Read Baibul, Mizo Joba 10 Bible Online

Joba 10 - Baibul, Mizo bible

Joba 10

¹Ka thlain a ning e, ka nun hi,Ka nawmmakin ka phunnawi dawn e:Rilru na em em chungin ka tawng dawn hi.

²Pathian hnenah heti hian ka ti dawn:Mi thiam lo suh, i mi demna mi entir zawk rawh.

³Mi hnehchhiaha, i kut hnathawk hmusita,Mi suaksual remruat tih-en hi tha i ti em ni?

⁴Tisa mitte chu i nei vein Mihring hmuh angin i hmu em ni?

⁵I nite chu mirhing nite ang em ni?I kumte pawh mihring kumte ang em nia,

⁶Ka khawlohnate i chhui teh chiama,Ka sualna pawh i zawn teh chiam ni?

⁷Mi suaksual ka ni lo tih i hria.I kut ata chhan chhuak tur lah chu an awm lo.

⁸I kutin mi din a, mi siam a, kim biaiin,Mahse, nangin mi tiboral a.

⁹Nangin hlum angin mi siam tih hre reng teh aw;Vaivutah mi chantir leh dawn em ni?

¹⁰Nangin hnute tui angin mi leih chhuakin Hnute khal angin mi hlawm ani lo'm ni?

¹¹Vun leh tisain mi tuam a,Ruh leh thatein mi phiar khawm a,

¹²Nangin nunna leh duhsakna mi pe a,I mi enkawlna chuan ka thlarau a zuah a.

¹³Mahse, he'ng hi i thinlungan i lo thup a,Nangmahah hei hi a awm tih ka hria.

¹⁴Lo sual i la, nangin mi chhinchhiah ang a,Ka khawlohna ata mi tichhuak lo ang.

¹⁵Mi suaksual lo ni ta i la, ka chung a pik ang; Mi fel ni i la, ka inluling lo ang; Mualpho letder chungin leh ka hrehawm enin.

¹⁶Lo indah sang i la nangin sakeibaknei pelin mi pel a,Ka chungah mak takin i inentir leh a.

¹⁷Ka chungah i thu i tharthawh a.Ka chungah i thinur i tipung a.A hlawp hlawpin mi bei a.

¹⁸Eng vanga chhul ata mi la chhuak nge i nih?Tuma hmuh hmain lo thi tawh i la,

¹⁹Awm lo ang mai ka lo ni ang a,chhul ata thlana lak ka lo ni mai tur,

²⁰Ka nite hi rei lo te a ni lo'm ni?Chawl se, mi ngawihsan se, thaw han la hlek teh i la.

²¹Kir tawh lohna tur hmuna ka kal hma hian Thimna leh thihna daihlim ramah chuan,Thim chhah mup ram, thim tak mai chu,Thihna daihlim, kawngzawng awm lo, Eng pawh thim a nihna hmunah chuan.

²²Thim chhah mup ram, thim tak mai chu,Thihna daihlim, kawngzawng awm lo, Eng pawh thim a nihna hmunah chuan.