Read Baibul, Mizo Exodus 18 Bible Online

Exodus 18 - Baibul, Mizo bible

Exodus 18

¹Tin, Jetroa, Midian rama puithiam, Mosia puzawn chuan Pathianin Mosia leh a mi Israel-hote thil a tihsakzia zawng zawngte leh, LALPA'n Israel-hote chu Aigupta ram ata a hruai chhuahzia te chu chu a lo hria a:

²,3 tin, Mosia puzawn Jetroa chuan Mosia nupui Zipori, Mosia'n a hawntir kha, a fapate pahnih nen a hruai a; chu mi pakhat hming chu Gersoma a ni a; "mi rama awm ka nih avangin," a ti a;

³,2 tin, Mosia puzawn Jetroa chuan Mosia nupui Zipori, Mosia'n a hawntir kha, a fapate pahnih nen a hruai a; chu mi pakhat hming chu Gersoma a ni a; "mi rama awm ka nih avangin," a ti a;

⁴tin, pakhata hming chu Eliazara a ni; "Ka pa Pathian chu mi tanpuitu a ni a, Pharaoa khandaih lak ata chu mi chhanhim tak avangin," a ti a:

⁵tin, Mosia puzawn Jethroa chu Mosia fapate leh a nupui nen Mosia hnenah thlalera a riahna Pathian tlangah chuan an va kal a:

⁶tin, ani chuan Mosia hnenah, "Kei i puzawn Jethroa, i nupui nen i fa pahnih nen kan lo kal e," a ti a.

⁷Tin, Mosia chu a puzawn hmuak turin a va chhuak a, chibai a va buk a; chanchinte an inzawt a; tichuan puan inah an lut ta a.

⁸Tin, LALPA'n Israel-ho avanga Pharaoa leh Aiguptate chunga a tihzia zawng zawngte leh kawng laka hrehawm an tuarzia zawng zawngte leh LALPA'n anmahni a chhanhimzia te chu Mosia chuan a puzawn a hrilh a.

⁹Tin, LALPA'n Israel-hote chu Aigupta-ho lak ata a chhanhim a, anmahni thil a lo tihsak takzia leh an chunga a thatna zawng zawng avangte chuan Jethroa chu a lawm em em mai a.

¹⁰Tin, Jethroa chuan, "LALPA, Aigupta-ho lak ata leh Pharaoa lak ata chhanhimtu che u chu fakin awm rawh se; ani chuan Aigupat-ho thu hnuaia awm mipuite chu a chhanhim tak hi.

¹¹Tunah chuan LALPA chu pathian zawng zawngte ai chuan a ropui zawk tih ka hre ta: a ni, chapo taka an beihnaah tak chuan a lo lang a ni," a ti a.

¹²Tin, Mosia puzawn Jethroa chuan halral thilhlan leh Pathian tana inthawina turte a va la a: tin, Arona leh Israel upaho zawng zawngte chu Mosia puzawn hnenah chuan Pathian hmaah chhang ei turin an kal a.

¹³Tin, heti hi a ni a, atukah chuan Mosia chu mipuite ro rel turin a thu a: tin, mipuite chu zing ata tlai thlengin Mosia kiang velah chuan an ding reng a.

¹⁴Tin, Mosia puzawnin chutia mipuite tana thil a tih zawng zawng chu a han hmuh chuan, "Mipuite hi thil eng nge maw i tihsak chu le? Engtizia nge nangmah chauh hi i thut rang a, zing ata tawh tlai thlenga mipui zawng zawngte hi i kiang vela an din rang?" a ti a.

¹⁵Tin, Mosia'n a puzawn hnenah, "Mipuite hi Pathian rawn turin ka hnenah an lo kal a ni ber e:

¹⁶thu eng emaw an neih chuan ka hnenah hian an lo kal thin a: tichuan keiin a thenawmpa nena an thu chu ka lo relsak a, tin, Pathian remruat leh a dante chu ka lo hriattir thin a ni," a ti a.

¹⁷Tin, Mosia puzawn chuan a hnenah, "I thiltih dan chu a tha lo e a.

¹⁸Nang leh he'ng i hnena mipui awmte hi in intichau zo ngei ang maw le: he hna hi i tan a hautak lutuk a ni: nangmah chauha han tlin mi a ni hlei nem

¹⁹Ka thu hi ngaithla teh khai, rem ka han ruatpui ang chia, i hnenah Pathian awm rawh se: nang hi Pathian lama mipui aiawhin awm langin, an thubuaite chu Pathian hnenah thlen ang che:

²⁰tin, thu ruatte leh dan chu i zirtir ang a, an awmdan tur leh an tih dan turte chu i kawhhmuh zel tur a ni.

²¹Chu chang ni loin, mipui zing ata mi hmantlak deuh deuh Pathian tih mite, mi dik takte, hlawkna dik lo tak haw mite-thlang chhuak langin: chutiang mite chu sang pawl chunga hotuah te, za pawl chunga hotuah te, sawmnga pawl chunga hotuah te, sawm pawl chunga otuah te ruat langin:

²²chungte chuan eng lai pawhin mite ro relsak rawh se: tin heti hi a ni ang a, thu lian deuh apiangte chu i hnenah an rawn thlen thin ang a, thu te tham erawh chu anmahniin rel rawh se: chutichuan i tan a lo awlsam zawk ang a, tin, anni chuan an chhawk zang hle dawn che nia.

²³Chutianga i tih a, Pathian pawhin thu a pek che chuan i tlin thei ang a, tichuan he'ng mipuiho zawng zawngte pawh hi lungawi takin mahni awmna lamah chuan an tin thei dawn nia," a ti a.

²⁴Chutichuan Mosia chuan a puzawn thu sawi chu a pawm a, a sawi ang zawng zawng chuan a ti ta a.

²⁵Tin, Mosia chuan Israel-ho zawng zawng zing ata chu mi hmantlak deuh deuh a thlang chhuak a, mipui chunga hotuah a siam a, sang pawl chunga hotuah te, za pawl chunga hotuah te, sawmnga pawl chunga hotuah te, sawm pawl chunga hotuah te a ruat ta a.

²⁶Chungte chuan eng lai pawhin mite ro an relsak thin a: thu lian deuh apiangte chu Mosia hnenah an thlen thin a, thu te tham erawh chu anmahnihoin an rel thin.Tichuan Mosia chuan a puzawn chu a kaltir ta a; tin, a awmna ram lamah chuan a haw leh ta a.

²⁷Tichuan Mosia chuan a puzawn chu a kaltir ta a; tin, a awmna ram lamah chuan a haw leh ta a.