Read Baibul, Mizo Exodus 27 Bible Online

Exodus 27 - Baibul, Mizo bible

Exodus 27

¹Tin, thingri thing maicham, a dung lam tawngnga in i siam tur a ni; chu maicham chu kil li tur a ni: tin, a sanlam chu tawng thum tur a ni.

²Tin, a kil li chhipahte chuan a kite i siam tur a ni: maicham nen chung a kite chu a inzawm vektu a ni.

³Tin, meivap ruh chhuahna bel te, vutlawhna te, maihun te, sa thurna tur thirkawm te, mei lakna te i siam tur a ni: chung hmanrua zawng zawng chu darin i siam tur a ni.

⁴Tin maicham a tan chuan dar len i siam tur a ni; tin, chu mi len chung, a kil liah te chuan dar khang pali i siamtur a ni.

⁵Tin, chu chu maicham dawhzawl hnuai lam vel chuan i dah tur a ni, chu len chuan maicham chane chu a han thlen theih nan.

⁶Tin, maicham atan zawnfung, thingri thing zawnfung te i siam tur a ni a, chung chu dar tuiin iluan tur a ni.

⁷Tin, chung zawnfungte chu chu khangah te chuan thawn luh tur a ni a, tichuan zawnfungte chu a zawnna turin maicham sir pahnihah chuan a awm ve ve tur a ni.

⁸Maicham chu thingphela chhungin a kawrawngin i siam tur a ni: tlanga ka entir ang chiah che khan an siam tur a ni.

⁹Tin, biakbuk hung chhung kawtlai i siam tur a ni: chhim chhawng chhim lampangah chuan, a sir lehlam a tan a hung chhung kawtlaia puanzar tur te, la zai sin tak kawpa siam tawng zaa sei awm tur a ni:

¹⁰chumi a tan chuan ban sawmhnih leh, dar tlang kerkuak sawmhnih a awm tur a ni; bana a bannate leh a zarfungte chu tangkarua a ni tur a ni.

¹¹Tin, chutiang bawkin, hmarchhawng lampang dung lam puanzar zar turte chu tawng zaa sei awm tur a ni a, tin, chu mi atan chuan ban sawmhnih leh, dar tlang kerkuak sawmhnih a awm tur a ni.

¹²Tin, a khawthlang lampang hung chhung kawtlai vang lam puanzar tur te chu tawng sawmnga a sei awm tur a ni: a ban sawm leh a nghahchhan keruak sawm nen.

¹³Tin, khawchhak lam chhawng, chhak lampang hung chhung kawtlai vanglam chu tawng sawmngaa sei tur a ni.

¹⁴Kawngka sir eh lama puanzar zar turte chu tawng sawm leh sawmngaa sei a ni tur a ni: a ban pathum leh a nghahchhan kerkuak pathum a awm tur a ni.

¹⁵Tin, kawngka sir leh lama puan zar zarturte chu tawng sawm leh tawng ngaa sei a ni tur a ni: a ban pathum leh a nghahchhan kerkuak pahtum a awm tur a ni.

¹⁶Tin, a hung chhung kawtlai kawngkaa zar tur tawng sawmhnih a sei, la zai sin tak kawp te, a dumpawl te, a senduk te, a sen larte hmangin, puan zehmawi thiam tak zeh nen a awm tur a ni: a ban pali leh a nghahchhan kerkuak pali a awm tur a ni.

¹⁷A hung chhung kawtlai ban zawng zawng te chu tangkarua zemchhuah vek tur a ni a; a banna te chu tangkarua a ni tur a ni a, a nghahchhan kerkuak te chu dar a i tur a ni.

¹⁸A hung chhung kawtlai ding lam chu tawngza ni se la, tin, a vanglam chu tang sawmnga ni se la, tin, a sanlam chu tawng nga ni se la, la zai sin tak kawp a chhung i se la, tin, a nghahchhan kerkuak te chu dar tlang ni rawh se.

¹⁹Biak buk sak na zawng zawnga a hmanraw thil zawng zawng te leh, a hung chhung kawtlai kilhbehna zawng zawng te chu dar ek a i tur a ni.

²⁰Tin, khwnvar chu eng lai pawh a dah fo thin a nih theihna'n olive hriak fim taka sawr, chhit a tan i hnenah rawn la thin turin Israela thlah te chu thu i pe tur a ni.in biakna puan in chhungah, thuhriattir dahna bula puanzar pawn lamah chuan Arona leh a fapaten LALPA hmaah chuan tlai atangin a tuk thlengin an buatsaih thin tur a ni:hei hi Israel a thlahte tan kumkhuain an thlah te thleng pawhin thuruat ngheh tlat a ni tur a ni.

²¹in biakna puan in chhungah, thuhriattir dahna bula puanzar pawn lamah chuan Arona leh a fapaten LALPA hmaah chuan tlai atangin a tuk thlengin an buatsaih thin tur a ni:hei hi Israel a thlahte tan kumkhuain an thlah te thleng pawhin thuruat ngheh tlat a ni tur a ni.