Read Baibul, Mizo Joba 13 Bible Online

Joba 13 - Baibul, Mizo bible

Joba 13

¹En che u, he'ng zawng zawng hi ka mitin a hmu a,Ka bengin a hria a, a hre thiam a ni.

²In hriat chu ka hre ve bawk e,In lakah ka neu bik lo e,

³Mahse, engkimtitheia hnenah chuan sawi ngei ka duh a,Pathian nena ngaihtuah dun ka chak a ni.

⁴Nangni, dawt phuahchawptu in ni a,In zain daktawr hlu lo in ni e.

⁵Ngawi hmiah mai teh u la aw!Fin in hlawh zawk tur.

⁶Ka ngaihtuah dan ngaithla u la,ka dilna kam chhuak bengkhawn rawh u.

⁷Pathian tan khawlo takin in tawng ang maw?A tan dawtin in tawng ang maw?

⁸Amah tanin hleih in neih ang maw?Pathian tan in pawng tan dawn em ni?

⁹Zawng chhuak che u se la, a tha dawm em ni? Miin mihring a bum angin amah in bum dawn em ni?

¹⁰A ruka hleih in neih chuan A zilhhau ngei ang che u.

¹¹A ropuina chuan a tihlau lo ang che u maw? A tihbaiawmna in chungah a tla lo vang maw?

¹²In upa thute chu thufing vaivut mai ani a,In invennate chu invenna hlum mai a ni.

¹³Ka tawng theihna'n lo ngawi teh u,Ka chungah engpawh lo thleng ang hmiang.

¹⁴Ka tisa hi ka hain ka pet ang a,Ka nun hi ka kutah ka dah em ni?

¹⁵Mi tihlum hila mah se la, amah chu ka nghak cheu vang:Mahse, a hmaah ka kawng chu ka tan ang.

¹⁶Hei hi ka chhandamna ani a,A hmaah Pathian hre lo mi an lo kal dawn loh hi.

¹⁷Ka sawi hi ngun takin ngai u la,Ka puan chhuah hi in bengah lut rawh se.

¹⁸Ngai teh u, ka thu ka rem fel tawh a,Thiam ka chang ang tih ka hria.

¹⁹Tunge mi hnialtu tur awm?Tichuan, ka ngawi ang a, thlarau ka thlah mai ang.

²⁰Ka chungah thil pahnih hi ti lo phawt la,Tichuan, i hmel lakah ka inthup lo vang:

²¹Ka hnen ata i kut la kir daih la,I tihbaiawmna hian mi tihlau suh se.

²²Tichuan, mi ko la, ka chhang ang che,A nih loh leh, kei tawng i la, kmi chhang thung ang che.

²³Ka khawlohna leh sualnate engtia tam nge ni? Ka bawhchiatna leh ka sualna mi hriattir rawh.

²⁴Engah nge i hmel i thup a,I hmelmaa mi ngaih le?

²⁵Hnahthel leng chu i chaih buai dawn em ni? Buhpawl ro chu i um dawn em ni?

²⁶Ka chungah na takin i ziak a, Ka tileirawl lai khawlohnate mi phurhtir a.

²⁷Ka keah kawl mi buntir a, Ka kawng zawng zawng i chhinchhiah a, Ka kephah hualin ramri i kham a,Thil mawih tawih ral mai ang leh, Silhfen, thim ei ang lek ka ni chung hian.

²⁸Thil mawih tawih ral mai ang leh, Silhfen, thim ei ang lek ka ni chung hian.