Read Baibul, Mizo Joba 11 Bible Online

Joba 11 - Baibul, Mizo bible

Joba 11

¹Tichuan, Zofara Naamathi mi chuan a chhang a, heti hian a ti a:

²Thu heti zozai hi chhan loh theih theih em ni ang? Mi tawng tamin tham an chang em ni?

³I uan thu hian mi a tingawi ang em ni? Tham lo taka i tawng hian tuma'n an tizak lo ang che maw?

⁴Ka rin dan hi a dik a,I mithmuhah ka thiang a ni,' i ti si a.

⁵Mahse, aw, Pathian chu han tawng teh se,I chungah a ka han ang teh se;

⁶A finna thuruk a hriattir tur chia,Finna thuah tam tak a ni si a,Chuvangin, hre ta che, i khawlohna aia nepinPathianin i chungah a tih hi.

⁷Pathian chu i zawng chhuak zo vem ni?Engkimtitheia chu i hmu kim thei em ni?

⁸Van aia sang a ni a, nangin eng nge i tih theih?Seol aia thuk a ni, nangin eng nge i hriat theih?

⁹A tehna lei aiin a sei zawk a,Tuifinriat aiin a zau zawk.

¹⁰A kal tlang a, a khara,A koh khawm chuan tu nge dal thei ang?

¹¹Mi lawilo chu a hre si a,Khawlohna pawh a hmu, zawng lo mah se la,

¹²Ram sabengtung no mihringa a pian hunah Mi lawilo chuan hriatna a nei chauh ang.

¹³Nang chuan i thinlung i dah dik a,A lama kut i phar chuan;

¹⁴I kuta khawlohna a awm chuan dah bo daih la,I puan inah fel lohna cheng suh sela;

¹⁵Tichuan, hmelhem lovn i dak chhuak ngei ang:A ni, i nghet ang a, i hlau lo ang;

¹⁶I hrehawm i theihnghilh ang a,Tui luang bo tawh angin i hre reng ang:

¹⁷I nun chhun chang aiin a eng ang.Thim pawh awm se, zing ang a ni ang.

¹⁸Tin, muanawm takin i awm ang, beisei a awm vangin;A ni, i en vel ang a, muang takin i chawl ang.

¹⁹I mu ang a, tumah an tihlau lawng che,A ni, tam takin an be tlawn ang che.Mahse, mi suaksual mit chu a thlawn ang a,Tlan chhuahna kawng reng an nei lo ang.An nghahfak ber pawh thih mai a ni.

²⁰Mahse, mi suaksual mit chu a thlawn ang a,Tlan chhuahna kawng reng an nei lo ang.An nghahfak ber pawh thih mai a ni.