Read Baibul, Mizo Exodus 28 Bible Online

Exodus 28 - Baibul, Mizo bible

Exodus 28

¹Tin, nangin i u Arona leh a fapa te chu Israel a thlahte zing ata i hnenah hruai ang che, ani chuan puithiam rawngbawl hna chu ka tan a thawh theih nan, Arona te, Arona fapa Nadaba ten Abihua te, Eleazara te, Ithamara te nen chuan.

²Tin, i u Arona tan silhfen thianghlim, tiropuitu a tan leh timawitu a tan i siam tur a ni.

³Tin, mi themthiamho, finna thlarauva ka tihkhah zawng zawng te chu nangin bia la, Arona chuan puithiam rawngbawlhna chu ka tan a thawh theihna tura tihthianghlima a lo awm theihna'n a silhfente chu siamsak rawh se.

⁴Tin, hengte hi a ni silhfen atana an siam turte chu; awmbel nen, puithiam kawr nen, kawrfual nen, kawrzeh mawi nen,puithiam lukhum leh kawnghren nen: tin, i u Arona leh a fapa te chuan puithiam rwngbawl hna chu ka tan an thawh theihna'n silhfen thianghlim an siamsak tur a ni.

⁵Tin, rangkachak zai te, la dum pawl te, sen duk te, sen lar te, la zai sin tak kawp te nen an la tur a ni.

⁶Tin, puithiam kawr chu rangkachak zai te, la dum pawl te, sen duk te, sen lar te, la zai s�n tak kawpte hmangin, mi themthiam takin a buatsaih angin an siam tur a ni.

⁷Tin, chu mi kawr hmawr hmalam leh hnung lama thui belhbawm, darbak pahnih neiht�r tur a ni; a in zawm tlat theih na turin.

⁸Tin, kawr chunga kawnghren tur themthiam taka tah, chumi kawr chi bawk tluan khat vek hman tur a ni; chu chu rangkachak zai nen, la dum pawl nen, sen duk nen, sen lar nen, la zai s�n tak kawp nena tah tur a ni.

⁹Tin, onukion lung pahnih i la tur a ni a, chutah chuan Israela thlah te hming i chuant�r tur a ni:

¹⁰lung pakhat ah chuan an hming paruk, tin, lungdang pakhat ah chuan a la awma te paruk hming chu an piandan ang zelin i chuan t�r tur a ni.

¹¹Hming nemnaa chuang, lunga ziak thiam miin a ziak thin ang hian Israela thlahte hming ang zelin lung pahnih ah chuan i ziak tur a ni.

¹²Tin, chu mi lung pahnih chu Israela thlah te hriatrengna lung atan puithiam kawr darbakah chuan i bel tur a ni: ti chuan Arona chuan hriatrengna turin LALPA hmaah an hmingte chu a koki khing hnihah chuan a bat ang.

¹³Tin, rangkachak zaite i phiar tur a ni a:

¹⁴rangkachak hlir hlak khaidiat pahnih nen; hruihrual anga herhin i siam tur a ni: tin, chu mi khaidiat herhte chu phiarah chuan i zawm tur ni.

¹⁵Tin, rorelna awmbel, mithiam tak siam ang i siam tur a ni; puithiam kawr siam ang khan i siam tur a ni; rangkachak zai te, a dum pawl te, a sen duk te, a sen lar te, la zai sin tak kawpte hmangin i siam tur a ni.

¹⁶Kil li neia siama thuah tur a ni; a dunglam khapkhat, a vanglam pawh khapkhat bawk tur a ni.

¹⁷Tin, chutah chuan lunghlu, lunghlu tar li i zep tur a ni: tlar khat na chu sardion te, topazion te,smarangdos te;

¹⁸tin, tlar hnih na chu anthraks te, sappheiros te, sordonuks te,

¹⁹tin, tlar thumna chu huakintos te, akates te,amethustos te,

²⁰tin, tlar lina chu berullos te, onukion te, laspis te a ni tur a ni: rangkachak ah chuan phum thet tur a ni.

²¹Tin, lung te chu Israela thlah te hming ang zelin, hnam sawm leh hnam hnihte tan chuan a ni tur a ni:

²²Tin, awmbel chauh chuan hruihrual ang khaidiat te, rangkachak hlirhlak herh i siam tur a ni a.

²³Tin, awmbel chhungah chuan rangkachak khang pahnih i siam tur a ni a, tin, chu mi khang pahnih chu awmbel tlang hmawr ve ve ah chuan i vuah tur a ni.

²⁴Tin, rangkachak khaidiat herh pahnih chu awmbel tlang hmawr ve vea khang pahnihah chuan i thlung tur a ni.

²⁵Tin, khaidiat herh hmawr lehlam pahnihte chu rangkachak zai phiar pahnih ah chuan i zawm tur a ni a, chu chu puithiam kawr hmalama darbakah chuan i thlung tur a ni.

²⁶Tin, rangkachak khang pahnih i siam tur a ni a, chung chu awmbel kil pahnih, puithiam kawrdep chhung lampangah chuan i vuah tur a ni.

²⁷Tin, rangkachak khang pahnih i siam tur a ni a, chung chu a hmalama puithiam kawr darbakna pahnih hnuai lampang, a inzawm na lai vel, puithiam kawr hrenna themthiam taka tah chhung lamah chuan i vuah tur a ni.

²⁸Tin, puithiam kawra khangah te chuan awmbela khangte chu hrui dum pawlin an chilh zawm tur a ni, themthiam taka tah puithiam kawr hrenna chu lama awm theih nan leh, awmbel chu puithiam kawr nen a inhran loh nan.

²⁹Tin, Arona chuan hmun thianghlima a kal hunah LALPA hmaah a hriatreng theih na turin a thinlung zawn taka rorelna awmbel ah chuan Israela thlahte hming chu a pu zel tur a ni .

³⁰Tin, rorelna awmbelah chuan Urim leh Thumim i dah tur a ni a; chu chu Arona chuan LALPA hmaa a kal hunah chuan a thinlung zawnah chuan a dah zela tur a ni: tin, Rona chuan Israela thlah te rorelna chu LALPA hmaa akal hunah a thinlung zawnah chuan a pu zel tur a ni.

³¹Tin, puithiam kawr kawrfual a dum pawl hlir hlak i siam tur a ni.

³²Tin, lai takah lu thawnna'n tih-awng tur a ni a; chu mi awng chu a thlerchhiat theih mai loh na turin, kawrbanbul angin a tlangvel chu cheh tur a ni.

³³Tin, a femah te chuan pawmgranet lem - a dum pawl te, a sen duk te, a senlartein-a fem velin i siam tur a ni:

³⁴kawrfual fem velah te chuan rangkachak tengeng pakhat leh pawmgranet pakhat, rangkachak tengeng pakhat leh pawmgranet pakhat zel i siam tur a ni.

³⁵Tin, Arona chuan rawnga bawlna turin chutiang chuan ain thuam tur a ni: tichuan hmunthianghlima LALPA hmaa a lo luh leh a chhuah hunah a ri chu hriat theih a ni tur a ni, chutilo chuan thi mai ang.

³⁶Tin, rangkachak hlir hlak phek i siam tur a ni a, a pangah chuan hming nemna a chuang ang, 'LALPA PUAL' ti i chuantir tur a ni.

³⁷chu chu hrui dum pawlah chuan i bel tur a ni a, puithiam lukhumah chuan bel tur a ni; puithiam lukhum hma lamah a awm tur a ni.

³⁸Chu chu Arona chalah a awm tur a ni a, Israela thlahten an thilpek thianghlim atana an hlan tur thil serha sualna awmte chu Arona chuan a phur zel tur a ni; chu chu LALPA hmaa chhan tlaka a awm theihna'n a chalah a awm chawt tawt tur a ni.

³⁹Tin, kawr chu puan zai sin tak , zeh mawi i tah tur a ni, tin, puanzai sin takin puithiam lukhum i siam tur a i.

⁴⁰Tin , Arona fapa te chu kawr i siamsak tur a ni a, tin, kawnghren te, diarte i siamsak bawk tur a ni, tiropuitu leh timawitu a tan.

⁴¹chungchuan i u Arona leh a fapate chu i thuam tur a ni; tin, ka tan puithiam hna thawk a rawng an bawl theihna turin, an mahni chu hriak thihin, tihrangin, i tithianghlim tur a ni.

⁴²Tin, an taksa saruak khuhna'n puan zai sin kekawr i siamsak tur a ni; kawng atanga malpui thleng ni se la:chu chu Aronas leh a fapate inbiakna puan ina an luh hun leh, hmun thianghlima rawngbawl tura maicham bula an kal hunin an ha zel tur a ni; chutilochuan suala ngaihin an thi dah ang e: chu chu amah leh a hnu athlahte thleng pawha kumkhuaa thuruat ngheh a ni ang.

⁴³chu chu Aronas leh a fapate inbiakna puan ina an luh hun leh, hmun thianghlima rawngbawl tura maicham bula an kal hunin an ha zel tur a ni; chutilochuan suala ngaihin an thi dah ang e: chu chu amah leh a hnu athlahte thleng pawha kumkhuaa thuruat ngheh a ni ang.