Read Baibul, Mizo Exodus 3 Bible Online

Exodus 3 - Baibul, Mizo bible

Exodus 3

¹Tin, Mosia chuan a pu Jethroa, Midian ram puithiam beram rual a veng a: tin, beram rual chu thlaler thlang lampangah chuan a khalh a, tin, Pathian tlang, Horeb chu a va thleng a.

²Tin, hnim bukah LALPA vantirhkoh, meialhin a hnenah a rawn inlar a: tin, a han en a, tin, ngai teh, hnim buk chu meiin a kang a, a hnim buka erawh chu a kang ral si lo.

³Tin, Mosia chuan, "Ka va peng teh reng ang, eng tizia nge ni hnim buk saw a kan ral loh, he thil mak tak hi ka va en teh ang e," a ti a.

⁴Tin, LALPA chuan en tura a va peng chu a hmuhin, Pathianin hnim buk zing atang chuan a han ko a, "Mosi, Mosi," a han ti a. Tin, ani chuan, "Heta hi ka awm," a ti a.

⁵Tin, ani chuan, "Rawn hnaih suh khai: i kephah ata i pheikhawkte kha phelh rawh, i dinna hmun kha lei thianghlim a ni e," a ti a.

⁶Tin, "Kei hi i pa Pathian, Abrahama Pathian, Isaaka Pathian, Jakoba Pathian chu ka nih hi," a ti leh a. Tin, Mosia chuan a hmai a khuh ta a; Pathian a en ngam si lo a.

⁷Tin, LALPA chuan, "Aigupta rama ka mi awmte chu an hreawmzia ka hmu reg a sin, anmahni vengtute avanga an au thawmte chu ka lo hria a; an lungngaihnate chu ka hre reng si a;

⁸tichuan Aigupta-ho lak ata chhanhim tur leh chu mi ram ata chu hruai chhuaka Kanaan-hote, Hit-hote, Amor-hote Periz-hote, Hiv-hote, Jebus-hote awmna ram tha tak leh zau tak, hnutetui leh khawizu luanna rama hruai lut turin ka lo chhuak ta a ni.

⁹Tin, ngai teh, Israela thlahte au thawm chu ka hnen a lo thleng e: chu chang a ni lo a, Aigupta-hoin anmahni an hnehchhiahziate chu ka hmu reng a ni.

¹⁰Chuvangin hawh teh, ka mi Israela thlahte chu Aigupta ram ata hruai chhuak turin Pharaoa hnenah ka tir ang che," a ti a.

¹¹Tin, Mosia chuan Pathian hnenah, "Kei Pharaoa hnena kala, Israela thlahte Aigupta ram ata zuk hruai chhuaktu atan chuan tu nge maw ka nih le?" a ti a.

¹²Tin, ani chuan, "I hnenah ka awm dawn alawm; tichuan keima tirh ngei i ni tih hei hi i tan chhinchhiahna a ni ang: Aigupta ram ata mite chu i rawn hruai chhuah hunah chuan, he tlang ngeiah hian Pathian rawng in la bawl ang," a ti a.

¹³Tin, Mosia'n Pathian hnenah, "Ngai teh, Israela thlahte hnenah chuan zuk kalin an hnenah, 'In thlahtute Pathianin in hnenah hian mi rawn tir a ni e,' zuk ti i la; tin, anni chuan ka hnenah, 'Tunge ni a hming chu?' lo ti ang se la, an hnenah chuan engtin nge ka sawi ang?" a ti a.

¹⁴Tin, Pathianin Mosia hnenah, "AWMA KA NI," a ti a; tin, a hnenah chuan, "Nangin Israela thlahte hnenah chuan, 'AWMA chuan in hnenah mi rawn tir a ni e,' i ti tur a ni," a ti a.

¹⁵Tin, Pathian vekin Mosia hnenah chuan, "Nangin Israela thlahte hnenah chuan, 'LALPA in thlahtute Pathian, Abrahama Pathian, Isaaka Pathian leh Jakoba Pathian chuan in hnenah hian mi rawn tir a ni e: hei hi kumkhuaa ka hming chu a ni a, tin, hei hi chhuan zawng zawng thlenga mi hriat rengna chu a ni,' ti ang che.

¹⁶Kal langin Israela upaho ko khawm ang che, tichuan an hnenah, 'LALPA in thlahtute Pathian, Abrahama Pathian, Isaaka Pathian leh Jakoba Pathian chuan ka rawn kan ta ngei che u a, Aigupta rama in chunga an tihzia te hi ka hmu ta ngei mai;

¹⁷Aigupta rama tihhreawmna lak ata chu ka hruai chhuak ang che u a, Kanaan-hote, Hit-hote, Amor-hote, Periz-hote, Hiv-hote, Hit-hote ram, hnutetui leh khawizu luanna ramah chuan ka hruai lut ang che u ka tih tawh kha tiin ka hnenah a rawn inlar ta a ni,' ti ang che.

¹⁸Chutichuan i thu an lo ngaithla ang: tin, nang leh Israel upaho chu Aigupta lal hnenah in kal ang a, tin, a hnenah, 'LALPA, Hebraite Pathianin min rawn tlawh ta mai a; chuvangin thlaler ni thum kalah LALPA kan Pathian hnena kan va inthawi theihna turin khawngaih takin min kaltir ang che,' ti ang che u.

¹⁹Tin, Aigupta lal zawngin kut chak tak ngawt lo chuan a chhuahtir hlei lo ang che u tih ka hria e.

²⁰tin, ka kut ka phar ang a, tin, Aigupta-ho chu an zinga thil mak tak ka la tih tur zawng zawngte chuan ka la hrem ang: tin, chu mi hnuah zawng a chhuahtir tawh ang che u.

²¹Tin, he mite hi Aigupta-ho ka khawngaihtir ang a: tin, heti hi a ni ang a, in kal hunah chuan ruakin in kal lo ang a,hmeichhe tinin an vengte leh an ina chengte chu tangkaraw incheinate leh rangkachak incheinate leh silhfente an la dil zawk ang a; tichuan in fapate leh in fanute chu in la bei ang; tin, Aigupta mite chu in rawk a ni ang," a ti a.

²²hmeichhe tinin an vengte leh an ina chengte chu tangkaraw incheinate leh rangkachak incheinate leh silhfente an la dil zawk ang a; tichuan in fapate leh in fanute chu in la bei ang; tin, Aigupta mite chu in rawk a ni ang," a ti a.