Read Baibul, Mizo Nehemia 1 Bible Online

Nehemia 1 - Baibul, Mizo bible

Nehemia 1

¹Hakalia fapa Hehemia thute chu. Heti hi a ni a, kum sawmhnihna, Kisleu thla a lal khawpui Susan-a ka awm laiin,

²ka unau pakhat Hanania leh Judai ram ata mi thenkhatte an lo kal a; tin, Juda-ho sala tang chhuak la damte chanchin leh Jerusalem chanchin ka zawt a.

³Tin, ka hnenah, "Sala tang chhuak, chu mi rama dama la awmte chu chanchhe tak leh sawichhiatin an awm a: tin, Jerusalem kulh chu a chim rem rum tawh a, a kawngkharte pawh a kang a sin," an ti a.

⁴Tin, heti hi a ni a, chung thu chu ka hriat chuan ka thu chawt a, ka tap a, ni eng emaw zat chu lungngaiin ka awm a; tin, chaw ka nghei a, van Pathian hmaah ka tawngtai a,

⁵Aw LALPA, van Pathian, Pathian ropui leh hlauhawm, nangmah hmangaiha i thupek pawmtute chunga thuthlung hlena khawngaihna tilangtu;

⁶Israela thlahte sualna, i chunga kan sualna thupha ka chawi chhung hian i beng lo chhiin i mit lo meng la, i chhiahhlawh tangtaina, i hnena a chhun azana i chhiahhlawh Israela thlahte ka ngtensakna hi lo ngaithla teh ang che; kei leh ka pa chhungte chu kan lo sual ta si a.

⁷I chungah tha lo takin thil kan lo ti ta a, i chhiahhlawh Mosia hnena i pek, thupekte, dan te, rorelte chu kan lo zawm ta lo a.

⁸I chhiahhlawh Mosia hnena, 'In bawhchhiat chuan hnam tin, zingah ka titaitam ang che u a;

⁹amaherawhchu ka lam in lo hawi leh a, ka thupekte in pawma in zawm chuan in zinga mi van tawp thleng pawha hnawhchhuah awm mah se la, chung ata pawh chu ka kai khawm leh ang a, ka hming ka awmtirna tura ka ruat hmunah chuan ka hruai leh ang,' tia thu i pek kha khawngaih takin hre reng ang che.

¹⁰Tin, hengho hi i chhiahhlawhte leh i mite, i thiltihtheihna nasa tak leh i kut chak taka i tlan chhuahte an ni a.Aw LALPA, khawngaih takin i chhiahhlawh tangtaina leh i hming tih lawmzawnga neih, i chhiahhlawhte tawngtainaah hian i beng lo chhi ang che; tin, vawiinah hian i chhiahhlawh hi min hlawhtlintir la, he mi mithmuhah hian khawngaih takin zahngaihna dawntir ang che," ka ti a, kei chu lal no hlantu ka ni si a.

¹¹Aw LALPA, khawngaih takin i chhiahhlawh tangtaina leh i hming tih lawmzawnga neih, i chhiahhlawhte tawngtainaah hian i beng lo chhi ang che; tin, vawiinah hian i chhiahhlawh hi min hlawhtlintir la, he mi mithmuhah hian khawngaih takin zahngaihna dawntir ang che," ka ti a, kei chu lal no hlantu ka ni si a.