Read Baibul, Mizo 2 Chronicles 7 Bible Online

2 Chronicles 7 - Baibul, Mizo bible

2 Chronicles 7

¹Tin, Solomonan a han tawngtai zaw chuan van atangin mei a lo chuk a, halral thilhlan leh inthawinate chu a rawn kangral a a; tin, LALPA ropuinain in chu a lo khat ta a.

²LALPA ropuinain LALPA in chu a tihkhah avangin LALPA inah chuan puithiamte chu an lut thei ta lo a.

³Tin, Israela thlahte zawng zawng chuan van atanga mei lo chhuk leh in chunga LALPA ropuina chu an en reng a, lung rem chunga chuan hmaia lei siin an bawkkhup a, "Ani chua tha si a, a ngilneihna chu kumkhuain a awm dawna ni," tiin chibai an buk a, lawm thu an sawi a.

⁴Tichuan lal leh mipuite chuan LALPA hmaa inthawinate an hlan a.

⁵Lal Solomona chuan inthawina bawngpa singhnih leh sanghnih leh beram nuaikhat leh singhnih a hlan a. Chutiang chuan lal leh mipuite chuan Pathian in chu an hlan a.

⁶Tin, puithiamte chu an hmun theuhvah an ding a; tin, Levi-hote pawh chu LALPA hnena lawm thu sawina'na phuah, 'A ngilneihna chu kumkhuain a awm dawn a ni,' tia LALPA fakna'na Davida'n a hman thin, thil ri thei nena LALPA hla sain an ding bawk a; tin, puithiamte chuan tawtawrawt an ham a, Israel mi zawng zawng chu an ding thup a.

⁷Tin, Solomona chuan LALPA in hma zawna hungchung kawtlai tak chu a tithianghlim bawk a; chutah chuan halral thinhlan te, remna thilhlan thau te a hlan a; Solomona dar maicham siam chu halral thilhlan te, chhangphut thilhlan te, thau te hlanna'n a tet luattuk avangin.

⁸Chutichuan chu mi tum chuan Solomona leh Israel mi zawng zawng, mipi pungkhawm nasa tak chu Hamath kaw luhna atanga Aigupta ram lui thlenga mite nen ni sarih an kut a.

⁹Tin, ni riat ni chuan inkhawmna ropui tak an nei a; maicham lawmna atan ni sarih an awh a, kut ni atan ni sarih an awh a ni.

¹⁰Tin, thla sarihna, ni sawmhni leh ni thum ni chuan mipuite chu a tintir a, LALPA'n Davida leh Solomona leh a mi Israelte chunga a thatna a lantir avang chuan hlim tak leh lawm takin mite chu an in lamah an haw ta a.

¹¹Chutiang chuan Solomona chuan LALPA in leh lal in chu a puitlin ta a; Solomona chuan a rilrua a tum ang takin LALPA in leh ama in chu tluang takin a puitlin ta a.

¹²Tin, zanah Solomona hnenah LALPA a rawn inlar a, a hnenah, "I tawngtaina chu ka lo hria a, he hmun hi ka tana inthawina inah ka ruat tawh e.

¹³Vante ka khar a, ruahte a sur loh emaw, ka mite zinga hri ka lentir emaw a,

¹⁴ka hming pu ka mite chuan inngaitlawma an tawngtai a, min zawn a, an awm dan sualte an hawisan chuan, van atangin ka lo ngaithla ang a, an sualte ka ngaidam ang a, an ram chu ka tidam leh ang.

¹⁵He hmuna tawngtainaah hian ka mit ke len ang a, ka beng ka chhi ang.

¹⁶Chutah chuan ka hming kumkhuaa a awm theihna'n he in hi ka ruat a, ka tithianghlim tawh a ni: chutah chuan ka mit leh ka thinlung a awm kumkhua tawh ang.

¹⁷Tin, nanga chungchang thu-ah pawh, i pa Davida anga ka mithmuha i awm a, thu ka pek ang zel chea i awm a, ka thuruatte leh ka rorelte i pawm chuan,

¹⁸Israelte zingah roreltu i hmai lo ang,' tia i pa Davida hnena thu ka thlun ang khan i ram lalthutthleng ka tinghet ang.

¹⁹Amaherawhchu in hmaa ka zam, ka dante leh ka thupekte i hawisan a, pathian dangte rawng in bawl a, in biak chuan,

²⁰anmahni ka pek a ram ata hi ka tiboral hlauh vang a; tin, he in ka hming atana ka tihthianghlim tawh sa hi ka mithmuh phak loa ka sawn bo daih ang a, hnam tin, zinga tihelna leh a chhe lama tehkhinnaah ka siam ang.

²¹Tin, he in sang tak hi a kianga kal apiangin mak an ti ang a, 'Engati nge he ram leh he in hi LALPA'n hetianga a tih?' an ti ang a.Tin, 'LALPA, an pi leh pute Pathian, Aigupta ram ata hruai chuaktu chu an hawisan a, pathian dangte an vuan a, an bia a, an rawngte an bawl tak avangin he chhiatna zawng zawng hi an chungah a thlentir a nih hi,' an la ti ang," a ti a.

²²Tin, 'LALPA, an pi leh pute Pathian, Aigupta ram ata hruai chuaktu chu an hawisan a, pathian dangte an vuan a, an bia a, an rawngte an bawl tak avangin he chhiatna zawng zawng hi an chungah a thlentir a nih hi,' an la ti ang," a ti a.