Read Baibul, Mizo Exodus 1 Bible Online

Exodus 1 - Baibul, Mizo bible

Exodus 1

¹Heng hi Israela fapa Aigupta rama lutte hming chu a ni; mi tin mahni chhungte theuh nen Jakoba hnenah chuan an kal a;

²Reubena te, Simeona te, Levia leh Juda te;

³Isakara te, Jebuluna leh Benjamina te;

⁴Dana leh Napthalia te, Gada leh Asera te.

⁵Tin, Jakoba thalbea chhuak zawng zawngte chu mi sawmsarih an ni: Josefa zawng Aigupta ramah chuan lo awm tawh sa reng a ni a.

⁶Tin, Josefa leh a unaute zawng zawng leh chung chhuanho zawng zawngte chu an thi ta vek a.

⁷Tin, Israela thlahte chuan chi tam tak an thlah a, nasa takin an lo pung a, an lo tam ta em em mai a, an lo chak ta telh telh a; tin, chu ramah chuan an lo khat ta mup mai a.

⁸Tin, Aigupta ramah chuan Josefa hre lo, lal thar a lo awm ta a.

⁹Tichuan a mite hnenah, "Ngai teh u, Israela thlahte hi kan aiin an tamin an chak tak zawk hi le:

¹⁰hawh u, anmahni hi tihhnathiamin i ti ang u; chutilochuan an lo pung zel ang a, nakinah indonate a lo awm hian, kan hmelmate lamah an pakai ve hlauh ang a, min bei ang a, he ram atang hian an tlan chhuak hlauh dah ang e," a ti a.

¹¹Chutichuan an phurrita tiretehi turin an chungah hnathawk vengtute an ruat ta a. Tichuan Pharaoa tan bungraw dah khawmna tur Pithom leh Rameses khuate an siam a.

¹²Nimahsela anmahni chu an tihretheih nasat veleh an pung nasa deuh deuh a, an darh zau ta deuh deuh a. Tin, Israela thlahte avang chuan an lungngai ta a.

¹³Tin, Aigupta mite chuan Israela thlahte chu rim takin an thawhtir a:

¹⁴hnathawh hautak tak, lung charna leh leirawhchante siamtir leh lohvah hna tinrengte, hreawm taka thawhtirin an chhawr vak vak a, an thawhna zawng zawngah chuan rim takin an chhawr zel a.

¹⁵Tin, Aigupta lal chuan Hebrai nau chhar mite chu a bia a, chu mite chu pakhata hming Siphraii a ni a, tin, pakhata hming chu Puaii a ni a:

¹⁶an hnenah chuan, "Hebrai hmeichhiate nau hrinna hmuna nau in chhar hunin, mipa fa a nih chuan tihlum zel ang che u; hmeichhia a nih erawh chuan zuah tur a ni," a ti a.

¹⁷Nimahsela nau chhar mite chuan Pathian an tih a, tichuan Aigupta lal thupek ang chuan an ti duh lo a, mipa fate chu an humhim ta zel zawk a.

¹⁸Tin, Aigupta lal chuan nau chhar mite chu a kohtir a, an hnenah chuan, "Engati nge hetianga thil in tih a, mipa fate chu in humhim zel le?" a ti a.

¹⁹Tin, nau chhar mite chuan Pharaoa hnenah, "Hebrai hmeichhiate hi Aigupta hmeichhiate ang an nih ve loh vang a ni; anniho hi zawngin an sam em bik a, tichuan nau chhartu lo thlen hma hian an lo hring tawh thin a ni," an ti a.

²⁰Chutichuan Pathianin nau chhar mite chu a titha ta hle a: tichuan mite chu an lo tam ta hle a, an lo chak ta telh telh a.

²¹Tin, heti hi a ni a, nau chhar miten Pathian an tih avangin chhungkua neiin a siam ta a.Tin, Pharaoan, "Mipa a lo piang apiang chu luiah in paih ang a, tin, hmeichhia apiang chu in humhim zel tur a ni," tiin a mite zawng zawng chu thu a pe a.

²²Tin, Pharaoan, "Mipa a lo piang apiang chu luiah in paih ang a, tin, hmeichhia apiang chu in humhim zel tur a ni," tiin a mite zawng zawng chu thu a pe a.