Read Baibul, Mizo Joba 1 Bible Online

Joba 1 - Baibul, Mizo bible

Joba 1

¹Uz ramah chuan mi pakhat a awm a, a hming chu Joba a ni; chu mi chu mi famkim, mi ngil tak, Pathian tih mi, thil tha lo laka insum thei mi a ni a.

²Tin, fapa pasarih leh fanu pathum a nei a.

³A neihnunzia chu, beram sangsarih, sanghawngsei sangthum, bawngpa tuak zanga, sabengtungpui zanga leh chhiahhlawh tam tak a nei a ni: tichuan he mi hi khaw chhak fate zingah chuan mi ropui ber a ni a.

⁴Tin, a fapate chuan an inah an hun zelah ruai intheh chhawkin an kal khawm thin a, an farnu pathumte chu an hnena ei leh in turin an sawm thin a.

⁵Tin, chutia an ruai thehte an zawh hnuah chuan Joba chuan anmahni a ko a, a thian hlawm a; zing takah a tho a, an zaa hming kimin halral inthawi a hlan a: Joba chuan, "Ka fapate hian thil an lo tisualin Pathian an lo sawi chhia a ni mahna," a ti a ni. Joba chuan hetiang hian a ti fo thin a ni.

⁶Tin, Pathian fapate LALPA hmaa an inlan ni a lo awm a, Setana pawh an zingah a lo tel ve a.

⁷Tichuan LALPA chuan Setana hnenah chuan, "Khawi lam atanga lo kal nge i nih?" a ti a. Tin, Setana chuan LALPA chu a chhang a, a hnenah, "Leia ka vahvelna atang leh ka chhohna atangin, " a ti a.

⁸Tin, LALPA chuan Setana hnenah, "Ka chhiahhlawh Joba hi i ngaihtuah ngai em? Lei chungah hian amah anga famkim, mi ngil, Pathian tih mi, thil tha lo laka insum thei mi tumah an awm lo a sin," a ti a.

⁹Tichuan, Setana chuan LALPA chu a chhang a, a hnenah, "Joba chuan vang awm loin a tih em ni?

¹⁰Amah chu a in nen, a neih zawng zawng nen, kil tinah i hung vel a ni lo'm ni? A kut hnathawh mal i sawm a, he ramah hian a lo neinung sawt em em atin a ni.

¹¹Tunah hian i kut thawh la, a neih zawng zawng hi han khawihsak teh, i hmaichhan ngeiah a sawichhe mai ang che," a ti a.

¹²Tin, LALPA chuan Setana hnenah chuan, "Ngai rawh, a neih zawng zawng chu i kutah a awm e, amah tak erawh chu khawih suh ang che," a ti a. Tichuan, Setana chu LALPA hma ata a chhuak ta a.

¹³Ni khat chu a fanu a fapaten an u ber inah chaw an ei a, uain an in laiin,

¹⁴Joba hnenah chuan zualko a lo tlan a, "bawngpate chuan lei an hrut laia sabengtungte an kianga an tlat lain,

¹⁵Seba miten an rawn bei a, an la a, chhiahhlawhte chu khandaihin an that a, keimah chauh hi hrilh tur chein ka lo chhuak a ni," a rawn ti a.

¹⁶A la sawi lai mek chuan mi dang a lo tlan leh a, van atangin Pathian mei a lo tla a, beramte leh chhiahhlawhte chu a kang a, a tiral vek mai a, keimah chauh hi hrilh tur chein ka lo chhuak a ni," a ti a.

¹⁷A la sawi lai mek chuan mi dang a lo tlan leh a, "Kaldai-ho pawl thumah an insiam a, sanghawngseite chu an rawn bei a, an la vek a; a ni, chhiahhlawhte pawh chu an that a, keimah chauh hi hrilh tur chein ka lo chhuak a ni," a ti a.

¹⁸A la sawi lai mek chuan mi dang a lo la tlan leh a, "I fanu te, i fapaten an u ber ina chaw an ei a, uain an in laiin,

¹⁹Ngai teh, thlaler atangin thlipui a lo thawk a, in chu kil liah a rawn nam a, nula-tlangvalhote chu a delh a, an thi ta vek mai, keimah chauh hi hrilh tur chein ka chhuak a ni," a ti a.

²⁰Tichuan, Joba chu a tho a, a puan a pawt thler a, a lu a ziat kawlh a, leiah a tlu a, Pathian a bia a.

²¹Ka nu pum ata saruakin ka lo chhuak a, saruak vekin ka kir leh dawn a nih hi; LALPA'n a pe a, LALPA'n a la leh ta a; LALPA hming chu fakin awm rawh se," a ti a.Heng zawng zawngah hian Joba chu a sual lo a, Pathian chu a mawhchhiat hek lo.

²²Heng zawng zawngah hian Joba chu a sual lo a, Pathian chu a mawhchhiat hek lo.