Read Baibul, Mizo Exodus 7 Bible Online

Exodus 7 - Baibul, Mizo bible

Exodus 7

¹Tin, LALPA chuan Mosia hnenah, "Ngai teh, Pharaoa tan pathianah ka siam tawh che alawm: tin, i unau Arona chu i zawlnei a ni ang.

²Thu ka pek apiang che chu i sawi chhuak zel ang a; tin, i unau Aronan Pharaoa a ram ata Israela thlahte chhuahtir turin a hrilh ang.

³Tin, Pharaoa thinlung chu ka tikhauh ang a, tin, ka chhinchhiahna leh ka thilmakte chu Aigupta ramah hian ka tipung ang.

⁴Nimahsela Pharaoan in thu a pawm duh lo ang, tin, Aigupta ram chhungah hian ka kut ka nghat ang a, anmahni chu nasa taka ngaihtuahin ka mi Israela thlahte, ka pawlhote hi Aigupta ram ata chu ka hruai chhuak ang.

⁵Tin, Aigupta mite chuan, Aigupta ram chhungah hian ka kut ka nghat ang a, anmahni chu nasa taka ngaihtuahin ka mi Israela thlahte, ka pawlhote hi Aigupta ram chunga ka kut ka han phar a, an zing ata Israela thlahte ka hruai chhuah hunah zet chuan kei hi LALPA chu ka ni tih an la hria ang," a ti a.

⁶Tin, Mosia leh Aronan chutiang chuan an ti a; LALPA'n anmahni thu a pek ang ngei chuan an ti ta a.

⁷Tin, Pharaoa an va biak lai khan Mosia chu kum 80 mi a ni a, tin, Arona chu kum 83 mi a ni.

⁸Tin, LALPA'n Mosia leh Arona hnenah, "Pharaoan, 'Thil mak han ti teh u,' a lo tih che u chuan nangin Arona hnenah, 'I tiang kha la la, Pharaoa hmaah paih ang che, tichuan rulah a lo chang dawn nia,' ti ang che," tiin a sawi a.

⁹Tin, LALPA'n Mosia leh Arona hnenah, "Pharaoan, 'Thil mak han ti teh u,' a lo tih che u chuan nangin Arona hnenah, 'I tiang kha la la, Pharaoa hmaah paih ang che, tichuan rulah a lo chang dawn nia,' ti ang che," tiin a sawi a.

¹⁰Tin, Mosia leh Arona chu Pharaoa hnenah an va lut a, tin, LALPA thupek ang chuan an han ti a: tin, Arona chuan a tiang chu Pharaoa leh a chhiahhlawhte hmaah chuan a han paih a, tin, rulah a chang ta a.

¹¹Chutichuan Pharaoa pawh chuan mi fingte leh dawithiamte chu a ko ve a: tin, anni, Aigupta rama mitlak dawithiamte pawh chuan chutiang bawkin an dawina chuan an han ti ve a.

¹²An tiang chu an han paih theuh a, rulah a chang theuh a ni: amaherawhchu Arona tiang chuan an tiangte chu a lem zo ta vek a.

¹³Tin, Pharaoa thinlung chu tihkhauhin a awm a, tichuan an thu chu a ngaithla duh ta lo a; LALPA'n a lo sawi tawh ang khan.

¹⁴Tin, LALPA chuan Mosia hnenah, "Pharaoa thinlung hi tihluhlulin a lo awm ta a, mite chu a chhuahtir phal lo a.

¹⁵Pharaoa hnenah chuan zingah va kal ang che; ngai teh, tuiah a kal thin a, tin, amah hmuh tumin lui kamah ding ang che; tin, i tiang rula chang kha keng ang che.

¹⁶Tin, a hnenah, 'LALPA, Hebraite Pathianin, ka mite hian thlalerah ka rawng an bawl theihna turin rawn kaltir rawh, tiin i hnenah mi a tir a ni e: tin, ngai teh, tun thlengin i la ngaithla duh lo a.

¹⁷chuvangin LALPA'n, he miah hian kei LALPA chu ka ni tih i hria ang: ngai teh, he mi ka tiang ken hian luia tuite hi ka han vua ang a, tichuan thisenah a lo chang mai ang.

¹⁸Tin, luia sanghate chu an thi ang a, tin, lui chu a uih hluah hluah ang; tichuan Aigupta miten luia tui chu an in lo ang, a ti e,' ti ang che," a ti a.

¹⁹Tin, LALPA'n Mosia hnenah, "Arona hnenah, 'I tiang keng la, Aigupta ram tui chungah te, an dil chungah te chuan thisena a lo chan vekna turin phar rawh, tichuan Aigupta ram chhung zawng zawngah, thing kuangahte leh lung kuangahte chuan thisen a awm vek mai ang,' ti ang che," a ti a.

²⁰Tin, Mosia leh Arona chuan LALPA thupek ang chuan an han ti a; tin, tiang chu a han lek a, Pharaoa mithmuhah leh a chhiahhlawhte mithmuhah chuan luia tui chu a han vua a; tichuan luia tui zawng zawngte chu thisenah a chang ta vek a.

²¹Tin, luia sanghate chu an thi ta vek a; tin, lui chu a uih ta hluah hluah a, tichuan Aigupta mite chuan luia tui chu an in thei ta lo a; tin, thisen chu Aigupta ram chhung zawng zawngah chuan a awm zo ta vek a.

²²Tin, Aigupta rama mitlak dawithiamte pawh chuan an dawi hmangin chutiang bawk chuan an han ti ve a: tin, Pharaoa thinlung chu tihkhauhin a awm a, tichuan an thu chu a ngaithla duh ta lo a; LALPA'n a sawi tawh ang khan.

²³Tin, Pharaoa chu a in lamah chuan a hawng ta a, chung pawh chu a thinlungah a lungkham chuang hauh lo mai a.

²⁴Tin, Aigupta mi zawng zawngte chuan tui in atan lui kam velte chu an lai chiam a; lui tui chu an in thei si lo a.Tin, LALPA'n lui a vuak achin chu ni sarih zet a tling a ni.

²⁵Tin, LALPA'n lui a vuak achin chu ni sarih zet a tling a ni.