Read Baibul, Mizo Nehemia 3 Bible Online

Nehemia 3 - Baibul, Mizo bible

Nehemia 3

¹Chutichuan puithiam lal Eliasiba chu a unau puithiamte nen chuan an tho a, beram Kawngka chu an siam a; an tithianghlim a, a kawngkharte an siam a; Hamea in sang thlengin an tithianghlim a, Hananela in sang thleng chuan.

²Tin, a dawt chu Jeriko miten an siam a. Tin, anmahni dawt chu Imria fapa Zakuran a siam a.

³Tin, sangha Kanwgka chu Hasena fapaten an siam a; a relte an dah a, a kawngkharte an rel a; a kalhnate leh a bahnate an rem a.

⁴Tin, anni dawt chu Hakoza fa Uria fapa Meremothan a siam tha a. Tin, anni dawt chu Mesezabela fa Berekia fapa Mesulaman a siam tha a. Tin, anni dawt chu Bana fapa Zadokan a siam tha a.

⁵Tin, anni dawt Teko-hoin an siam tha a; nimahsela an mi liante chuan an hotu hnaah chuan an ring an rawlh ve duh lo.

⁶Tin, Kawngka Hlui chu Pasea fapa Joiada leh Besodeia fapa Mesulaman an siam tha a, a relte an dah a, a kawngkharte an rel a, a kalhnate leh a bahnate an rem a.

⁷Tin, anni dawt chu Gibeon mi Melatia leh Meronot mi, Jadonan, lui ral ram awptu thu hnuaia awm Gibeon mi leh Mizpa mite nen an siam tha a.

⁸A dawt chu rangkachak chhertu zinga mi Harhaia fapa Uzielan a siam tha a. Tin, a dawt lehah chuan rimtui siamtu zinga mi Hananian a siam tha a, Kulh Chhah thlengin Jerusalem chu an siam tha a.

⁹Tin, anni dawt chu Jerusalem bial chanve hotu Hura fapa Rephaian a siam tha a

¹⁰Tin, anni dawt chu Harumapha fapa Jedaian a in zawn a siam tha a. Tin, a dawt chu Hasabneia fapa Hatusan a siam tha a.

¹¹Harima fapa Malkija leh Pahat-moaba fapa Hasuba-te chuan hmun dang leh Meipui Chhehna In sang an siam tha a.

¹²Tin, a dawt chu Jerusalem bial chanve hotu Halohesa fapa Saluman a fanute nen an siam tha a.

¹³Ruam Kawngka chu Hanuna leh Znoa-hoten an siam tha a; an siam a, a kawngkharte an rel a, a kalhnate leh a bahnate an rem a, tin, Bawlhhlawh Kawngka thlengin kulh tawng sangkhat an siam bawk a.

¹⁴Bawlhhlawh Kawngka erawh chu Bet-hakerem bial hotu Rakeba fapa Malkijan a siam tha a; a siam a, kawngkharte a rel a, a kalhnate leh a bahnate a rem a.

¹⁵Tin, Mizpa bial hotu Kolhozea fapa Salunan Tuikhur Kawngka chu a siam tha a; a siam a, a khuh a, a kawngkharte a rel a, a kalhnate leh a bahnate a rem a; tin, lal huan kianga Sela dil hunga chu Davida khua atanga chhuk thla kailawn thlengin a siam tha bawk a.

¹⁶Tin, a dawt chu Azbuka, Betzur bial chanve hotu fapa Nehemia chuan Davida thlan zawn leh dil khuaah leh mi huaisente in thlengin a siam tha a.

¹⁷A dawt chu Levi-hoin an siam tha a, Bania fapa, Rehuma-te hoin. A dawt chu keila bial chanve hotu Hasabia chuan ama bial hmingin a siam tha a.

¹⁸A dawt chu an unauten an siam tha a, keila bial chanve hotu Henada fapa Bavaia-te hoin,

¹⁹Tin, a dawt chu Mizpa hotu Josua fapa Ezra chuan hmun dang, kulh kawi tannaa ralthuam dahna pan chhohan zawn a siam tha a.

²⁰A dawt chu Zebaia fapa Baruka chuan thahnem ngai takin hmun dang, kulh kawi tanna atanga puithiam lal Eliasiba in kawngkhar thlengin a siam tha a.

²¹A dawt chu Hokoza fa, Uria fapa Meremothan hmun dang, Eliasiba in kawngkhar atanga Eliasiba in tawp thlengin a siam tha a.

²²Tin, a dawt chu a chheh vela puithiamhoin an siam tha a.

²³Anni dawt chu Benhamina leh Hasuban an inzanw chu an siam tha a. An dawt chu Anania fa Maseia fapa Azarian a in kiang a siam tha a.

²⁴A dawt chu Henadada fapa Binuian hmun dang, Azaria in atanga kulh kawi tanna, a kil thlengin a siam tha a.

²⁵Uzaia fapa Palala chuan kulh kawi tanna zawn leh tan in kianga lal in chungnung zawk atanga lawr in sang zawn a siam tha a. A dawt chu Parosa fapa Pedaian a siam tha a.

²⁶(Nethinho chu chhak lampanga Tui kawngkhar zawn thleng leh in sang lawr thlengi Ophel-ah an awm a.)

²⁷A dawt chu Teko-hoin hmun dang, in sang lianpui lawr zawn leh Ophel kulh thlengin an siam tha a.

²⁸Sakawr Kawngka chung lam chu puithiamhoten mahni in zawn theuh an siam tha a.

²⁹Anni dawt chu Imera fapa Zadokan a in zawn a siam tha a. Tin, a dawt chu chhak lam kawngkhar vengtu Sekania fapa Semaian a siam tha a.

³⁰A dawt chu Selemia fapa Hanania leh Zalapha fapa parukna Hanuna te chuan hmun dang an siam tha a. A dawt chu Berekia fapa Mesulaman a awmna zawn a siam tha a.

³¹A dawt chu rangkachak chhertu zinga mi Malkija chuan Hamipkad kawngkhar zawn Nethin-ho in leh sumdawngho in thleng leh a kil pan chhohna thlengin a siam tha a.Tin, a kil pan chhohna leh a beram Kawngka inkar chu rangkachak chhertuleh sumdawnghoten an siam tha a.

³²Tin, a kil pan chhohna leh a beram Kawngka inkar chu rangkachak chhertuleh sumdawnghoten an siam tha a.