Read Baibul, Mizo Estheri 6 Bible Online

Estheri 6 - Baibul, Mizo bible

Estheri 6

¹Chu mi zan chuan lal chu a muhil thei lo a; lal chanchin ziakna bu rawn la turin thu a pe a, a hmaah chuan an chhiar a.

²Bigthana leh Teresa, lal pindan vengtu, kawngkhar vengtu pahnihten lal Ahasuera chunga kutthlak an tum thu Mordekaian a lo hriattir thu ziak chu an han hmu chhuak a.

³Tin, lal chuan, "Chu mi thu avang chuan Mordekaia hian eng ang chawimawina leh ropuina nge a hmuh phah le?" a ti a. Lal chhiahhlawh, a rawngbawl thinte chuan, "Engmah tihsak a hlawh lo," an ti a.

⁴Tin, lal chuan, "Tunge ni kawt hung chhunga awm saw?" a ti a. Chumi lai chuan Hamana chu a awhhlumna siama Mordekaia awhhlumtir tur thu lal hnena sawi turin lal kawt hung pawn zawk chhungah chuan a lo kal a ni a.

⁵Tin, lal chhiahhlawhte chuan a hnenah, "Ngai teh lal kawt hung chhunga awm chu Hamana a ni," an ti a. Tin, lal chuan, "Lo lut rawh se," a ti a.

⁶Chutichuan Hamana chu a lut a. Tin, lal chuan ahnenah, "Lalin mi chawimawi a duha chu eng tihsak nge tha ang le?" a ti a. Tichuan Hamana chuan, "Lalin keimah aia a chawimawi duhzawng tu nge awm ang?" a tirilru a.

⁷Tichuan Hamana chuan lal hnenah, "Lalin a chawimawi duh chu,

⁸lain a inbel thin lal puan te, lal chuan thinna sakawrte, lallukhum, lalin a khum thin te rawn laksak ni se la;

⁹tin, lalin a chawimawi duha chu thuamna'n lal puan leh sakawr chu lal upa min ber kutah pek ni se la, chuantir se la, kawtthler fanpui se la, a hmaah chuan, 'Lalin a chawimawi duha chu hetiang hian tih a ni ang,' tiin puang zel se la," a ti a.

¹⁰Chutichuan lal chuan Hamana hnenah, "I sawi ang chuan lal puan leh sakawr chu va la thuai thuai la, lal kawt hung kawngkaa thu thin, Juda mi Mordekaia chungah chutiang tak chuan ti rawh; i sawi tak zawng zawng kha hmaih awm hauh suh se," a ti a.

¹¹Chutichuan Hamana chuan lal puan leh sakawr chu a va la a, Mordekaia chu a thuam a, kawtthlerah a chuan veltir a, ahmaah chuan, "Lalin a chawimawi duha chu hetiang hian tih a ni ang, " tiin a puang a.

¹²Tin, Mordekaia chu lal kawt hung kawngkaah chuan a lo kal leh a. Hamana erawh chu ngui takin inlukhuhin a in lamah a haw ta var mai a.

¹³Tin, Hamana chuan a nupui Zeresi leh a thian zawng zawngte hnenah chuan a chunga thil lo awm dan zawng zawngte chu ahrilh a. Tichuan a mi fingte leh anupui Zeresi chuan ahnenah, "Tawh sual i tawhna Mordekaia chu Juda mi a nih chuan i chelh lo tawp ang a, a hmaah chuan i che sual ngei ang," an ti a.Chutia a hnena an sawi lai mek chuan lal pindan vengtute chu an va kal a, Estheri buatsaih ruai thehnaa kal tur chuan Hamana chu hmanhmawh takin an hruai ta a.

¹⁴Chutia a hnena an sawi lai mek chuan lal pindan vengtute chu an va kal a, Estheri buatsaih ruai thehnaa kal tur chuan Hamana chu hmanhmawh takin an hruai ta a.