Read Baibul, Mizo Exodus 31 Bible Online

Exodus 31 - Baibul, Mizo bible

Exodus 31

¹LALPA'n Mosia a bia a.

²Ngaiteh, Juda hnama mi Hura fapa Uria, chu mi fapa Bezalela chu ka thlang tawh a.

³Tin, ani chu finna te, hriat thiamna te hriatna te, kawng tinrenga themthiamna te,

⁴thiltih tur fing taka suangtuah thiamna te, lunghlute zeh tura phel thiamna te,

⁵thing zai mawi dan thiamna te, kawng tinrenga themthiamna te nei turin PATHIAN thlarauin ka tikhat tawh e.

⁶Tin, ngai teh, a hnena thawk ve turin Dana hnama mi Ahisamaka fapa Oholiaba keimahin ka ruat leh e: thil siam tura thu ka pek zawng zawng che

⁷inbiakna puan in te, thuhriattirna bawm te, chu mi chhunga zahngaihna thutphah te, Puan in chhunga bungrua zawng zawng te,

⁸tin, dawhkan leh a hmanrua te, rangkachak hlir hlaka siam khawnvar dahna a hmanrua zawng zawng te nen, rimtui halna maicham te;

⁹tin, halrala thil hlanna maicham, a bungbel zawng zawng te nen, maihun leh a hun chhan te;

¹⁰tin, silhfen mawi taka tah te, puithiam rawng an bawl huna hak tur puithiam Arona silhfen thianghlim leh a fapate silhfen te;

¹¹tin, hriak thih mi te, hmun thianghlim atana rimtui tui takte hi an siam theina turin mi themthiamho zawng zawng te finna ka pe e: tih tura thu ka pek zawng zawng che ang kha an ti tur a ni.'' tiin a sawi a.

¹²,13 Tin, LALPA'n Mosia'n hnenah, Israela thlahte hnenah chuan, 'Ka chawlhnite hi in serh ngei ngei tur a ni; in thlahte thlenga keimah leh nangmahni inkara chhinchhiahna a ni si a; kei hi LALPA nangmahni tithianghlimtu che u ka ni tih in hriat theih nan.

¹³,12 Tin, LALPA'n Mosia'n hnenah, Israela thlahte hnenah chuan, 'Ka chawlhnite hi in serh ngei ngei tur a ni; in thlahte thlenga keimah leh nangmahni inkara chhinchhiahna a ni si a; kei hi LALPA nangmahni tithianghlimtu che u ka ni tih in hriat theih nan.

¹⁴Chuvangin chawlhni hi in serh tur a ni; chu chu in tan ni thianghlim a ni si a; tupawh tibawlhlawh apiang chu tihhlum ngei ngei tur a ni: tupawh chu mi nia hna engpawh thawk chu, chu mi chu a chipuite zing ata tihboral tur a ni.

¹⁵Niruk chhung hnathawhna'n hman tur a ni a; a nisarih ni erawh chu chawlh derna chawlhni, LALPA tana ni thianghlim a ni: tupawh chawlni a hnathawk apiang chu tihhlum ngei ngei tur a ni.

¹⁶Chutichuan Israela thlahte hian chawlhni chu an thlahte thlenga kumkhuaa thu thlunna'n chu chawlhni chu a na serh tur a ni.

¹⁷Keimah leh Israela thlah te inkarah hian kumkhuaa thuthlun chhinchhiahna a ni: niruk chhungin LALPA'n lei len vam a siama, tin, a nisarih ni chuan a chawl a; tin, a intihahdam ta a ni si a.' ti bawk ang che,' tiin a sawi a.Tichuan sinai tlanga a mah a biak zawh chuan thuhriattirna lungphek pahnih, lung phek, PATHIAN kutzunga ziak chu Mosia a pe ta a.

¹⁸Tichuan sinai tlanga a mah a biak zawh chuan thuhriattirna lungphek pahnih, lung phek, PATHIAN kutzunga ziak chu Mosia a pe ta a.