Read Baibul, Mizo Ezra 5 Bible Online

Ezra 5 - Baibul, Mizo bible

Ezra 5

¹Chutih lai chuan zawlnei pahni Jagaia leh Idova fapa Zekaria-te chuan Judai ram leh Jerusalem-a Juda awmte hnena Israelte Pathian hmingin thu an sawi a.

²Chutichuan Sealtiela fapa Zerubabela leh Jozadaka fapa Jesua chuan Jerusalem-a Pathian in chu an han bei tan leh ta a; tin, an hnena chuan anmahni tanpuiin Pathian zawlneite chu an awm a.

³Chu veleh chuan lui ral ram awptu Tatenaia leh Sethar-bozenaia leh an thiante chu an hnenah chuan an kal a, an hnena chuan heti hian an sawi a, "He in sa tur leh he kulh tizo tur hian tu nge thu pe che u?" an ti a.

⁴Tin, hetiang hian an hnenah, "He mi in sa tute hming hi tute nge ni?" kan ti a.

⁵Nimahsela an Pathianmit chu Juda upate chungah chuan a fu a, Daria hnenah an thu chu thlen a, chhanna a lo thlen hma loh chuan ram awptute chuan an bantir chuang lo.

⁶Lui ral lehlam awptu Tatenaia leh Sethar-bozenaia leh a thian, lui rala awm Apharsak-hoten lal Daria hnena lehkha an thawn a,

⁷hetiang hian an ziak a : - "Lal Daria hnena thlamuanna kim awm rawh se:

⁸Hei hi lalin lo hre rawh se. Judai ramah Pathian ropui tak in, lung lian tak taka sak leh bang thinga rem, taima tak leh tluang taka an lo bei tawhnaah chuan kan kal a.

⁹Chutichuan, 'He in sa tur leh he kulh tizo tur hian tuin nge thu pe che u?' tiin an upate kan zawt a.

¹⁰An hotu hmingte chu kan ziak a, kan hriat fiahtir theihna'n che an hmingte pawh chu kan zawt a.

¹¹Tin, anni chuan heti hain min chhang a, 'Lei leh van Pathian chaihhlawhte kan ni a, kum kha leh chena sak, Israel lal ropui tak pakhat lo sak zawh tawh in chu kan sa tha leh a ni.

¹²Amaherawhchu kan pi leh puten van Pathian chu thinrim khawpin an tilungawi loh avangin Kaldai mi babulon lal Nebukadnezara kutah a pe a, ani chuan he in hi a tichhia a, mite chu Babulon lamah a hruai a.

¹³Nimahsela Babulon lal Kura lal tirh kumin, lal Kura chuan he mi Pathian in hi sak that leh thu a pe a.

¹⁴Tin, Pathian ina rangkachak leh tangkaruaa siam bungbel - Jerusalem-a Pathian ina mi Nebukadnezaran a lak chauh, Babulon-a biak ina a lak lute chu lal Kura chuan babulon biak in ata a la chuak a, mi pakhat a hming Sesbazara, ram awptu atana a siama chu a pe a;

¹⁵tin, a hnenah, Heng bungbel hi la la, kal la, Jerusalem-a biak inah dah la, tin, biak in chu a hmun ngaiah sak ni rawh se, a ti a.

¹⁶Chutichuan Sesbazara ngei chu a kal a, Jerusalem-a biak in lungphum chu a phuma: chuta chin chu tun thleng hian sak a ni ta reng a; nimahsela la peih loh ala ni reng a,' tiin.Chutichuan lal tha tihzawng a ni chuan, chutiang chu a ni ngei emaw, Babulin-a lal sum ina mi chu han zawng se la, tin, lal chuan he mi chungchang thuah hian a du dan min hanhrilh rawh se," tiin.

¹⁷Chutichuan lal tha tihzawng a ni chuan, chutiang chu a ni ngei emaw, Babulin-a lal sum ina mi chu han zawng se la, tin, lal chuan he mi chungchang thuah hian a du dan min hanhrilh rawh se," tiin.