Read Baibul, Mizo 2 Chronicles 33 Bible Online

2 Chronicles 33 - Baibul, Mizo bible

2 Chronicles 33

¹Manasea chu a lal tantirhin kum sawm leh kum hnih a ni a; Jerusalem-ah kum sawmnga leh kum nga a lal a.

²Tin, LALPA mithmuhah thil tha lo, Israela thlahte hmaa LALPA'n a hnawhchhuah Pathian hre lo hnamten thil tenawm tak an tih ang chu a ti ve thin a.

³A pa Hezekian a tihchim hnu hmun sangte a din tha a, Baala te tan maicham a din a, Aseri lemte a siam a, vana awm zawng zawng khi a bia a, an rawng te a bawl a.

⁴Tin, "Jerusalem-ah kumkhuain ka hming a awm ang," LALPA'n a tihna LALPA inah chuan maichamte a siam a.

⁵LALPA in hungchhung kawtlai pahnihah chuan vana awm zawng zawng tan maichamte a siam a.

⁶Hinoma fapa ruamah meiah a fate chu a luhtir a; aiente a ching a, dawite a hmang a, ramhuai aienthiam zawlte leh dawithiamte a ruai thin a; LALPA tithinur turin a mithmuha thil tha lo a ti thin a.

⁷7-8, Tin, Pathianin Davida leh a fapa Solomona hnena, "He in leh Jerusalem khua, Israel chi zawng zawng zinga ka thlanah hian ka hming chu kumkhuain ka awmtir ang a; thu ka pek zawng zawng leh dan zawng zawng te, thu ruat te, thiltih tur te Mosia hmanga ka pekte kha an zawm phawt chuan an pi leh pute ka pek tawh ram ata chu Israel-hote ke chu ka pen chhuahtir tawh lo ang," a lo tih tawhna Pathian inah chuan ama siam, milem siam chawp a dah a.

⁸7-8, Tin, Pathianin Davida leh a fapa Solomona hnena, "He in leh Jerusalem khua, Israel chi zawng zawng zinga ka thlanah hian ka hming chu kumkhuain ka awmtir ang a; thu ka pek zawng zawng leh dan zawng zawng te, thu ruat te, thiltih tur te Mosia hmanga ka pekte kha an zawm phawt chuan an pi leh pute ka pek tawh ram ata chu Israel-hote ke chu ka pen chhuahtir tawh lo ang," a lo tih tawhna Pathian inah chuan ama siam, milem siam chawp a dah a.

⁹Tin, Manasea chuan Judate leh Jerusalem-a mite chu thil a tihsualtir a; tichuan LALPA'n Israelte hmaa a tihboral tak hnamte ai mahin thil an tisual zawk a.

¹⁰Tin, LALPA'n Manasea leh a mite hnenah thu a sawi thin a; nimahsela an ngaihsak lo a.

¹¹Chuvang chuan LALPA'n Asuria sipai hotute a tir a, Manasea chu khaidiatin an hling a, kawl an buntir a, Babulonah an kalpui ta a.

¹²Tin, mangang taka a awm lai chuan LALPA a Pathian chu a zawng a, a pi leh pute Pathian hmaah chuan nasa takin a intihnuai a.

¹³A hnenah a tawngtai a, khawngaih a hlawh a, a dilna chu a ngaihthlaksak a, Jerusalem-ah a ramah chuan a hruai leh ta a. Tichuan Manasea chuan LALPA chu Pathian a nih a hre ta a.

¹⁴Tin, chu mi hnuah chuan Davida khaw pawn lamah Gihon thlang lampang ruama sangha kawngkhar luhna thlengin kulh a siam a, Ophel hualvelin sang takin a din a: tin, Juda khua kulh nei zawng zawngah chuan hotu huaisen tak takte a dah a.

¹⁵Tin, ram dang pathiante leh milem te, LALPA in ata chu a thehthang bo a, tin, LALPA in tlang leh Jerusalem-a maicham a siam zawng anwgte chu khua ata an paih vek a.

¹⁶Tin, LALPA maicham a siam a, remna thilhlan inthawina te, lawm thu sawina te ahlan a, Judate chu LALPA Israelte Pathian rawng bawl turin thu a pe a.

¹⁷Mipuite chu hmun sangahte chuan an la inthawi reng a, amerawhchu LALPA an Pathian hnenah chauh a ni ta zawk a.

¹⁸Manasea chanchin dang zawng zawngte, a Pathian hnena a tawngtai thu te, LALPA Israelte Pathian hminga zawlneiin a hnena thu a sawi thu te chu ngai teh, Israel lalte chanchin zingah a chuang a.

¹⁹A tawngtaina te leh Pathian a khawngaihna leh a intihhnuai hmaa a sualna zawng zawng leh hmun sang a siam a, Aseri leh milem siam chawp a dinna hmun zawng zawngte pawh, ngai teh, Hozaia chanchin ziakna buah a chuang vek a ni.

²⁰Chutichuan Mansea chu a pi leh pute hnenah a muhil a, ama inah an phum a; tin, a fapa Amona chu a aiah a lal ta a.

²¹Amona chu a lal tantirhin kum sawmhnih leh kum hnih a ni a; Jerusalem-ah kum hnih a lal a.

²²A pa Manasea tih ang bawkin LALPA mithmuhah thil tha lo a ti a; a pa Manasean a siam milem siam chawp zawng zawng a henah Amona chu a inthawi a, an rawn a bawl a.

²³A pa Manasea intihhnuai ang khan LALPA hmaah a intihnuai ve lo a. Amona hi chu a sual zual sauh sauh mai a ni.

²⁴Tin, a chhiahlawhten an phiar a, ama inah an tihlum a.Nimahsela Amona phiartu zawng zawngte chu mipuiin an that ve vek a; tin, mipuite chuan a fapa Josia chu a aiah lalah an siam ta a.

²⁵Nimahsela Amona phiartu zawng zawngte chu mipuiin an that ve vek a; tin, mipuite chuan a fapa Josia chu a aiah lalah an siam ta a.