Read Baibul, Mizo Nehemia 11 Bible Online

Nehemia 11 - Baibul, Mizo bible

Nehemia 11

¹Mipui hotute chu Jerusalem-ah an awm a; sawm zinga pakhat zel khawpui thianghlim Jerusalem-a awmtir tur leh sawm zinga pakua, khaw danga awm turte hriatna'n a bak mipuite pawh chuan thum an vawr a.

²Lungni taka Jerusalem-a awm tura inpe zawng zawngte chuan mipuite fak an hlawh a.

³Hengte hi chu mi ram hotu Jerusalem-a awmte chu an ni: amaherawhchu Judai ram khuaahte chuan, an khuaa mahni chan tur theuhvah an awm a; chungte chu Israel-ho te, puithiamho te, Levi-ho te, Nethin-ho leh Solomona chhiahhlawhte thlah an ni.

⁴Jerusalem-ah chuan Juda thlaha mi leh Benjamina thlaha mite an awm. Juda thlahte zinga mi: Pereza thlahte zinga mi, Mahalalela fapa Sephatia, chu mi fapa Amaria, chu mi fapa Sekaria, chu mi fapa Athaia, chu mi fapa Uzia leh

⁵Silo mi fapa Zekaria, chu mi fapa Joiariba, chu mi fapa Adaia, chu mi fapa Hazaia, chu mi fapa Kolhozea, chu mi fapa Baruka, chu mi fapa Maseia.

⁶Pereza thlah, Jerusalem-a awm zawng zawngte chu mi huaisen 468 an ni.

⁷Tin, Benjamin thlahte zinga mi chu hengte hi an ni: Jesaia fapa Ithiela, chu mi fapa Maseia, chu mi fapa Kolaia, chu mi fapa Pedaia, chu mi fapa Joeda, chu mi fapa Mesulama, chu mi fapa Salua.

⁸A dawt lehah chuan Gebaia te, Salaia te, an zain Benjamina thlah Jerusalem-a awmte chu mi 928 an ni.

⁹Tin, Zikria fapa Joela chu an hotu a ni; Hasenua fapa, Juda chu khaw hotu ber dawttu a ni.

¹⁰Puithiamte zinga mi; Joiariba fapa Jedaia te, Jakina te,

¹¹Pathian in hotu Ahituba fapa Meraiotha, chu mi fapa Zadoka, chu mi fapa Mesulama, chu mi fapa Hilkia, chu mi fapa Seraia te;

¹²an unau, ina rawngbawltute zawng zawng nen 822 an ni a: tin, Malkija fapa Pasura, chu mi fapa Zekaria, chu mi fapa Amzia, chu mi fapa Pelalia, chu mi fapa Jerohama, chu mi fapa Adaia leh

¹³a unaute, an chhungkaw puipate nen 242 an ni a: tin, Imera fapa Mesilemotha, chu mi fapa Azarela, chu mi fapa Amasaia leh

¹⁴an unau mi chak huaisente nen 128 an ni; an hotu chu Hegedolima fapa Zabdiela a ni a.

¹⁵Tin, Levi-hote zinga mi; Bunia fapa Hasabia, Hasuba, chu mi fapa Semaia te;

¹⁶Levi-ho puipate zinga mi, Pathianin pawn lam hna enkawltu Sabethaia leh Jozabada te;

¹⁷Asapah fapa Zabdia, chu mi fapa Mika, chu mi fapa, tawngtaia lawm thu sawi tantu ber, Matania e; a unaute zinga a dawttu Bakbukia te; Jeduthuna fapa Galala, chu mi fapa Samua, chu mi fapa Abda e,

¹⁸Khawpui thianghlima Levi-ho awm zawng zawng chu 284 an ni.

¹⁹Chung lote pawh chu kawngkhar vengtu Akuba te, Talmona te leh an unaute kulh kawngka vengtute, 172 an ni a.

²⁰A bak Israelte leh puithiamte leh Levi-hote chu Judai ram khaw tinah mahni ram theuhvah an awm a.

²¹Nethin-ho erawh chu Ophel-ah an awm a: Ziha leh Gispa chu Nethin-ho hotu an ni a.

²²Jerusalem khuaa Levi-hote hotu chu Asapha fa, hla satute zinga mi Mika, chu mi fapa Matania, chu mi fapa Hasabia, chu mi fapa Bania, chu mi fapa Uzia a nia, Pathian in lam hna ngaihtuahtu a ni.

²³An chungchang thuah lal thupek a awm a, hla satute chu ni tina an tla tawk ruat tur thu a awm bawk si a.

²⁴Juda fapa Zera thlaha mi Mesezabela fapa Pethahia chu mipuite chungchang thu-ah engkima lal aiawh a ni a.

²⁵Tin, an khua leh an ram thuah chuan, Juda thlah thenkhatte chu Kiriat-arba leh a khawperah te, Dibon leh khawperah te, Zekabzela leh a khawperah e;

²⁶Jesua-ah leh Molada-ah leh Betpelet-ah te;

²⁷tin, Hazarsual-ah te, Beer-seba leh a khawperah te,

²⁸Ziklag-ah te, Mekona leh a khawperah te,

²⁹Enrimon-ah te, Adulam-ah leh an khawperah te, Lakis leh a ramah te, Azeka leh a khawperah te an awm a. Chutichuan Beer-seba atangin Hinom ruam thlengin awm hmun an khuar a.

³⁰Tin, Benjamina thlahte chu Geba piah lam Mikmas-ah te, Aija leh Bethel leh a khawperah te;

³¹Anathot-ah te, Nob-ah te, Anania-ah te:

³²Hazor-ah te, Rama-ah te, Gitaim-ah te;

³³Hadid-ah te, Zeboim-ah te, Nebalat-ah te;

³⁴Lod-ah leh themthiamte ruam rama awm thin Levi-ho pawl thenkhatte chu Benjamin ramah an tel ta a.

³⁵Lod-ah leh themthiamte ruam Ono-ah te an awm a.Tin, Judai rama awm thin Levi ho pawl thenkhatte chu Benjamin ramah an tel a.

³⁶Tin, Judai rama awm thin Levi ho pawl thenkhatte chu Benjamin ramah an tel a.