Read Baibul, Mizo 2 Chronicles 35 Bible Online

2 Chronicles 35 - Baibul, Mizo bible

2 Chronicles 35

¹Tin, Josia chuan Jerusalem-ah LALPA tan kalhlen kut a nei a; kalhlen kutna tur chu thla khatna, ni sawm leh ni li niin an talh a.

²Tin, puithiamte chu an hnathawh a ruatsak a, LALPA ina rawngbawl hna thawk turin a fuih a.

³Tin, Israel mite zirtirtu, Pathian tana tihhran Levi-hote hnenah chuan, "Israel lal Davida fapa Solomona in sakah chuan bawm thianghlim chu dah rawh u; in kokia zawn a ngai tawh lo ang; LALPA in Pathian leh a mi Israelte rawng bawl tawh rawh u khai.

⁴Tin, Israel lal Davida ziak ang leh a fapa Solomona ziak angin in chhungkaw puipa zir zelin a pawl pawlin inbuatsaih rawh u.

⁵Tin, in unauteho chhungkaw puipa zir zelin Levi-hote puala chanvo neiin hmun thianghlimah chuan awm rawh u.

⁶Kalhlen Kutna tur talh u la, intithianghlim u la, Mosia hmanga LALPA sawi anga ti turin in unaute tan buatsaih rawh u," a ti a.

⁷Tin, Josian chuta mi awm zawng zawngte chu kalhlen kuta hlan turin ran rual zinga mi beram no leh kel no singthum leh bawngpa sangthum a pe a: chungte chu lal sum zinga mi a ni.

⁸Tin, a mi liante chuan mipui te, puithiam te, Levi-hote chu mahni duh thua hlan atan an pe a. Pathian in hotu, Hilkia te, Zekaria te, Jehiela te chuan Kalhlen kuta hlan turin ran no sanghnih leh zaruk leh bawngpa zathum puithiamte an pe a.

⁹Tin, Konania te, a unau Semaia leh Nethanela te, Levi-hote hotu Hasabia te, Zeiela te, Jozabada te pawhin kalhlen kuta hlan atan Levi-hote chu ran no sangnga leh bawngpa zanga an pe a.

¹⁰Tichuan rawngbawlna chu an buatsaih a, lal thupek angin puithiamte chu an hmunah an ding a, Levi-hote chu an pawl dan ang zelin.

¹¹Tin, kalhlen kutna tur chu an talh a, puithiamte chuan thisen chu an theh a, Levi-hote chuan an lip a.

¹²Tin, Mosia lehkhabua chuang anga an chhungkaw then dan zir zela LALPA hnena hlan atana pek turin halral thilhlante chu an la sawn a. bawngpate pawh chu chutiang bawk chuan an ti a.

¹³Tin, kalhlen kutna tur a dan angin an hem hmin a; tin, thilhlan thianghlim sa chu, bel te, bel khaina nei te, bel rawng zautein an chhum kawi a, mi zawng zawngte hnenah an kalpui a.

¹⁴Tin, chu mi zawhah chuan anmahni leh puithiamte tan an buatsaih a; Arona fa puithiamte chu halral thilhlan leh sa thau hlanin zan thlengin an buai si a; chuvangin Levi-hote chuan anmahni leh Arona fa puithiamte tan an buatsaih a ni.

¹⁵Tin, Davida leh Asapha leh Hemana leh lal zawlnei Jeduthuna te thupek angin hla satu Asapha fapate chu an hmunah an ding a, tin, kawngkhar vengtute chu kawngkhar tinah an awm a; an unau Levi-hoten an buatsaihsak avangin an hna kalsan a ngai lo a.

¹⁶Chutichuan lal Josia thupek anga kalhlen kut nei tur leh LALPA maichama halral thilhlan hlan turin chu mi ni vek chuan LALPA rawngbawlna thil zawng zawng chu an buatsaih a.

¹⁷Tin, Israela thlah chuta awmte chuan chu mi ni chuan Kalhlen Kut an nei a, chhang dawidim telh loh kut pawh ni sarih an nei bawk a:

¹⁸zawlnei Samuela dam lai ata Israel rama kalhlen kut chutiang reng reng chu an nei ngai loa; Israel lal tumahin Josia leh puithiamte leh Levi-hote leh Juda zawng zawng leh Israelten an neih anga nei an awm hek lo.

¹⁹Kum sawm leh kum riat Josia a lal kumin chu Kalhlen Kut chu an nei a ni.

²⁰Chung zawng zawng hnua Josian biak in a buatsaih zawh chuan, Aigupta lal Nekova chu Karkemis bei turin Euphrates luiah a han chho a; tin, Josia chuan a han bei a.

²¹Nimahsela ani chuan, "Nang Juda lal, kei leh nang eng nge kan intihna tur awm? Nang bei turin ka lo kal lo a, ka do laite bei tur zawkin a sin ni ka lo kal, Pathianin hmanhmawh turin thu min pe a, ka lama tang Pathian chu dosal suh khai, a ti boral dah ang che," tiin palai a tir a.

²²Nimahsela Josia chuan a kirsan duh lo a, a do theihna'n a inbawl danglam a, Pathian ka atanga Nekova thu sawi chu a pawm lo a, Megido ruama lo bei turin a kal a.

²³Tin, thal kap mite chuan Josia chu an han kap a; tin, lal chuan a chhiahhlawhte hnena, "Min kal bopui rawh u, hliam nasa tak ka tawk ta," a ti a.

²⁴Chutichuan a chhiahhlawhte chuan tawlailir ata chu an la chhuak a, a tawlailir dangah chuan an dah a, Jerusalemah an kalpui a, a thi a, a pi leh pute thlanah an phum ta a. Juda mi zawng zawng leh Jerusalem-a miten Josia chu an sun a.

²⁵Tin, Jeremia chuan Josia chu a tah a: tin, hla satu hmeichhia leh mipate chuan tun thlengin Josia an tah hla chu an la chham a. Israel ramah chuan danah an neih a, ngai teh, tah hlaah chuan a chuang ta a.

²⁶Josia thiltih dang zawng zawng, LALPA danah a chuang ang a, a thiltih tha te,a hmasa ber leh a hnuhnung berte pawh, ngai teh, Israel lal leh Juda lalte chanchin buah a chuang a.

²⁷a hmasa ber leh a hnuhnung berte pawh, ngai teh, Israel lal leh Juda lalte chanchin buah a chuang a.