Read Baibul, Mizo Exodus 33 Bible Online

Exodus 33 - Baibul, Mizo bible

Exodus 33

¹'Tichuan LALPA'n Mosia chu a bia a, "Chhuak u la, Abrahama te, Isaaka te, Jakoba te hnena, 'I thlahte tan ka la pe ang che,' tia chhia ka lo chham tak ramah chuan nang leh Aigupta ram atanga i rawn hruai chhuahte nen hian heta ta hi han chho tawh u,

²,3 hnutetui leh khawizu luanna ramah chuan: tin, in hmaah vantirhkoh ka rawn tir ang a; tichuan Kanaan-ho te, Amor-ho te, Hit-ho te, Periz-ho te, Hiv-ho te, Jebus-ho te chu ka hnawt chhuak ang a: kei zawng in zingah ka han chho ve dawn lo e: hnam luhlul tak in lo ni si a: kawng lakah ka tiboral nghe nghe dah ang che u," a ti a.

³,2 hnutetui leh khawizu luanna ramah chuan: tin, in hmaah vantirhkoh ka rawn tir ang a; tichuan Kanaan-ho te, Amor-ho te, Hit-ho te, Periz-ho te, Hiv-ho te, Jebus-ho te chu ka hnawt chhuak ang a: kei zawng in zingah ka han chho ve dawn lo e: hnam luhlul tak in lo ni si a: kawng lakah ka tiboral nghe nghe dah ang che u," a ti a.

⁴Tin, mipuiten chu thu lawmawm lo tak chu an hriat chuan an tap hlawm a: tumah reng reng an inchei duh ta lo a.

⁵Tin, LALPA'n Mosia hnenah, "Israela thlahte hnenah, 'Hnam luhlul tak in ni e: in zingah rei lo te pawh ka han tel ve zawngin ka tiboral ngei ang che u: chuvangin in incheinate kha hlip vek rawh u, tichuan ka tih dan tur che u ka hre thei ang, a ti,' ti ang che," a ti a.

⁶Tin, Israela thlahte chuan an incheinate chu Horeb tlang atang chuan an hlip thla hlen ta a.

⁷Tin, Mosia'n puan in kha a chhawm zel a, riah hmun pawn lam hla deuh takah a zar thin a; chu chu inbiakna puan in a ti a. Tin, heti hi a ni a, tupawh LALPA zawng duh apiang chu riahhmun pawn lama inbiakna puan inah chuan an va kal thin a.

⁸Tin, heti hi a ni a, Mosia chu Puan in pana a chhuah hunin mipui zawng zawng hu an tho vek a, mi tin, mahni puan in kawngkaah an ding theuh a. Mosia, Puan ina a luh thlengin an thlir reng thin.

⁹Tin, heti hi a ni a, Mosia chu Puan ina a luh veleh, chhum ding chu a lo chhuk a, Puan in kawngkaah chuan a lo ding thin a: tin, LALPA'n Mosia chu a rawn be thin.

¹⁰Tin, mipui zawng zawngin chhum ding hcu puan in kawngkaa ding an hmu a: tichuan mipui zawng zawng chu an tho a, mahni puan in kawngka theuhvah chuan chibai an lo buk thin a.

¹¹Tin, miin a thian a bia ang mai hian LALPA'n Mosia chu inhmatawnin a be thin a, Tin,riahhmun lamah chuan a lo kir leh thin a: a rawngbawltu Nuna fapa Josua tlangval erawh chu puan in chhung ata chu a lo chhuak leh ve thin lo.

¹²'Tin, Mosia'n LALPA hnenah chuan, "Ngai teh, nangin ka hnenah, 'He mite hi han hruai chho rawh,' i ti a ni a: tu nge ni ka hnena i rawn tirh ve dawn mi la hrilh si lo. Nang lah chua, 'I hmingah ka hre chiang che alawm, tin, ka mittlungin i awm tih ka hre bawk che a lawm,' i ti a.

¹³Chuvangin i mit ka tlun si chuan, nangma ka hriat chian theihna'n che leh i mittlunga ka awm theihna'n tunah hian i kawngte hi khawngaih takin mi hriattir ang che: tin, he hnam hi i mite ngei an ni tih ngaihtuah ang che," a ti a.

¹⁴Tin, ani chuan, "In zingah ka tel ve zel ang a, tichuan ka chawlhtir ang che u," a ti a.

¹⁵Tin, ani chuan a hnenah, kan zinga i tel ve zel si loh chuan heta ta hi min hruai chhuak ma ta che.

¹⁶Kei leh i mite hi i mittlungin kan awm a ni tih hi engtin nge hriatna a awm theih tak ang: Lei chua mihring zawng zawngte hi kei leh i mite nen kan inthliar hranna tur chuan nang kan hnena i kal thin hi a ni lo em ni?" a ti a.

¹⁷Tin, LALPA'n Mosia hnenah, "Chu pawh chu i sawi ang chuan ka ti ang e: ka mit i tlung si a, i hmingah ka hre chiang bawk si chia,' a ti a.

¹⁸Tin, ani chuan, "I ropuina chu khawngaih takin mi han entir teh," a ti a.

¹⁹Tin, ani chuan, "Ka thatna zawng zawng chu i hmaah ka lantir ang a, LALPA hming chu i hmaah ka puang zel ang; tichuan ka khawngaih apiang chu ka khawngaih ang a, zah ka ngaihna chu apiangah chuan zah ka ngai ang," a ti a.

²⁰Tin, ani chuan, "Ka hmel zawng i hmu thei lo ang: mi hmua nung reng thei tumah reng reng an awm si lo a," a ti a.

²¹Tin, LALPA'n, "En teh, ka kianga hi hmun pakhat a awm hi, lungpui chhungah hian i ding ang a:

²²tin, heti hi a ni ang a, ka ropuinain a rawn kal pelh chu che chuan, lungpui khi chauh hian ka dah ang chia, ka kal pelh hma loh che chuan ka kutin ka han khuh ang chia:tin, ka kut chu ka han la leh ang a, tichuan ka hnung lam chu i hmu ang: ka hmel erawh chu hmuh tur a ni lo e," a ti a.

²³tin, ka kut chu ka han la leh ang a, tichuan ka hnung lam chu i hmu ang: ka hmel erawh chu hmuh tur a ni lo e," a ti a.