Read Baibul, Mizo Estheri 7 Bible Online

Estheri 7 - Baibul, Mizo bible

Estheri 7

¹Chutichuan lal leh Hamana chuan lalnu Estheri ruai chu an kilpui a.

²Tin, a ni hnih nia uaiin an in lai chuan lal chuan Estheri hnenah, "Lalnu Esther, eng nge i duh le: Pek i ni ang. Eng nge ni i dil dawn? Ram zatve hial pawh pek i ni ang," a ti leh a.

³Chutichuan lalnu Estheri chuan, "Aw lalpa, i mittlung ka nih a, lal remtihzawng a nih chuan, ka duh chu ka nuna min zuahsak a ni a, ka dil chu ka chipuite nunna zuah a ni;

⁴kei leh ka chipuite chu tihborala thah vek tura tih kan ni a; ahmei apain bawihah hralh tura tih ni lek i la chu engmah ka sawi lo tur; mahse tihmang tur kan ni a, lal tan a hek hle ang, hmelmapa chuan a rul seng lo ang," a ti a, a chhang a.

⁵Chutichuan, lal Ahasuera chu a tawng ta a, lalnu Estheri hnenah chuan, "A rilru pawha chutiang han tingam chu tu nge a nih a, khawiah nge a awm?" a ti a.

⁶Tin, Estheri chuan, "Taitu leh hmelma a ni, he mi sualpa Hamana hi a ni," a ti a. Chutichuan lalnu leh LALPA hmaah Hamana chu a khur ta a.

⁷Tin, lal chu a zu ruaithehna ata chu thinurin a tho a, lal huanah a lut a; tin, Hamana chu lalnu Estheri hnena a nuna zuahsak dilin a ding a; lal chuan a chungah thil tha lo tih tum awm taka a hriat avangin.

⁸Chutichuan lal chu lal huan ata chu uain ruaithehna hmunah chuan a kal leh a; Hamana chu Estheri thutna, thutthlengah chuan a tlu der mai a. Chutichuan lal chuan, "He inah ka mit hmuh ngeiah lalnu chu a tilui elo maw?" a ti a. Chutia lal a tawng veleh chuan Hamana hmai chu an khuh ta a.

⁹Chutichuan lal pindan vengtu zinga pakhat lal hmaa lo awm Harbona chuan, "Ngai teh, lal tana thu tha sawitu Mordekaia awhhlumna'na tawng sawmngaa sang, Hamana siam sa diam awhhlumna Hamana inah a awm," a ti a. Tin, lal chuan, "Chu miah chuan awhhlumtir rawh u," a ti a.Chutichuan Mordekaia awhhlumna tura a buatsaihah chuan Hamana chu an awhhlumtir ta a. Tichuan lal thinurna chu a lo dai ta a.

¹⁰Chutichuan Mordekaia awhhlumna tura a buatsaihah chuan Hamana chu an awhhlumtir ta a. Tichuan lal thinurna chu a lo dai ta a.