Read Baibul, Mizo 2 Chronicles 36 Bible Online

2 Chronicles 36 - Baibul, Mizo bible

2 Chronicles 36

¹Tichuan chu mi rama mite chuan Josia fapa Jehoahaza chu an hruai a, Jerusalem-ah a pa aiah lalah an siam ta a.

²Joahaza chu a lal tantirhin kum sawmhnih leh kum thum a ni a, Jerusalem-ah thla thum a lal a.

³Aigupta lalin Jerusalem-a a lalna a bansak a, an ram chu tangkaraw talent za leh rangkachak talent khat a chawitir a.

⁴Tin, Aigupta lal chuan a unaupa Eliakima chu Juda leh Jerusalem-a lalaha siam a,a hming chu Jehoiakima tiin a thlaksak a. Tin, Nekova chuan a unaupa Joaza chu Aigupta ramah a hruai a.

⁵Jehoiakima chu a lal tantirhin kum sawmhnih leh kum nga a ni a, Jerusalem-ah kum sawm leh kum khat a lal a: LALPA a Pathian mithmuhah thil tha lo a ti thin a.

⁶Babulon lal Nebukadnezara chu amah bei turin a lo thawk a, Babulon-a hruai turin kawl a buntir a.

⁷Nebukadnezara chuan LALPA in bungbelte pawh Babulon-ah a la a, Babulon-a a pathian biak inah a dah a.

⁸Jehoiakima chanchin dang te, a thil tenawm tih te leh a awm dante chu, ngai teh, Israel lal leh Juda lalte chanchin buah a chuang a; tin, a fapa Jehoiakina chu a aiah a lal ta a.

⁹Jehoiakina chu a lal tantirhin kum riat a ni a, Jerusalem-ah thla thum leh ni sawm a lal a, LALPA mithmuha thil tha lo a ti thin a.

¹⁰Tin, kum a lo vei chuan lal Nebukadnezara chuan mi a tir a, LALPA ina bungbel tha tak takte nen Babulon-ah a hruaitir a, a unaupa Zedekia chu Judai ram leh Jerusalem-a lalah a siam a.

¹¹Zedekia chu a lal tantirhin kum sawmhnih leh kum khat a ni a, Jerusalem-ah kum lawm leh kum khat a lal a:

¹²LALPA a Pathian mithmuhah thil tha lo a ti thin a; LALPA ka atanga thu sawitu zawlnei Jeremia lakah chuan a intihnuai duh lo a.

¹³Pathian hminga chhechhamtirtu lal Nebukadnezara chungah a hel bawk a, luhlul a chhuah a, LALPA Israelte Patian lam hawi lo turin a rilru a tikhauh a,

¹⁴Puithiam hotu zawng zawngte leh miang bawk thil tenawm tak takte an ti a; Jerusalem-a a tihthianghlim LALPA inte pawh chu an tibawlhhlawh a.

¹⁵Tin, LALPA, an pi leh pute Pathian chuan an hnenah theihpatawpa thahnemngaiin mi a tir a, a mite leh a awmna hmun chu alainat avangin;

¹⁶nimahsela Pathian mi tirhte chu an hmusit a, a thute chu an ngainep a,a mite chunga LALPA thinurna chu a lo thawh a, tihlungawi lehna reng awm lo khawp hialin a zawlneite chu an tinawmnah a.

¹⁷Chuvangin Kaldai lal an chungah a thawhtir a, ani chuan an tlangvalte chu an hmun thianghlimah khandaihin a that a. Nula leh tlangval pawh, tar pawh, tarchia pawh lainatna reng reng a nei lo a; a kutah a pe vek a.

¹⁸Tin, Pathian ina bungbel zawng zawng, a lian pawh, a te pawh, LALPA ina sum dah khawm zawng zawng te, lal sum dah khawm leh a mi liante sum dahkhawmte lamin Babulon-ah a la vek a.

¹⁹Tin, Pathian inte a hal a, chuta bungbel tha mi zawng zawngte chu an tiche vek a.

²⁰Khandaiha thah bang zawng zawngte chu Babulon-ah a hruai a, amah leh a fapate chhiahhlawhah Persia-ho lo len tlengin an awm ta a.

²¹LALPA'n zawlnei Jeremia hmanga thu a lo sawi chawlhni serh thei loa an awm chhung kum sawmsarih, chawlhni an serh leh theih thlengin, ram chu tihtiauin a awm ang, a tih kha a lo thleng ta a ni.Chutichuan Persia lal Kura lal tirh kumin Jeremia kaa LALPA thu chu a thlen kim theihna'n a ram zawng zawnga than chhuak vek tur leh a ziaka ziak tur pawhin LALPA'n Persia lal Kura thinlung chu a chawk tho a,

²²Chutichuan Persia lal Kura lal tirh kumin Jeremia kaa LALPA thu chu a thlen kim theihna'n a ram zawng zawnga than chhuak vek tur leh a ziaka ziak tur pawhin LALPA'n Persia lal Kura thinlung chu a chawk tho a,