Read Baibul, Mizo 2 Chronicles 6 Bible Online

2 Chronicles 6 - Baibul, Mizo bible

2 Chronicles 6

¹Chutichuan Solomonan thu a sawi a: "LALPA'n, 'Thim chhah mupah chuan ka awm ang,' a ti tak a,

²nimahsela i chenna tur in, kumkhuaa i awmna tur chu ka lo saksak ta che a ni hi," tiin.

³Tin, lal chu a lehkhawi a, Israel-ho pungkhawm zawng zawngte chu mal a sawm a; Israel-ho pungkhawm zawng zawngte chu an ding thup a.

⁴Tin, ani chuan, "LALPA, Israelte Pathian, ka pa Davida hnena ama ka ngeia,

⁵Aigupta ram ata ka mi Israelte ka hruai chhuah ni atangin Israel-ho hnam zinga khawii khua mah hi ka hming awmna tur in sakna'n ka la thlang ngai lo a; ka mi Israelte chunga hotu tur mi tumah ka la thlang ngai hek lo;

⁶amaherawhchu ka hming awmna turin Jerusalem hi ka lo thlang ta a, ka mi Israelte hotu atan Davida hi ka lo thlang ta a ni,' tia lo sawitu, ama kut ngeia rawn puitlintu hi fakin awm rawh se.

⁷Ka pa Davida khan Israelte Pathian, LALPA hming atan in sak a rilru thin a.

⁸Nimahsela LALPA'n ka pa Davida hnenah, 'Ka hming atan in sak i rilruk thin a, hetiang rilru i lo pu hi i titha e;

⁹nimahsela nang zawngin in chu i sa lo ang a; i fapa, i thalbea la chhuak tura chuan ka hming atan in chu a la sa zawk ang,' a lo ti tawh a.

¹⁰Tin, LALPA'n a thu sawi chu a rawn hlen ta a; LALPA lo tiam tawh ang ngeiin ka pa Davida hmun chu ka lo luah a, Israel lalthutthlengah chuan ka lo thu a, Israelte Pathian, LALPA hming atan in chu ka lo sa ta a ni.

¹¹Chutah chuan Israela thlahte hnana a lo thlun, LALPA thuthlunna bawm chu ka dah ta a ni," a ti a.

¹²Tin, LALPA maicham bulah Israel pungkhawm zawng awng hmuhah chuan a ding a, a ban a phar a,

¹³(Solomona dar dawhkan a sei lam tawng nga, a zau lam tawng nga, a san lam tawng thuma siam biak in kawtlai taka a hunah chuan a chuang a, Israel pungkhawm ho zawng awng hmaa chuan a thingthi a, van lam hawiin a ban a par a._

¹⁴Aw LALPA, Israelte Pathian, lei leh vana nangmah ang reng Pathian an awm lo, an thinlung zawng zawng i kawng zawhtu i chiahhlawhte chunga chuan thuthlung hlenin i khawngaih thin a;

¹⁵I chhiahhlawh ka pa Davida hnena i thutiam chu i hlen a; a ni, vawiin niah hian i kaa i lo sawi tawh chu i kutin i hlawhtlintir ta a.

¹⁶Chutichuan aw LALPA, Israelte Pathian, i chhiahlawh ka pa Davida hnena, 'I thlahte chu i awm anga awm ve tura an awm dana an fimkhur pawht chuan, ka mithmuha Israelte lalthutthlenga thu tur chu i hmai lo ang,' tia i lo tiam tak kha hlen ang che.

¹⁷Chutichuan LALPA, Israel Pathian, i chhiahhlawh Davida hnena i thu lo sawi chu hlawhtlintir ngei ang che.

¹⁸Amaherawhchu nang Pathian chu lei mihringte zinga i cheng tak meuh dawn em ni le? Ngai teh, van zau takah pawh i leng lo a ni a, he ka in sakah hian i va leng lo nasa lehzual awm em!

¹⁹Nimahsela aw LALPA ka Pathian, i chhiahhlawhin a auhna che leh a tawngtaina hi ngaihthlaksakin, i chhiahhlawh tawngtaina leh dilna hi rawn ngaihsak ang che:

²⁰he mi hmun lam hawia i chhiahhlawhin a tawngtaina chu ngaithla a, 'Chutah chuan ka hming chu a awm ang,' i tihna hmun ngei, in lamah hian chhun leh zana i mit i len reng thin theihna turin.

²¹Tin, i chhiahhlawh leh i mi Israelte hian he mi hmun lam hawia an tawngtai hunin an dilnate lo ngaihthlaksak thin ang che, a ni, i chenna hmun vanan lo ngaithla la; tin, lo ngaithlain ngaidam ang che.

²²Mi tupawhin a vengte hungah thil tisualin, chhechhamtir hial lo tul se la, he mi ina i maicham hmaah hian rawn chham se la,

²³nangin vanan lo ngaithla la, che la, mi sual chu a suam mana thiam lo chantirin, mi fel chu a fel mana thiam chantirin i chiahhlawhte rorelsak ang che.

²⁴I mi Israelte hian i chunga thil an tihsual avanga hmelmate laka an lo tlawm a, i lam an lo hawi leh a, i hming an tan a, he mi ina tawngtaia thil an rawn dil che chuan,

²⁵nangin vanan lo ngaihthlaksak la, i mi Israelte sualna chu ngaidam la, anmahni leh an pi leh pute i pek ramah chuan hruai leh ang che.

²⁶I chunga thil an tihsual avanga van a lo pin a, ruahte a lo sur loh a, he mi hmun lam hawia an tawngtaia i hming an tan a, anmahni i tihhreawm avanga an sualte an sim chuan,

²⁷nangin vanan lo ngaithla la, an kalna tur kawng tha kawhhmuhin i chhiahhlawhte leh i mi Israelte sualna hi ngaidamin i mite an rochan atan i pek i ramah hian ruah han surtir ang che.

²⁸Kan ramah hian tam te a lo tlak a, hrite a lo len a, rona emaw, tawihna emaw, khaukhuap emaw, pangang emaw a lo awm a, an hmelmaten an khuate an rawn hual a, hri engpawh, natna engpawh a lo thlen chuan,

²⁹an hri vei emaw, an lungngaihna emaw hria apiangin, he in lam hawia ban phara mi mal emaw, Israel mipui hoin emaw tawngtaina leh dilna an rawn thlen chu

³⁰i awmna vanan lo ngaithla la, ngaidam la, mi tin, an awm dan ang theuh zelin hlawhtlintir ang che, an thilnung i hre theuh si a; (nangma chauh hi mihring fate thinlung hretu i ni si a;)

³¹kan pi leh pute i pek rama an awm chung zawnga i kawng zawh theihna tura an tihna tur chein.

³²Tin, i mi Israelte ni lo, hnam dang mi, i hming ropui tak leh i kut chak tak leh i ban phar avanga ram hla tak ata lo kal a, he mi in lam hawia an rawn tawngtai hunin

³³nangin i awmna vanan lo ngaithla la, hnamdangte pawh an koh dan che ang zelin an chunga ti ang che; tichuan i mi Israelte ang bawkin khawvela hnam tinin i hming an hria ang a, an tih ang chai, he in ka sak hian i hming apu tih an hre dawn nia.

³⁴I miten an hmelmate chu i tirhna lam apianga an beihin i khawpui thlan leh i hming atana in ka lo sak lam hawia i hnena an tawngtai chuan,

³⁵nangin an tawngtaina leh an dilna chu vanan lo ngaithla la, an thu-ah chuan pui zel ang che.

³⁶I chunga an lo sual a, (tumah sual lo an awm si lo) an chunga i thinur a, hmelma kuta i pek a, ram hla takah emaw, hna deuhvah emaw sala an hruai emaw pawha,

³⁷sala an ruaina rama an inngaihtuah chhuah a, an inchhir a,, 'Kan lo sual ta a, dik lo tak leh suahsualthlak takin thil kan lo ti ta a ni,' tia

³⁸an tana rama dilna an rawn thlen a, sala hruaituten an hruai an tanna rama an thinlung tak leh an rilru tak taka i lam an lo hawi a, an pi leh pute ram lam leh i khawpui thlan leh i hming atana ka in sak lam hawia i hnena an tawngtai chuan,

³⁹an tawngtaina leh an dilna chu nangin i awmna vanan lo ngaithla la, an thu-ah chuan pui zel la, i chunga lo sual ta i mite chu ngaidam ang che.

⁴⁰Aw ka Pathian, khawngaih takin i mit lo meng la, he hmuna tawngtainaah hian i beng lo chhi ang che.

⁴¹Aw LALPA Pathian, i awmna hmunah chuan cho rawh, nang leh i chakna bawm nen; aw LALPA Pathian, i puithiamte chu chhandamnain thuam la, i mi thianghlimte chu thatnain tihlim rawh.Aw LALPA Pathian, i hriak thiha hmel chu hawi kirtir suh la, i chhiahlawh Davida thil tha tihte chu hre reng ang che," a ti a.

⁴²Aw LALPA Pathian, i hriak thiha hmel chu hawi kirtir suh la, i chhiahlawh Davida thil tha tihte chu hre reng ang che," a ti a.