Read Baibul, Mizo Joba 12 Bible Online

Joba 12 - Baibul, Mizo bible

Joba 12

¹Tichuan, Joba chuan a chhang a, heti hian a ti a:

²A ni ngei mai, mi fing zawng in lo nih hi,In rualin finna a thi ang.

³Mahse, nangni angin hriatna ka nei ve bawk,In lakah ka neu bik lo e,A ni, tu nge thil hetiang hi hre lo awm?

⁴Thiante nuihzabur ka ni. Kei, Pathian koa a chhana ngei hi.

⁵Mi fel, mi famkim si, nuihzabur ka ni.Mi nuamsa rilruah chuan vanduai hmusitna a awm;Rahbi tleute a chang reng a ni.

⁶Suamhmang puan in a hmuingil a,Pathian tithinurtute an him a,An kuta an pathian rawn kengtute chu.

⁷Rante pawh zawt teh khai, an zirtir ang che,Chunglen savate pawh zawt la, an hrilh ang che;

⁸Lei pawh bia la, a zirtir ang che,Luipui sanghate chuan i hnenah an puang ang.

⁹Heng thil zawng zawngah hian tu nge hre lo awm,LALPA kut chuan hei hi a ti a ni, tih hi?

¹⁰A kutah thil nung tin nunna leh Mihring chi zawng zawng thlarau a awm.

¹¹Bengin thu a chian lo em ni.Kain ei tur a tem ang hian?

¹²Upa hnenah finna a awm a,Khuareiah hriat thiamna,

¹³A hnenah finna leh chakna a awm a,Rem hriatna leh hriat thiamna a nei a.,

¹⁴Ngai rawh, a thiat a, sak leh rual a ni lo,Mi a khar hnan a, hawn rual a ni lo.

¹⁵Ngai rawh, tuite chu a chelh a, an lo kang a,A rawn tir chhuak leh a, leilung an tuam.

¹⁶A hnenah chakna leh finna a awm a,Bum leh bumtu a ta an ni.

¹⁷Remruattute ruakin a hruai bo a,Roreltute a tia a.

¹⁸Lalte phuarna chu a phelh a, An kawng chu kawnghrenin a hreng a.

¹⁹Puithiamte ruakin a hruai bo a,Mi chakte a titlu a,

²⁰Mi rinte thusawi a sawn a,Upate hriatna a la bo.

²¹Miliante chungah hmusitna a leihbua a,Mi chakte taihren a phelhsak a.

²²Thim ata thil thukte a dap chhuak a,Thihna hlim chu engah a la chhuak.

²³Hnamte chu a tipung a, a tiral a,Hnamte chu a tilian a, a hruai bo a,

²⁴Lei mipui hotute thinlung a la bo a,Thlaler kawng awm lohnaah a vahvaihtir a.Eng awm loin thimah an dap a,Zu rui angin a paitir a.

²⁵Eng awm loin thimah an dap a,Zu rui angin a paitir a.