Read Baibul, Mizo Exodus 8 Bible Online

Exodus 8 - Baibul, Mizo bible

Exodus 8

¹Tin, LALPA'n Mosia chu a bia a, a hnenah, "Pharaoa hnenah va lut la, a hnenah, 'LALPA'n, ka mite hian ka rawng an bawl theihna'n chhuahtir rawh.

²Tin, i chhuahtir phal loh zawngin, ngai teh, i ram chin zawng zawng hi chunguin ka hrem ang:

³tin, lui chu chunguin a khat mur mur ang a, chungute chu i inah hian an lo lut chho ang a, i mutna pindanah te, i khumah te, i chhiahhlawhte in chhungah te, i mite zingah te, i thukah te, i chhang hmehna thleng chhungah te an awm noh noh vang:

⁴tichuan chungute chu nangmah leh i mite leh i chhiahhlawhtechungah chuan an vak noh noh mai ang, a ti e,' ti ang che," a ti a.

⁵Tin, LALPA'n Mosia hnenah; "Arona hnenah, 'I tiang kha i kutin luichungah te, luitechungah te leh tui tlinnachungah te lek langin, Aigupta ramah hian Chungu rawn lentir chiam ang che,' ti rawh," a ti a.

⁶Tin, Arona chuan Aigupta ram luichungahte chuan a kut a han phar a; tichuan chunguchu an lo chhuak a, Aigupta ram khahin a khat zo ta a.

⁷Tin, mitlak dawithiamte pawh chuan an dawi hmangin chutiang bawk chuan an han ti ve a, Aigupta ramah chuan chungute chu an han tichhuak ve a.

⁸Chutichuan Pharaoa chuan Mosia leh Arona chu a kohtir a, an hnenah, "Ka hnen atang leh ka mite hnen atanga Chungu hi la bo turin LALPA hnenah ngen teh u; tichuan LALPA hnena an inthawi theihna turin mite hi ka chhuahtir ang e," a ti a.

⁹Tin, Mosia chuan Pharaoa hnenah, "nangin he chawimawina hi hlawh zawk ang che hmiang: i hnen atang leh i in atangtea chungute chu tihborala a awm a, lui chauha a awmna turin, nangmah leh i chhiahhlawhte leh i mite tan chuan engtik atan nge ka ngen ang?" a ti a.

¹⁰Tin, ani chuan, "Naktuk atan le," a ti a. Tin, ani chuan, "I thu ang chuan ni ang hmiang: tichuan LALPA, kan Pathian ang reng reng hi tumah an awm lo tih i hria ang.

¹¹Tin, chungute chuan nangmah leh i inte leh i chhiahhlawhte leh i mite chu an chhuahsan vek ang che u a; luiah chauh an awm tawh ang," a ti a.

¹²Tin, Mosia leh Arona chu Pharaoa chunga chungu a rawn lentir chungchang thu-ah chuan LALPA hnenah a ngen a.

¹³Tin, LALPA chuan Mosia thu ang chuan a ti a; tin, in chhunga mi te, in hung chhung kawtlaia mi te leh loa mi chungute chu an thi fai ta vek a.

¹⁴Tin, an chhar khawm a, an dah vum thur mai a: tichuan a ram uihin a lo uih ta a.

¹⁵Nimahsela Pharaoa chuan engthawlna a lo awm ta tih a hriat veleh, a thinlung a tikhauh a, tichuan an thu chu a ngaithla duh ta lo a; LALPA'n a lo sawi tawh ang khan.

¹⁶Tin, LALPA'n Mosia hnenah, "Arona hnenah, 'I tiang kha lek la, leia vaivut hi vaw rawh, Aigupta ram zawng zawnga vaivut hi thosia a lo chan theih nan,' ti ang che," a ti a.

¹⁷Tin, chutiang chuan an han ti a; Arona chuan a tiang chu a kutin a han lek a, tin, leia vaivut chu a han vua a, tin, mihring chungah leh sa chungah chuan thosi chu a awm ta mur mur a; Aigupta ram chhung zawng zawnga leia vaivut zawng zawng chu thosiah a chang zo ta vek a.

¹⁸Tin, mitlak dawithiamte pawhin an dawi hmangin thosi tihchhuah an han tum a, nimahsela an thei lo: tin, mihring chungah leh sa chungah chuan thosi chu a awm ta mur mur a.

¹⁹Chutichuan mitlak dawithiamte chuan Pharaoa hnenah, "Hei hi Pathian kut zungtang a nih hi," an ti a: tichuan Pharaoa thinlung chu tihkhauhin a awm a, an thu chu a ngaithla duh lo a; LALPA'n a lo sawi ang khan.

²⁰Tin, LALPA'n Mosia hnenah, "zing takah tho la, Pharaoa hmaah va ding ang che; ngai teh, tuiah a lo kal thin a, tin, a hnenah, 'LALPA'n, ka mite hian ka rawng an bawl theihna'n chhuahtir rawh.

²¹Chutilozawng, ka mite i chhuahtir phal loh zawngin, ngai teh, ichungah leh i chhiahhlawhte chungah leh i mite chungah leh, i in chhungahte chuan tho tam tak ka rawn tir chiam ang a: tichuan Aigupta mite inte leh an chenna lei zawng zawngte pawh chu tho hlirin a khat ang.

²²Tin, chu mi ni chuan ka mite awmna Gosen ram chu ka tihrang ang, chutah chuan tho reng reng a awm ve loh nan; tichuan leichungah hian kei hi LALPA chu ka ni tih in lo hre thei ang.

²³Tin, ka mite leh i mite chu ka thliar ang a: naktukah he chhinchhiahna hi a lo awm ang, a ti e,' ti ang che," a ti a.

²⁴Tin, LALPA'n chutiang chuan a ti a; tichuan Pharaoa inah leh a chhiahhlawhte inah te leh Aigupta ram zawng zawngah te chuan tho tam pui mai chu an lut ta chiam a: tho tam tak chuan ram chu a tichhe chiam a.

²⁵Tin, Pharaoa chuan Mosia leh Arona a kohtir a, an hnenah, "Kal ta u la, he ramah hian in Pathian hnenah chuan va inthawi mai tawh u," a ti a.

²⁶Tin, Mosia chuan, "Chutiang tih chu a fel hlei nem! Aigupta miten thiang lo an tihte chuan LALPA kan Pathian hnenah kan inthawi dawn zuk nia: ngai teh, Aigupta mite mithmuhah hian thiang lo an tihte chuan kan inthawi dawn em ni ang? Lungin min deng mai dawn lo'm ni?

²⁷thlaler ni thum kalah chuan kan va kal ang a, LALPA kan Pathianin tih tura min pek ang angin a hnenah kan va inthawi ang e," a ti a.

²⁸Tin, Pharaoa chuan, "thlalera LALPA in Pathian hnena in inthawi theihna turin ka kaltir ang che u chu; amaherawhchu in kal hla vak tur a ni lo e: mi ngensak ang che," a ti a.

²⁹Tin, Mosia chuan, "Ngai teh, i hnen atang chuan ka chhuak dawn a ni a, naktukah hian Pharaoa leh a chhiahhlawhte leh amite chu tho tam pui hian a chhuahsan theihna turin LALPA hnenah ka ngen ang e: amaherawhchu mite LALPA hnena an inthawi chu Pharaoa hian phal loin, tihder leh tawh lul suh se," a ti a.

³⁰Tin, Mosia chu Pharaoa hnen ata a chhuak a, tichuan LALPA hnenah a ngen ta a.

³¹Tin, LALPA'n Mosia thu ang chuan a ti a; tichuan Pharaoa hnen ata leh a chhiahhlawhte hnen ata leh a mite hnen ata tho tam pui chu a tikiang ta a; pakhat mah a awm ta lo a.Tin, Pharaoa chuan chu mi tum pawh chuan a thinlung a tikhauh leh a, tichuan mite chu a chhuahtir phal ta lo a.

³²Tin, Pharaoa chuan chu mi tum pawh chuan a thinlung a tikhauh leh a, tichuan mite chu a chhuahtir phal ta lo a.