Read Baibul, Mizo 2 Chronicles 4 Bible Online

2 Chronicles 4 - Baibul, Mizo bible

2 Chronicles 4

¹Tin, dar maicham, a dung lam tawng sawmhnih, a vang lam tawng sawm hnih, a san la tawng sawm a siam bawk a.

²Dar zem bial lian pui, a tlang leh a tlang inkara tawng sawm tla, a san lam tawng nga a chung bawk a: a tlang chu tawng sawmthum bial vel a ni.

³A tlang hnuai chu kuhmum lemte hian a vel chuak a, tawng khatah sawm zel, dar zel vel chuan a awm a. Kuhmum lem chu tlar hnih a ni a, dar zema chun belhbawm a ni.

⁴Chu chu bawngpa sawm leh pahni chungah a innghat a, pathumin hmar lam an hawi a, pathumin thlang lam an hawi a, pathumin chhim lam an hawi a, pathumin chhak lam an hawi a; hnung lam an inchhawn theuh a,

⁵tuizem chu kutphah bawka chhah a ni a, tin, 1200 dawng a ni, a tlang chu no tlang ang, lili par anga siam a ni.

⁶Insilna tur maihun sawm a siam bawk a, ding lampangah panga a hung a, vei lampangah panga a hung a; chung hchu halral thillan silna tur a ni a; dar zem eraw chu puithiamte insilna tur a ni.

⁷Tin, a siam dan tura ruat angin rangkachak khawnvar dahna sawm chu a siam a, biak in chungah chuan ding lamah panga, vei lama panga a dah a.

⁸Dawhkan sawm a siam bawk a, biak in chungah chuan ding lamah panga , vei lama panga a dah a. Tin, rangkachak maihun za a siam a.

⁹Chung lo pawh chu kawtzawl puithiamho ta leh a pawn zawka kawtzawl zau a siam a, kawngkharpui a siam bawk a, darin a luan a.

¹⁰Tin, zem chu in ding lampangah chak lama chhim chhawngin a hung a.

¹¹Tin, Hurama chuan bel te, vutlawhna te, maihunte a siam a. Chutichuan Pathian in atana lal Solomona a siamsak chu Hurama chuan a peih ta a;

¹²ban pahnih te, bel anga bawk te, ban chhipa bel anga bawk pahnih te, ban chhipa bel anga bawk pahnih tuamna tial chik chek pahnih te,

¹³chu mi tuamna tial chik chek pahnih atana pawmgranet zali te, ban chhipa bel anga bawk pahnih tuamna tur tial chik chek ve ve atana pawmgranet tlar hnih te.

¹⁴Hunchhan te, hunchhan chunga belte pawh a siam a;

¹⁵zem pakhat leh a hnuaia sebawngpa sawm leh pahnihte nen.

¹⁶Bel te, vutlawhna te, sathurna te leh a bungbel zawng zawngte pawh chu Hurama chuan LALPA in atan dar nawtleta lal Solomonaa siamsak a ni.

¹⁷Chungte hu Jordan phai zawla Sukoth le Zereda belei hmuna lal chuan a chhung a.

¹⁸Chutiang chuan Solomonan bungbel tam tak a siam a; dar chu buk sen rual a ni lo.

¹⁹Tin, Solomona chuan Pathian ina bungbel awm zawng zawng chu a siam a, rangkachak maicham te, chhang chhiahna dawhkan te;

²⁰ruat anga hmun thianghlim hmaa chhit tur khawnvar dahna te, a khawnvar chawpin, rangkachak hlir hlain a siam a;

²¹tin, pangpar te, khawnvarte leh chaichehte chu rangkachak, rangkachak hlir hlakin a siam a;tin, khawnvar puan chehna te, maihun te, fian te, mei laknate chu rangkachak hlir hlak bawkin: tin, in chhung luhna, in chhung ril zawk hmun thianghlim ber kawngkharte leh a in, Biak in kawngkhar te chu rangkachakin a siam a.

²²tin, khawnvar puan chehna te, maihun te, fian te, mei laknate chu rangkachak hlir hlak bawkin: tin, in chhung luhna, in chhung ril zawk hmun thianghlim ber kawngkharte leh a in, Biak in kawngkhar te chu rangkachakin a siam a.