Read Baibul, Mizo 2 Chronicles 8 Bible Online

2 Chronicles 8 - Baibul, Mizo bible

2 Chronicles 8

¹Tin, heti hi a ni a, Solomonan LALPA in le ama in a sak chhung kum sawmnih a lo vei chuan,

²Huraman Solomona khua a pekte chu Solomona chuan a din a, Israela thlahte a awmtir a.

³Tin, Solomona chuan Hamath-zoba a bei a, a hneh a.

⁴Tin, thlalera Tadmor a din a, Hamatha-a bungraw dahna khuate nen.

⁵Tin, Beth-horon chhakta zawk leh thlangta zawk pawh, kulh te, kawngkhar te, a kalhnate neiin a din bawk a;

⁶tin, Baalath khua te, a bungraw dahna khua zawng zawng te, a tawlailir dana khua te, a sakawr chung chuang mite awmna khua te, Jerusalem le Lebanon leh a ram chung zawng zawngah Solomona chuan a duh ang angin a din a.

⁷,8 Tin, Israela thlahte ni ve lo, Hit-ho te, Jebus-ho te thlah, Israela thlahten an tiboral loh, chu rama la awmte chu Solomonan chiahlawh hnathawka rawih luih pawlah a siam a, tun thleng hian.

⁸,7 Tin, Israela thlahte ni ve lo, Hit-ho te, Jebus-ho te thlah, Israela thlahten an tiboral loh, chu rama la awmte chu Solomonan chiahlawh hnathawka rawih luih pawlah a siam a, tun thleng hian.

⁹Israela thlahte erawh chu Solomonan a hnathawktu chhiahlawh atan a siam ve lo a, indo mi te, a sipai hotu te, puipa te, a tawlailir leh a sakawr chung chuang mi hotute an ni zawk a.

¹⁰Chungte chu mipuite ho thintu, Solomona puipa berte an ni a, zahnih leh sawmnga an ni.

¹¹Tin, Solomona chuan Pharaoa fanu chu Davida khawpui ata a puala in a saksakah huan a hruai chho a, "Ka nupui chu Israel lal Davida inah chuan a awm tur a ni lo, LALPA bawm lo thlenna hmun thianghlim a ni," a ti a ni.

¹²Chutichuan Solomona chuan hulhliap hma lama a siam LALPA maichamah chuan Mosia thupek angin,

¹³ni tin, atana bituk tawk ang zelin chawlhniah te, thla thar niah te, kut bi nei, kum khatah vawi thum chang dawidim telh loh kutah te, chawlhkar kutah te, bawkte kutah te halral thilhlante a hlan a.

¹⁴Tin, a pa Davida lo ruat ang khan puithiam pawlte leh Levi-hote chu an chanpual theuhaha ni tina thawh tul ang zela fak tur te, puithiamte hmaa rawngbawl tur tein a ruat a;tin, kawngkhar tinah a pawl pawla vengtute a ruat bawk a; chutiang chuan Pathian mi Davida chuan a lo ruat a ni.

¹⁵Lalin puithiam-ho te, Levi-ho te thu a pek chu eng kawnga mah, sum thu-ah te pawh an ngaihthah ngai hauh lo.

¹⁶Tin, LALPA in an din tantirh atanga an peih thlengin Solomona lo buatsaih ang chiah a ni. Tichuan LALPA in chu puitlin a ni taa.

¹⁷Chutichuan Solomona chu Edom rama tuifinriat kama Ezon-geber-ah leh Eloth-ah a kal a.Tin, Hurama chuan a chiahhlawh tuifinriata che thang mi, lawngte nen a kaltir a; Solomona chiahhlawhte nen Ophir-ah an kal a, chuta mi chu rangkachak talent zaali leh sawmnga an rawn hawn a, lal Solomona hnenah an rawn thlen a.

¹⁸Tin, Hurama chuan a chiahhlawh tuifinriata che thang mi, lawngte nen a kaltir a; Solomona chiahhlawhte nen Ophir-ah an kal a, chuta mi chu rangkachak talent zaali leh sawmnga an rawn hawn a, lal Solomona hnenah an rawn thlen a.