Read Baibul, Mizo Exodus 32 Bible Online

Exodus 32 - Baibul, Mizo bible

Exodus 32

¹Tin, mipuite chuan Mosia chu tlang ata lo chhuk thla har ta emin an hria a, mipuite chu Arona hnenah an kal khawm a, a hnenah chuan, "Khai, kan hma hruai turin pathiante min siamsak rawh; he Mosia, Aigupta ram ata min hruai chhuaktu lah hi a chanchin kan hre ta si lo a," an ti a.

²Tichuan Aronan an hnenah, "In nupui te, in fapate leh in fanute beh lai, rangkachak bengbehte kha han thlawn u la, ka hnenah han la rawh u," a ti a.

³Chutichuan mipuiho zawng zawngte chuan rangkachak bengbeh an beh laite chu an thlawn vek a, Arona hnenah chuan an rawn la a.

⁴Chutichuan mipuiho zawng zawngte chuan rangkachak bengbeh an beh laite chu an thlawn vek a, Arona hnenah chuan an rawn la a.

⁵Tin, chu chu Aronan a han hmuhin, a hmaah chuan maicham a siam ta a; tin, Arona chu a tlangau a, "Naktuk hian LALPA tan kut awm rawh se," a ti a.

⁶Tichuan a tuk zing takah an tho a, halral thilhlante an hlan a; remna thilhlante an rawn la a; tichuan mipui chu ei leh in turin an thu khawm a, infiam turin an tho leh a.

⁷Tin, LALPA'n Mosia chu a bia a, "Zu chhuk tawh khai, i mite Aigupta ram ata i rawn hruai chhuahte khu an intichhe zo ta vek mai:

⁸ka thupekte chu an hawisan hma zet mai, bawng no lem an insiam a, an bia a, a hnenah chuan an inthawi a, 'Aw Israelte u, hengte hi Aigupta ram ata rawn hruai chhuaktu che u in pathiante an nih hi,' an ti e," a ti a.

⁹Tin, LALPA'n Mosia hnenah, "He miteho hi ka enthla reng a, ngai teh, hnam luhlul tak an lo nih hi:

¹⁰tichuan lo ngawi rawh, anmahni kangral zo vek khawpin an chungah ka thinur chu ling teh se: tin, nang hi chi ropui takah ka siam ang che," a ti a.

¹¹Tin, Mosia'n LALPA a PATHIAN hnenah, "LALPA, thiltihtheihna nasa tak leh, kut chak taka i mi, Aigupta ram ata i rawn hruai chhuahte chauh hian engah nge i thinurna chu a lin hle le?

¹²Aigupta miten engah tehlul nge, 'An tana tha lo tur tlangahte thah tur leh lei chung ata kangral vek turin a hruai chhuak alo nih hi,' an la rawn tih ang le? I thinur nasa tak hi han tireh la, i mite chunga he thil tha lo tih i tum hi han lamlet leh ang che.

¹³i chhiahhlawh Abrahama te, Isaaka te, Israela te hnena, 'Vana arsi zatin i thlahte chu ka la tipung ang a, he ram ka lo sawi tawh zawng zawng hi i thlahte ka la pe bawk ang a, tichuan kumkhuain an luah hlen tawh ang,' tia nangmah ngei inchhala chhia i lo chham tawhnate kha hre reng ang che," tiin a ngen chiam a.

¹⁴Tichuan LALPA'n, "Ka mite chauh thil tha lo ka ti ang," a tih chu a lamlet ta a.

¹⁵Tin, Mosia chu tlang ata thuhriattirna lung phek pahnih kengin a let thla leh ta a; lung phek a lehlam lehlam panga ziak chuan ve venate chu; a lehlam ve veahte chuan ziak a ni.

¹⁶Tin, Lung phekte chu PATHIAN kutchhuak a ni a, tin, a ziakte pawh chu PATHIAN ziak ngei, lung phekte chua ziak a ni.

¹⁷Tin, Josua'n mipui au thawm a han hriat chuan Mosia hnenah, "Riah hmun lamah indo thawm ri a awm ka ti!" a ti a.

¹⁸Tin, ani chuan, "Hnehtu au thawm a nih loh chu, hnehate au thawm pawh a ni hek lo; hla sa thawm a ni ka hriat zawk ni," a ti a.

¹⁹Tin, heti hi a ni a, riahhmun kiang a va thlen chuan, sebawng no lem leh lam chu a han hmu ta a: tichuan Mosia thinrim chu a ling ta phut mai a, a lung phek kente chu a paih ta thuai a, tlang hnuaiah chuan a paih keh ta a.

²⁰Tin, sebawng no lem an siam chu a la a, meiah a rawh a, a rawt dip derh a, tuiah a phul chiam a, Israela thlahte chu a intir ta a.

²¹Tin, Mosia'n Arona hnenah huan, "Henghote hian i chungah eng nge maw an tih a, hetiang thil sual nasa tak mai an chunga i thlentir le?" a ti a.

²²tin, Arona chuan, "Ka pu thinrim hi ling teh thut mai suh se a: he'ng mipuiho hi sual lam awn tlat mi an ni tih i hria alawm.

²³Ka hnenah, 'Kan hma hruai turin pathiante min siamsak rawh: he Mosia Aigupta ram ata min hruai chhuaktu lah hi a chanchin kan hre ta si lo a,' an rawn ti a.

²⁴Tin, keiin an hnenah, 'Tupawh rangkachak nei apiangin rawn thlawn rawh se,' ka ti a; chutichuan mi rawn pe a: tin, keiin meiah ka lo paih lut a, tichuan he sebawng no lem hi a lo chhuak ta mai alawm maw le," a ti a.

²⁵Tin, mipuite chu an duh duhin an tal tih Mosia'n a hria a; (Arona chuan an hmelmate laka hmuhsitawma awm khawpin an duh duhin a lo taltir ta si a);

²⁶tichuan Mosia chu riahhmun luhna kawngkaah a sing a, "Tupawh LALPA lama tang apiang chuka hnenah lo kal rawh se," a ti a. Tichuan Levia fate zawng zawng chu a hnenah an va kal khawm a.

²⁷Tin, an hnenah, "LALPA, Israelte Pathianin, 'Mi tinin in khandaih pai u la, riahhmun chhungah hian a luhna kawngka atanga kawngka lehlam thlengin vak vel ula, mi tinin in unaupa pawh, mi tinin in thianpa pawh, mi tinin in thenawmpa pawh that zel rawh u,' a ti a ni," a ti a.

²⁸Tin, Levia fate chuan Mosia thu ang chuan an ti a: tin, chu mi ni chuan mi sangthum an thi a.

²⁹Tin, Mosia'n, "Vawiinah hian LALPA hnenah intihrang rawh u, a ni, mi tinin mahni fapa te, mahni unaupa te an lo do ta si a; tichuan vawiinah hian malsawmnain a rawn vur thei dawn che u nia," a ti a.

³⁰Tin, heti hi a ni a, a tukah chuan Mosia'n mipuite hnenah chuan, "Thil sual nasa tak mai in lo ti ta a, chutichuan LALPA hnenah ka han chho ang e; in sualnaah hian inremna ka siam thei mahna," a ti a.

³¹Tichuan Mosia chu LALPA hnenah a han kal leh a, "Aw, henghote hian thil sual nasa tak mai an lo ti ta a, rangkachak pathiante chu an lo insiam ta.

³²Amaherawhchu an sual i ngaidam thei ang emaw chu? i theih loh zawngin, i lehkhabua i lo ziak tawh ata kha mi thai bo turin ka ngen a che," a ti a.

³³Tin, LALPA'n Mosia hnenah, "Tupawh ka chua thil tisual apiang chu ka lehkhabu ata ka thai bo ang.Tichuan kal la, kalna tur ka hrilh tawh che hmunah khan mipuihote hi va hruai phawt rawh: ngai teh, ka vantirhkohin i hma a hruai zel ang: amaherawhchu ka rawn hrem hunah chuan an sualna ngeiah chuan ka rawn hrem dawn a ni," a ti a. Tin, Arona din sebawng no lem chu an siam avangin LALPA'n mipuite chu a hrem ta a.

³⁴Tichuan kal la, kalna tur ka hrilh tawh che hmunah khan mipuihote hi va hruai phawt rawh: ngai teh, ka vantirhkohin i hma a hruai zel ang: amaherawhchu ka rawn hrem hunah chuan an sualna ngeiah chuan ka rawn hrem dawn a ni," a ti a. Tin, Arona din sebawng no lem chu an siam avangin LALPA'n mipuite chu a hrem ta a.