Read Baibul, Mizo Estheri 1 Bible Online

Estheri 1 - Baibul, Mizo bible

Estheri 1

¹Lal Ahasuera a lal laiin (chu Ahasuera chu India atanga Ethiopia thlenga ram then za leh sawmhnih leh pasarih chunga lal a ni a) heti hi a ni a,

²Lal Ahasuera a ram lalthutthleng lal khua Susan-a a thut lai,

³a lal kum thum kum khan a mi liante zawng zawng leh a mite tan ruai a theh a; Persia leh Medai rama thu neitute, an ram then mi thate leh mi liante chu an awm vek a;

⁴a ram ropui tak rote leh a lal ropui nasatzia, rei tak ni za leh ni sawmriat zet a entir a.

⁵Tin, chung zawhah chuan mi lian leh mi te lal khua, Susan-a lo tel zawng zawng tan lal in huan hung chhung kawtlaiah lal chuan ni sarih zet ruai a theh a;

⁶puan, a varte, a hringte, a dumpawl te, lazai sin sendukin tangkaraw khangah leh sailungvar banahte an thlung a; rangkachak leh tangkaraw thutphahte chu sailungvar, a sen te, a var te, a eng te, a dum tea rem chungah an hung a.

⁷Rangkachak noin uain chu an sem a, (no chu chi hrang hrang inang lo thluah a ni,) lal chuan a ngah khawp a, uain chu a awm leng lung mai a ni.

⁸Tin, uain chu dan angin an in a; tumah tihluih an ni lo a, mi tinin an duh anga an tih theuhna turin lal chuan a ina hotu zawng zawngte chu a hrilh a.

⁹Tin, lalnu Vasti pawhin Ahasuera lal inah chuan hmeichheho tan ruai a theh a.

¹⁰10-11, A ni sarih ni chuan lal rilru chu uain chuan a tihpuamsak ta a, pindan vengtu pasarih, lal Ahasuera hmaa rawngbawl thin Mehumana te, Biztha te, Harbona te, Bigtha te, Abagtha te, Zethara te, Karkasa te chu lalnu Vasti a lallukhum khum chunga mipuite leh mi liante a hmel thatzia inentir tura lal hmaa va hruai turin thu a pe a; a hmel a tha hle si a.

¹¹10-11, A ni sarih ni chuan lal rilru chu uain chuan a tihpuamsak ta a, pindan vengtu pasarih, lal Ahasuera hmaa rawngbawl thin Mehumana te, Biztha te, Harbona te, Bigtha te, Abagtha te, Zethara te, Karkasa te chu lalnu Vasti a lallukhum khum chunga mipuite leh mi liante a hmel thatzia inentir tura lal hmaa va hruai turin thu a pe a; a hmel a tha hle si a.

¹²Nimahsela lalnu Vasti chuan pindan vengtuten kal tura lal thupek an hrilh chu a hnial a; chuvangin lal chu a thinrim ta hle mai a, a thinrim a alh ta a.

¹³Chutichuan lal chuan thil hre mi, mi fingte hnenah chuan, (dan leh rorel dan hria zawng zawngte chu chutiang chuan lalin a rawn thin reng a ni;

¹⁴amah dawltute chu Karsena te, Sethara te, Admatha te, Tarsisa te, Meresa te, Medai ram mi lian pasarih, lal hmel hmu fotu, an rama amah hnaih ber thinte an ni;)

¹⁵Pindan vengtuten an hriattir si, lal Ahasueran a tih anga a tih loh avangin lalnu Vasti chungah chuan dan anga ti turin engtin nge kan tih ang?" a ti a.

¹⁶Memukana chuan lal leh mi liante hmaah chuan, "lalnu Vasti chuan lal chungah chauh a tisual a ni lo a, mi lian zawng zawng leh lal Ahasuera ram then zawng zawnga hnam tin, chungah pawh a tisual a ni.

¹⁷He, lalnu thiltih hi hmeichhia zawng zawngin an han hre darh ang a, lal Ahasuera chuan lalnu Vasti a hmaa rawn hruai turin thu a pe a, nimahsela a kal lo tih thu a han than chuan an pasalte an hmusit phah mai ang.

¹⁸Tin, vawiinah ngei pawh hian Persia leh Medai mi liannuho, lalnu thiltih hriate hian lal mi liante chungah an ti ve mai ang a. Chutichuan inhmusitna leh thinurna nasa tak a chhuak ang.

¹⁹Lal tha tihzawng a nih chuan, lal thupek than chhuak se la, lalnu Vasti chu lal Ahasuera hmaah lo kal tawh hauh suh se, tih thu hi tihdanglam tawh hauh lo turin Persia leh Medai ram dan zingah ziak ni se la; tin, lalin amah aia tha zawk a lalnu nihna luahtir se la.

²⁰Tin, lal thupek chu a ram zawng zawngah (zau teh mah se la) than chhuah a nih hunah chuan, an nupuiten ami lian ami tein an pasalte an pawisa ang," a ti a.

²¹Chu thu chuan lal leh mi liante chu a tilawm hle a; tichuan lal chuan Memukana thu ang chuan a ti a;Lal ram zawng zawngah, ram tinah anmahni lehkha theuhin, hnam tin, anmahni tawng theuhin, mipain mahni in chhung theuhvah thu an nei tur a ni tih thu a thawn ta a ni.

²²Lal ram zawng zawngah, ram tinah anmahni lehkha theuhin, hnam tin, anmahni tawng theuhin, mipain mahni in chhung theuhvah thu an nei tur a ni tih thu a thawn ta a ni.