Read Baibul, Mizo Nehemia 12 Bible Online

Nehemia 12 - Baibul, Mizo bible

Nehemia 12

¹Sealtiela fapa Zerubabela leh Jesua hnena kal chho puithiamte leh Levi-hote chu hengte hi an ni; Seraia te, Jeremia te, Ezra te,

²Amaria te, Maluka te, Hatusa te,

³Sekania te; Rehuma te, Meremotha e;

⁴Idova te, Ginethoia te, Abija te;

⁵Mijamina te, Madia te, Bilga te;

⁶Semaia te, Joiariba te, Jedaia te;

⁷Salua te, Amoka te, Hilkia te, Jedaia te. Hengho hi Jesua dam laia puithiam zing leh an unaute zinga an hotute an ni.

⁸Chung lo pawh Levi-hote: Jesua te, Binuia te, Kadmiela te, Serebia te, Juda te, lawm thu sawinaa hotu Matania te, amah leh a unaute chu.

⁹Bakbukia leh Unova leh an unaute pawh chu a pawl pawlin an inchhawn thin a.

¹⁰Tin, Jesua chuan Joiakima a hring a, Joiakima chuan Eliasiba a hring a, Eliasiba chuan Joiada a hring a,

¹¹Joiada chuan Jonathana a hring a. Jonathana chuan Jadua a hring a.

¹²Tin, hengho hi Joiakima dam lai chuan puithiam, an chhungkaw puipate an ni: Seraia thlaha mi Meraia te, Jeremia thlaha mi Hanania te,

¹³Ezra thlaha mi Mesulama te, Amaria thlaha mi Jehohanana te;

¹⁴Malukia thlah mi Jonathana te, Sebania thlaha mi Josepha te;

¹⁵Harima thlaha mi Adna te, Meraiotha thlaha mi Helkaia te;

¹⁶Idova thlaha mi Zekaria te, Ginethona thlaha mi Mesulama te,

¹⁷Abija thlaha mi Zikria te; Miniamina thlaha mi te, Moadia thlaha mi Piltaia te;

¹⁸Bilga thlaha mi Samua te; Semaia thlaha mi Jehonathana te;

¹⁹tin, Joiariba thlaha mi Matenaia te, Jedaia thlaha mi Uzia te;

²⁰Salaia thlaha mi Kalaia te, Amoka thlaha mi Ebera e;

²¹Hilkia thlaha mi Hasabia te, Jedaia thlaha mi Nethanela te.

²²Levia chite chungchangah chuan, Eliasiba te, Joiada te, Johanana te, Jadua te dam laiin chhungkaw puipate chhinchhiah fel a ni a; chutiang bawkin puithiamte pawh Persia lal Daria lal thlengin chhinchhiah an ni a.

²³Eliasiba fapa Johanana dam lai thleng pawhin Levia fa, chhungkaw puipate chu chanchin ziakna buah chuan an chuang a ni.

²⁴Tin, Levi-ho puipate: Hasabia te, Serebia te, Kadmiela fapa Jesua te leh an unau, Pathian mi Davida thupek anga a pawl pawla inchhawna fak leh lawm thu sawitu turte nen.

²⁵Matania te, Bakbukia te, Obadia te, Mesulama te, Talmona te, Akuba te chu kawngkhar kianga bungraw dahkhawmna in leh kawngka vengtute an ni.

²⁶Hengho hi Jesua, Jozadaka fapaa fapa Joiakima dam laia mi leh ram awptu Nehemia leh Ezra puithiam leh lehkha ziaktu dam laia mi an ni a.

²⁷Jerusalem kulh an hlannaah chuan darbenthek te, perhkhuang te, tingtangte nena hla sa leh lawm thu sawia lawm taka a hlannaa tel tura Jerusalem-a rawn hruai turin Levi-hote chu an hmun zawng zawng ata an zawng chhuak a.

²⁸Jerusalem chhehvel ata leh Netophat-ho khuate atangin hla satuho fate an kal khawm a;

²⁹Bet-gilgal atang leh Geba leh Azmavet ram ata te pawh hla satute chuan Jerusalem velah chuan khua an lo siam ta hlawm si a.

³⁰Tin, puithiamte leh Levi-hote chu an intithianghlim a, tin, mipui te, kulh te, a kawngkharte an tithianghlim a.

³¹Chutichuan Juda-ho mi liante chu kulh chungah chuan ka hruai chho a, lawm thu sawia inzui duah duah a kal tur pawl lian tak pawl hnih ka ruat a; pawl khat chu Bawlhhlawh Kawngka lamah, kulh chung ding lampangah an kal a;

³²tin, anni chu Hosaia leh Juda-ho mi lian zatve te,

³³Azaria te, Ezra te, Mesulama te,

³⁴Juda te, Benjamina te, Semaia te, Jeremia te,

³⁵tawtawrawt keng puithiam fapa thenkhatte, Asapha fapa Zakura, chu mi fapa Mikaia, chu mi fapa Matania, chu mi fapa Semaia chu mi fapa Jonathana, chu mi fapa Zekariate;

³⁶a unau Semaia te, Azarela te, Milalaia te, Gilalaia te, Maia te, Nethanela te, Juda te, Pathian mi Davida tum thin thilte keng Hananiate chuan an zui a; tin, lehkha ziaktu Ezran an hma a hruai a:

³⁷tin, Tuikhur Kawngka an thlenin, kulh chhoh tanna an hmazawn Davida khaw kailawna chhoin Davida in chhakah an kal a, chhak lampanga Tui kawngka thleng rakin.

³⁸Tin, lawmthu sawitu pawl dangte chu anmahni tawk turin an kal a, tin, keiin mipui zatvete nen Meipui chhehna In sang chhakah, kulh chungah kulh chhah thlengin kan zui a;

³⁹Ephraim Kawngka chungah te, Kawngka hlui chungah te, sangha Kawngka chungah te, Hananela in sang leh Hamea in sang chungah te, beram Kawngka thleng rakin: tin, Tan In Kawngkaah chuan an ding a.

⁴⁰Chutichuan lawm thu sawituho pawl hnihte chu Pathian inah an ding a, kei leh roreltu zatvete nen.

⁴¹Tin, tawtawrawt keng puithiamho Eliakima te, Maseia te, Miniamina te, Milkaia te, Elioenaia te, Zekaria te, Hanania te;

⁴²tin, Maseiate, Semaia Elazara te, Jehohanana te, Malkija te, Elama te, Ezera te pawh. Tin, hlasatute chuan an hotu Jezrahia hoin ring takin an sa a.

⁴³Chu mi ni chuan inthawina nasa tak mai an hlan a, an hlim hle mai a; Pathianin hlim namen lohin a tihlim a ni; tin, hmeichhiate leh naupangte chen pawhin an hlim hle mai a: chuti chuan Jerusalem hlimna chu hla tak atang pawhin an hria a.

⁴⁴Tin, chu mi ni chuan thawhlawm te, then thilhlan te, thlai thar hmasa ber te, sawma pakhatte dahkhawmna pindantea hotu, danin a ruat ang, puithiam leh Leviaho chanvo khaw tin, lo zir ang zela la khawmtu turte an ruat a; Judate chu rawngbawltu puithiamte leh Levi-ho avang chuan an lawm hle mai a ni.

⁴⁵Davida leh a fapa Solomona thupek angin, hla satute leh kawngkhar vengtute pawhin an Pathian rawngbawl dan tur leh intihthianghlimna dan chu an zawm a.

⁴⁶Hman laia Davida leh Asapha dam lai chuan hla sa pawl hotu an awm thin a, Pathian fakna leh lawmna hlate an sa thin a ni.Zerubabela dam lai leh Nehemia dam lai chuan Israel zawng zawngin hla satute leh kawngkhar vengtute chu ni tina an tla tawk tur chanvo an siam thin a: tin, Levi-ho chanvo a tih hran sak bawk a; tin, an ni Levi hote chuan Arona fapate chanvo an tihhransak thin a.

⁴⁷Zerubabela dam lai leh Nehemia dam lai chuan Israel zawng zawngin hla satute leh kawngkhar vengtute chu ni tina an tla tawk tur chanvo an siam thin a: tin, Levi-ho chanvo a tih hran sak bawk a; tin, an ni Levi hote chuan Arona fapate chanvo an tihhransak thin a.