Read Baibul, Mizo Exodus 25 Bible Online

Exodus 25 - Baibul, Mizo bible

Exodus 25

¹Tin, LALPA'n Mosia chu a bia a,

²Israela thlahte hnenah thu va sawi la, ka hnenah thil rawn hlan rawh se: an thinlunga chak taka pe apiangte pek chu ka tana thilhlanah in la tur a ni.

³Hengte hi a ni an hnen atanga hlan tura in lak turte chu: rangkachak te, tangka te, dar te,

⁴la dum pawl te, sen duk te, sen lar te, la zai sin te, kel hmul te,

⁵tin, berampa vun chhum sen te, savun tha chi vun te, thingri thing te;

⁶khawnvar atan hriak te, hriak thih mi atn leh hal tur rimtui tak atan englo rimtui te,

⁷puithiam kawr leh kawr awma zeh turin onukion-te leh lunghlute nen.

⁸Tin, hmun thianghlim mi siamsak rawh se, an zinga ka chen ve theih nan.

⁹Biak buk lem leh a chhunga bungrua tur zawng zawng lem ka entir ang chiah che hian in siam tur a ni.

¹⁰Tin, thingri thingin bawm siam se la: a dung lam chu tawng hnih leh a chanve ni sela, a vang lam chu tawng khat leh a chenve ni se la, a san lam chu tawng khat leh a chanve ni rawh se.

¹¹Tin, rangkachak hlir hlak tiin I luan tur a ni a, a chhung leh a pawn I luan tur a ni a, tin, rangkachakin a tlang I kawm tur a ni.

¹²Chu mi atan chuan rangkachak khang pali I chhung t1r a ni a, a ke paliah chuan vuah vek tur a ni; chu mi khang pahnih chu a lehlamah vuah tur a ni a, tin, khang pahnih chu a lehlamah vuah tur a ni.

¹³Tin, thingri thing zawnfungahte I siam tur a ni a, rangkachak tiin luan tur a ni.

¹⁴Tin, bawm chu zawn theih turin a panga khangah chuan zawnfungte chu I rawlh tur a ni.

¹⁵Chu bawma khangah chuan zawnfungte chu a invuah reng tur a ni: phawi chhuah hlek tur a ni lo e.

¹⁶Tin, bawm chhungah chuan thuhriattirna ka la pek tur che chu I dah tur a ni.

¹⁷Tin, rangkachak hlir hlakin zahngaihna thutphah I siam tur a ni: a dung lam chu tawng hnih leh a chanve ni se la, a vang lam chu tawng khat leh a chanve ni rawh se.

¹⁸Tin, cherub pahnih rangkachakin I siam tur a ni; zahngaihna thutphah hmawr ve vea mi chu a chherin I chher tur a ni.

¹⁹A hmawr lehlamah cherub pakhat siam la, a hmawr lehlamah cherub pakhat siam bawk ang che: zahngaihna thutphah nena inbelhbawm khawm vekin a hmawr ve ve a cherub pahnih chu in siam tur a ni.

²⁰Tin, cherub-te chu inhmatawna zangaihna thutphah chu an thlaa hliapin, an thlate chu zar duai tur a ni; zangaihna thutphah lam chu cherub-te chuan an hawi ve ve tur a ni.

²¹Tin, bawm chungah zahngaihna thutphah chu I dah tur ani a, tin, bawm chhungah chuan thuhriattirna ka la pek tur che chu I dah tur a ni.

²²Chutah chuan I hnenah ka lo kal ang a, tin, thuhriattirna bawm chunga cherub pahnih inkar, zangaihna thutphah chung lam atangin Israel mite thu ka pek tur apiang chungchung thuah chuan ka rawn be thin ang che.

²³Tin, thingri thingin dawhkan I siam tur a ni: a dung lam chu tawng hnih ni se la, a vang lam chu tawng khat ni se la, a san lam chu tawng khat leh a chanve ni rawh se.

²⁴Tin, chu chu rangkachak hlir hlak tiin luan tur a ni a, tin, rangkachakin a tlang I kawm tur a ni.

²⁵Tin, kutphah bawka hlaiin a kawm I siam tur a ni a, tin, a kawm chu rangkachakin a tlang I kawm leh tur a ni.

²⁶Tin, chu mi atan chuan rangkachak khang chu dawhkan pali I siam tur ani a, tin, chu mi khang chu dawhkan ke pali kil theuhvah chuan vuah tur a ni.

²⁷Dawhkan chu zawna, a zawnfung chu rawlh theih turin khangte chu dawhkan a kawm sia vuah tur a ni.

²⁸Tin, dawhkan chu zawn theihna'n zawnfungte chu thingri thingin I siam tur a ni.

²⁹Tin, chu mi atan chuan thlengte, note, a uain th6wlte, a bun chhuahna tur berhbute I siam tur a ni: chung chu rangkachak hlir hlakin I siam tur a ni.

³⁰Tin, dawhkanah chuan ka hmaah chhangdah I hlui fo tur a ni.

³¹Tin, khawnvar dahna rangkachak hlir hlakin I siam tur a ni: chu mi khawnvar dahna chu a ngul bul leh angul chu chher tur ani; a note, a parfungte, a parte nen chuan inzawm vek tur a ni:

³²tin, a sirahte chuan peng paruk lo peng chhuak se la; khawnvar dahna ngul sir lehlamah chuan peng pathum awm se la, tin, khawnvar dahna ngul sir lehlamah chuan peng pathum awm bawk rawh se:

³³a leh lampang pengah chuan vai umkhal kuhmum ang no pathum, a parfung leh a par I siam tur a ni; tin, a leh lampang pengah pawh vai umkhal kuhmum ang no pathum, a parfung leh a par I siam tur a ni: chutiang chuan khawnvar dahna peng paruk atan I siam tur a ni;

³⁴tin, khawnvar dahna ngulah chuan no pali, vai umkhal kuhmum anga siam, a parfung leh a parte a awm tur a ni;

³⁵tin, chu mi inzawm vek peng pahnih hnuaiah chuan parfung awm se la, tin, chu mi inzawn vek peng pahnih hnuaiah chuan parfung awm se la, khawnvar dahna ngula peng parukah chuan awm vek tur a ni.

³⁶Chung a parfungte leh a pengte chuan a zawm vek tur a ni a: apum chuan rangkachak hlir hlaka chher tur a ni.

³⁷Tin, chu mi atan khanvar pasarih I siam tur a ni: tichuan khawnvarte chu an dah ang a, a hma zawnte chu a en theih nan.

³⁸Tin, chu mi atana hman tur chaichehte leh meivap dahnate chu rangkachak hlir hlak a ni tur a ni.

³⁹Chu mi khawnvar dahna leh a hmanrua tur zawng zawng siamna'n chuan rangkachak hlir hlak talent khat I hmang tur a ni.Tichuan tlanga a lem ka entir ang chiah che khan engkim I siam tur a ni tih hre reng rawh khai.

⁴⁰Tichuan tlanga a lem ka entir ang chiah che khan engkim I siam tur a ni tih hre reng rawh khai.