Read Baibul, Mizo Exodus 10 Bible Online

Exodus 10 - Baibul, Mizo bible

Exodus 10

¹Tin, LALPA'n Mosia hnenah, "Pharaoa hnenah va lut rawh: a thinlung leh a chhiahhlawh thinlung chu ka tihkhauhsak tawh e, he'ng ka chhinchhiahnate hi an zingah ka entir theihna turin;

²tin, nang pawhin i fa leh i fa fate benga Aigupta ram chunga thil ka tihzia leh, an zinga ka chhinchhiahnate ka tihzia hi i hrilh theihna turin; kei LALPA chu ka tih in hriat theih nan," a ti a.

³Tin, Mosia leh Arona chu Pharaoa hnenah an va lut a, a hnenah, "LALPA, Hebraite Pathianin, 'Ka hmaah eng chen nge inngaithlawm duh loa awm i tum ni? Ka mite hian ka rawng an bawl theihna'n chhuahtir rawh.

⁴Chutia ka mite i chhuahtir phal loh zawngin, ngai teh, nak tukah i ram chhungah hian khaukhuapte ka rawn lentir ang a:

⁵tin, lei chung hi an dap vek ang a, tumahin lei reng reng hi an hmu thei lo vang: tin, rialin a tihchhiat bak, in hnena la awmate hi an ei ang a, phula in thing to apiangte chu an ei vek ang:

⁶tin, i inte leh I chhiahhlawh zawng zawng inte leh Aigupta mi zawng zawng inte chu a khat vek ang; i thlahtute leh i thlahtute thlahtute pawhin khawvela an lo awm achin tun thleng pawhin chutiang chu an la hmu ngai lo a ni,' a ti e," an ti a. Tin, a lehhawi a, Pharaoa hnen ata chu a chhuak ta a.

⁷Tin, Pharaoa chhiahhlawhte chuan a hnenah, "Hei hi kan tan eng chen nge maw thanga a awm dawn le? Hengho hian LALPA an Pathian rawng an bawl theihna'n kaltir ta mai che maw le: Aigupta ram hi tihchhiat a nih tawh hi i la hre lo em ni?" an ti a.

⁸Tin, Mosia leh Arona chu Pharaoa hnenah an hruai leh a; tin, an hnenah, "Kal ula, LALPA in Pathian rawng chu va bawl tawh u: amaherawhchu tute nge ni kal tur chu?" a ti a.

⁹Tin, Mosia'n, "Apui apangin kan kal ang, kan fapate leh kan fanute nen, kan beram rualte leh kan bawng rualte nen kan kal ang: LALPA hnenah kan kut ngei tur a ni si a," a ti a.

¹⁰Tin, ani chuan an hnenah, "LALPA chu in hnenah awm ang hmiang! In fanu te tete nen chuan ka kaltir mawlh ang che u le; inngaihtuah rawh u khai, thil sual tih in tum a nih hi le.

¹¹Hnai lo e! nangi mipaho erawh chu kal u la, LALPA rawng chu bawl rawh u' chu chu alawm in duh," a ti a. Tin, Pharaoa hnen ata chu an hnawt chhuak ta a.

¹²Tin, LALPA'n Mosia hnenah, "Aigupta ramchungah hian khaukhuapte rawn lentir turin i kut phar rawh, Aigupta ramah hian an lo chhoh a, he rama thlai tinreng, rial den chhiat bak zawng zawngte nen lam pawha an ei theihna turin," a ti a.

¹³Tin, Mosia'n Aigupta ramchungah chuan a tiang chu a han lek a, tin, LALPA'n chu mi ni, nileng leh zankhuain chu mi ramah chuankhawchhak thli a rawn tlehtir a; tin, atukah chuan khawchhak thli chuan khaukhuap a rawn len a.

¹⁴Tin, khaukhuapte chu Aigupta ram zawng zawng chungah chuan an leng a, tin, Aigupta ram chhung zawng zawngah chuan an fu a; an tam em em mai a; tun hmain khaukhuap chutiang reng reng a la awm ngai lo a, tun hnuah pawh chutiang reng reng chu a awm leh tawh lo ang.

¹⁵Lei chung zawng zawng hi an dap vek mai si a, tichuan ram chu a thimin a thim mup mai a ni; tin, rial den chhiat bak, chu mi rama thlai tinreng leh theirah zawng zawngte chu an ei vek a: tichuan Aigupta ram chhung zawng zawngah chuan lovah thil hring reng reng, thing pawh thlai pawh a awm ta hauh lo mai a.

¹⁶Tin, Pharaoa chuan Mosia leh Arona chu hmanhmawh takin a kohtir a, an hnenah. "LALPA in Pathian chungah leh nangmahni chungah thil ka lo tisual ta e.

¹⁷Chutichuan ka sual hi tun tumah chauh hian ngaidam ang che, ka ngen a che, he thihna hi mi lak bosak phawt mai turin, LALPA in Pathian hnenah ngen ang che," a ti a.

¹⁸Tin, Pharaoa hnen ata chu a kal chhuak a, LALPA hnenah chuan a ngen ta a.

¹⁹Tin, LALPA chuan khawthlang thli na tak mai a rawn tlehtir a, chu chuan khaukhuapte chu a len a, Tuifinriat Senah a len thla ta vek a; Aigupta ramri chhung zawng zawngah chuan khuakhuap pakhat mah a awm ta lo a.

²⁰Nimahsela LALPA'n Pharaoa thinlung chu a tihkhauhsak a, tichuan Israela thlahte chu a chhuahtir phal ta lo a.

²¹Tin, LALPA'n Mosia hnenah, "Van lamah i kut han lek rawh, Aiguptachungah hian a lo thim khup a, ai mit thlawn ang maia a lo thimna turin," a ti a.

²²Tin, Mosia chuan a kut chu van lamah an han lek a; tin, Aigupta ram chhung zawng zawng chu ni thum chhung zet a thim mup a;

²³tumah reng reng an inhmu thei ta lo a, tumah mahni hmun ata ni thum chhung zet chu an tawlhsawn thei lo bawk a: Israela thlahte zawng zawng awmna erawh chu a eng vek a.

²⁴Tin, Pharaoan Mosia a kohtir a, a hnenah, "Kal ta u la, LALPA rawng chu va bawl tawh u; in beram rualte leh in bawng rualte erawh chu awm se la: in fanau te tete pawh in hnenah kal ve rawh se," a ti a.

²⁵Tin, Mosia'n, "LALPA kan Pathian hnena kan inthawi theihna turin inthawina turte leh halral thilhlan turte chu nangin kan kutah min pe tel ve bawk tur a ni.

²⁶Kan rante chu kan hnenah an kal ve bawk tur a ni; ran reng reng chu pakhat mah kan hnutchhiah lo ang; chung zinga mi chu LALPA kan Pathian rawng kan bawlna'n kan hman ngei ngei tur a ni si a; chu mi hmun kan va thlen hma loh chuan engin nge LALPA rawng kan bawl ang tih kan la inhre lo a ni," a ti a.

²⁷Nimahsela LALPA'n Pharaoa thinlung chu a tihkhauhsak a, tichuan a chhuahtir phal ta lo a.

²⁸Tin, Pharaoan a hnenah, "Ka hnen ata hi chhuak daih la, fimkhur rawh khai, ka hmel reng reng rawn hmu tawh hlek suh; ka hmel i hmuh ni la la chuan i thi ngei tur a ni," a ti a.Tin, Mosia chuan, "I sawi dik zet mai; i hmel zawng hmuh ni ka nei leh tawh lo vang e," a ti a.

²⁹Tin, Mosia chuan, "I sawi dik zet mai; i hmel zawng hmuh ni ka nei leh tawh lo vang e," a ti a.