mak an zawh thuah chuan a rilrua awm zawng zawng a hriat theina'n Pathianin thlahthlamin a fiah a.

³²Hezekia thiltih dang zawng zawng te, a thiltih that te chu, ngai teh, Amoza fapa zawlnei Isaia inlarna bu, Juda lal leh Israel lalte chanchin buah a chuang a.Tin, Hezekia chu a pi leh pute hnenah a muhil a, Davida fapate thlan hmun chhohnaah an phum a; Judate zawng zawng leh Jerusalem-a mite chuan a thih ni chuan ropui takin an ral a. Tin, a fapa Manasea chu a aiah a lal ta a.

³³Tin, Hezekia chu a pi leh pute hnenah a muhil a, Davida fapate thlan hmun chhohnaah an phum a; Judate zawng zawng leh Jerusalem-a mite chuan a thih ni chuan ropui takin an ral a. Tin, a fapa Manasea chu a aiah a lal ta a.