Read Baibul, Mizo Ezra 3 Bible Online

Ezra 3 - Baibul, Mizo bible

Ezra 3

¹Tin, thla sarihna a lo thlena Israel mite chu khuaahte an awm lai chuan mite chu thukhat vuain Jerusalem khuaah an inkhawm a.

²Chutichuan Jozadaka fapa Jesua leh aunau puithiamte leh Sealtiela fapa Zerubabela leh aunaute chu an tho a, Pathian mi Mosia dana chuang angin halral thilhlanna'n Israelte Pathian maicham an siam a.

³Tin, maicham chu a hmun ngaiah chuan an din a; chung rama awmte chu an hlau hle na a, maichamah chuan LALPA tan halral thilhlante an hlan a, zing lam leh tlai lamah halral thilhlan chu an hlan thin a ni.

⁴An ziak ang khan bawkte kut chuan an kut a, ni tina tih tur chin ruat, a bi tawk thliah ang zelin ni tina halral thilhlan chu an hlan a;

⁵chu mi hnuah chuan an ni tin, halral thihlan te, thla thar thilhaln te, LALPA tana kut ni an ruata an serh apianga thilhlan te; tin, mahni duh thua thilhlan, LALPA hnena lawm taka hlan thinte chu an hlan a.

⁶Thla sarihna, ni khat atangin halral thilhlante LALPA hnena an hlan tan a: nimahsela LALPA biak in lungphum chu an la phum lo a.

⁷Lung chhertu le themthiamte pawh tangka an pe a; tin, Persia lal Kuran a phal dan ang zelin, sidar thing Lebanon atanga tuifinriat, Jopa thlenga rawn la turin Zidon mite leh tura mite chu ei turte leh in turte leh hriak te an pe a.

⁸Tin, Jerusalem-a Pathian in an thlenna kum hnihna, thla hnihnaah chuan Sealtiela fapa Zerubabela te, Jozadaka fapa Jesua te, an unau puithiam leh Levi chi dangte leh sala chuak Jerusalem-a chho zawng zawng nen chuan an bei tan a; Levi chite chu kum sawmhnih mi atanga a chung lam mite chu lalpa in saka hotu atan an ruat a.

⁹ChutichuanJesua chu a fapate leh a unaute nen, Kadmiela, a fapate nen, Juda fapate nen chuan Pathian in satute chu an ho tlang ta a: Henadada fapa te, an fapate leh an unau Levi chite nen.

¹⁰Tin, a satuten LALPA in lungphum an han rem chuan puithiamte chu an thuam inbel a, tawtawrawt kengin Levia chi Asapha fapate chu Israel lal Davida tih dan ruat anga LALPA fak turin an dintir a.

¹¹Ani chu a tha si a, a ngilneihna chu Israel mite chungah a awm kumkhua dawn a ni," tiin LALPA fak leh a hnena lawm thu sawiin hlain an inchhawn a. LALPA in lungphum an phum tak avanga LALPA an faknaah chuan mipui zawng zawng chu an au dur dur mai a.

¹²Puithiam leh Levi chi leh chhungkaw puipa tam tak, a in hmasa hmutu putarhote erawh chu an mithmuhah he mi in lungphum an phum chuan an tap vak vak mai a; tin, mi tam tak chu an lawm avangin an au vak vak bawk a:chutichuan mite chuan lawm avanga au thawm leh mipui tap thawm chu an thlei thei chuang lo va: mipui chu ring takin an au vak vak mai a, an thawm chu hla tak atangin an hria a ni.

¹³chutichuan mite chuan lawm avanga au thawm leh mipui tap thawm chu an thlei thei chuang lo va: mipui chu ring takin an au vak vak mai a, an thawm chu hla tak atangin an hria a ni.