Read Baibul, Mizo Nehemia 6 Bible Online

Nehemia 6 - Baibul, Mizo bible

Nehemia 6

¹Tin, heti hi a ni a, Sanbalata leh Tobia leh Arab mi Gesema leh kan hmelma dang reng rengten kulhte ka siam a, a pawp lai reng reng a awm ta lo tih an han hriat chuan (amaherawhchu chu mi lai chuan kawngkaah kawngkhare ka la rel lo a.)

²Sanbalata leh Gesema chuan, "Lo kal la, Ono phaia khaw pakhatah i intawk khawm teh ang u," tiin thu min rawn thawn a, Nimahsela ka chunga thil tha lo tih an tum a lo ni reng a.

³Tin, keiin an hnenah, "Hna ropui tak ka thawk a, ka lo chhuk thei lo: engah nge in hnena ka rawn chhuksan hlanin hna chu a chawlh ang," tiin mi ka tir a.

⁴Tin, chutiang hlir chuan vawi li thu min rawn thawn a; chutiang hlir chuan ka chhang bawk a.

⁵Chutichuan Sanbalata chuan chutiang bawkin a vawi nganaah chuan a chhiahhlawh lehkha char loh kengin ka hnenah a rawn tir a;

⁶chumiah chuan, "Nang leh Juda-ho chuan hel in rilruk a, chuvang chuan kulh chu i siam ani tih thu hnam dangte zingah athang a, Gasmuan a sawi bawk a; tin, an sawi danhmangah chuan nang hi an lal nih i tum a.

⁷Tin, "Judai ramah chuan lal a awm,' tia i chanchin Jerusalem-a puang vel turin zawlnei pawh i ruat tawh hial bawk a; he'ng thu hi lal hnenah an sawi thuai ngei ang a. Chuvangin lo kal la, i lo inrawn ang hmaing," tih a chuang a.

⁸Chutichuan a hnenah, "I sawi ang reng reng hian engmah tih a awm lo, i phuahchawp mai a ni," tiin a hnenah mi ka tir a.

⁹An hnathawh chu an puitlin theih lohna'n an kutte chu tihchak lohin a awm ang," tia mi sawi thaih duh vek an ni a. Chutichuan aw Pathian, ka kutte hi min tihchaksak teh ang che.

¹⁰Chu mi zawhah chuan Mehetabela fa Delaia fapa Semaia, chhuak vak thei loa inah chuan ka kal a; tin, ani chuan, "Pathian inah, biak in chhung ngeiah inhmu ang khai, biak in kawngte i khar tlat ang: nangmah that turin an lo kal dawn a ni; zanah rawn thah che an tum a ni," a lo ti a.

¹¹Tin, kei chuan, "Keini ang hi han tlanchhe tur em kan nih? Mahni nun humhim tur pawhin biak inah tu nge lut duh ang? Ka lut tawp lo ang," ka ti a.

¹²Tin, ka han hre chhuak a, Pathian tirh a lo ni hauh lo mai a, keimah mi dodalin chung thu chu a lo sawi a ni zawk a, Tobia leh Sanbalatan an rawih a lo ni reng a.

¹³Ka hlau a, chutianga ka tih a, thil ka tihsual a, mi tihhmingchhiatna tur an neih theih a min sawichhiatna'n a ni, an rawih ni.

¹⁴Aw ka Pathian, Tobia leh Sanbalata hi an thiltih ang zel hian hre reng ang che, zawlneinu Goadii leh zawlnei dang mi tihhlauh tum zawng zawngte nen hian.

¹⁵Chutichuan kulh chu ni samwnga leh ni hnihah, Elul thla, ni sawmhnih leh ni nga niin peih a ni ta a.

¹⁶Tin, heti hi a ni a, kan hmelma zawng zawngten chu chu an lo hriat chuan kan vela hnam dangte chuan an hlau ta a, chan chhe ta hlein an inhria a, hna chu kan Pathian thawh a ni tih an hre ta si a.

¹⁷Chu lo rengah pawh, chung lai chuan Juda mi thate chuan Tobia chu lehkha tam tak an thawn thin a, tin, Tobia lehkha pawh an hmu bawk thin a.

¹⁸Ani chu Ara fapa Sekania makpa a nih avangin Judai rama mi tam tak chhehchhama amah thurualpui an awm a; tin, a fapa Jehohanana chuan Berekia fapa Mesulama fanu chu nupuiah anei a ni a.Ka hriatah a thiltih thatte an sawi thin a, ka thu sawite a hnenah an thlen bawk thin. Tichuan Tobia chuan min tihthaih turin lehkhate a rawn thawn thin a ni.

¹⁹Ka hriatah a thiltih thatte an sawi thin a, ka thu sawite a hnenah an thlen bawk thin. Tichuan Tobia chuan min tihthaih turin lehkhate a rawn thawn thin a ni.