Read Baibul, Mizo Nehemia 8 Bible Online

Nehemia 8 - Baibul, Mizo bible

Nehemia 8

¹Tin, mi zawng zawng chu thu khat vuain Tui kawngkhar hma zawn hmun zau laiah chuan an kal khawm a; tin, lehkha ziaktu Ezra chu LALPA-in Israel-hote zawm tura thu a pek, Mosia dan bu chu rawn keng turin an hrilh a.

²Chutichuan thla sarihna ni khat niin puithiam Ezra chuan pungkhawmho, nutling patling leh a hre thiam thei chin zawng zawng hmaah chuan dan chu a rawn keng a.

³Tin, chuta mi chu Tui kawngkhar hma zawn hmun zai laiah chuan nutling patling leh a hre thiam thei chinte hmaah chuan zing tak atangin chhun thlengin a chhiar a, tin, mi zawng zawng chuan dan bu thu-ah chuan an beng an chhi thup mai a.

⁴Tin, chutiang atana an siam reng thing dawhkhan sanah chuan lehkha ziaktu Ezra chu a ding a; tin, a sir ding lamah chuan Matithia te, Sema te, Anania te, Uria te, Hilkia te, Maseia te an ding a; tin, a vie lamah chuan Pedaia te, Misaela te, Malkija te, Hasuma te, Hasbadana te, Zakaria te, Mesulama te.

⁵Tin, Ezra chuan mi zawng zawng mithmuhah chuan lehkhabu zial chu a han phelh a; (mi zawng zawng aia sanga ding ani a) tin, a han phelh chuan mi zawng zawng chu an ding ta vek a;

⁶tichuan Ezra chuan LALPA, Pathian ropui tak chu a fak a. Tin, mipui zang zang chuan an ban pharin, "Amen, Amen," tiin an lo chhawn a; tin, an kun a, an hmaia lei siin LALPA chu chibai an buk a.

⁷Tin, Jesua te, Bania te, Serebia te, Jamina te, Akuba te, Sabethaia te, Hodija te, Maseia te, Kelita te, Azaria te, Jozabada te, Hanana te, Pelaia te, Levi-hote chuan mipuite chu dan an hrilhfiah a; mipuite chu an dinhmunah chuan an awm reng a.

⁸Tin, lehkhabu, Pathian dan bua mi chu fiah takin an chhiar a; a awmzia an hrilhfiah a, tichuan an chhiar chu an hriat chiantir zel a.

⁹Tin, ram awptu Nehemia leh puithiam leh lehkhaziaktu ni fawm Ezra leh mipuite zirtirtu Levi-hote chuan mipui zawng zawng hnenah chuan, "Vawiin ni hi LALPA in Pathian tana ni thianghlim ani a; lungchhe suh u la, tap hek suh u," an ti a. Dan thu chu an hriatin mipui zawng zawng chu an tap an tap mai si a.

¹⁰Chutichuan ani chuan an hnenah, "Kal u la, thil thau eiin thil thlum in u la, engmah buatsaih nei lote tan chanpual thawn ang che u, vawiin ni hi kan LALPA tana ni thianghlim a nih hi, lungngaiin awm suh u; LALPA chunga lawmna chu in chakna a ni si a," a ti a.

¹¹Chutichuan Levi-hote chuan, "Ngawi hle hle rawh u, vawiin hi ni thianghlim ani si a; lungngaih pawh lungngai duh suh u," tiin mipui zawng zawng chu an tingawi ta thuap mai a.

¹²Tichuan thu a hrilhfiah chu an hriat thiam avangin mipui zawng zawng chu ei tur te, in tur te, midang chanpual thawn tur te, hlim taka awm tur tein an tin ta vek a.

¹³Tin, a ni hnih ni chuan mipui zawng zawng zinga chhungkaw puipa te, puithiam te, Levi-hote chu dan thu zir tur bawk chuan lehkha ziaktu Ezra hnenah an kal khawma.

¹⁴Tin, LALPA'n Mosia hmanga zawm tura thu a pek danah chuan thla sarihna kut laia Israela thlahte chhawlbuka an awm tur thu ziak an hmu a,

¹⁵Tlangah kal u la, Oliv zar te, oliv suak zar te, lenhmui zar te, tum kau te, thing lian tak tak zar te chhawl buk sanna'n va la rawh u," tiin an khua zawng zawngah leh Jerusalem khuaa an tlangthantir tur leh puan vel tur a nih thute an chhiar a.

¹⁶Chutichuan mipuite chu an va kal a, an va la a, mi zawng zawngin an in chungah te, an kawtah te, Pathian in kawtah te, Tui kawngkhar hmun zau laiah te, Erphraim kawngkhar hmun zau laiah te chhawlbuk an insiam theuh a.

¹⁷Tin, sal chhuak pungkhawmho zawng zawngte chuan chhawlbuk an siam a. Chhawlbukahte chuan an awm a: Nuna fapa Jesua hun atanga chu mi ni thleng chuan Israela thlahte chuan chutiang tak chuan an ti ngai lo a. Tichuan lawmna nasa tak a lo awm ta a.Ni tin, a tantirh ni atanga a tawp thlengin Pathian dan bua mi a chhiar bawk a. Tin, ni riat ni chu kut tiak ni a ni a, thupek angin inkhawmna urhsun takin an titawp thin.

¹⁸Ni tin, a tantirh ni atanga a tawp thlengin Pathian dan bua mi a chhiar bawk a. Tin, ni riat ni chu kut tiak ni a ni a, thupek angin inkhawmna urhsun takin an titawp thin.