Read Baibul, Mizo Joba 14 Bible Online

Joba 14 - Baibul, Mizo bible

Joba 14

¹Hmeichhe hrin tawh mihring phwt chu Rei lo te dam, buainaa khat a ni.

²Pangpar angin a lo chhuak a, a vuai leh a,Hlimthla angin a thlawk bo a, a awm hlen lo.

³Chutiang mi chungah chuan i mit i mengin,rorelnaah i hnenah mi hruai em ni le?

⁴Tunge thianghlim lo ata Thianghlim la chhuak thei le? Tumahin.

⁵A nite chu ruat sa anih a, a thla zat lah chu i hnena a awm a,A pelh theih loh tura ramri chu i ruat ahnuin,

⁶Hawi bosan langin, a chawlh theihna'n,Hlawhfa anga ni a tlingtlak thlengin.

⁷Thing chu rawt pawh nise, a chawr leh ang,A chawrno a tawp lo ang tih beiseina a awm.

⁸Leia a zung lo tar mah se,A bul chu lei chinah thi mah se;

⁹Tui rimah a chawr thiam tiam ang a, Thil phun angin a lo buk chhuak ang.

¹⁰Mahse, mihring chu a thi a, a riral a. A ni, mihring chuan a thlarau a thlah a, khawnge a awm tak?

¹¹Tuipui ata tui a kal bo a, Luipui a kang a, a ro char a;

¹²Chutiangin mi an mu a, an tho leh lo: Van awm loh hma loh chuan an thangharh lo vang, An muhil kaihthawh an ni hek lo ang,

¹³Seolah chuan mi thukru teh la, I thinur reh hma chu mi thukru teh la, Hun bik mi ruatsakin mi hre rehng teh la aw!

¹⁴Mi a thih chuan a nung leh ang em ni?ka hun ruat chhung hi chuan ka nghak ang, Ka chhuahna a thlen thlengin.

¹⁵Mi ko ang a, keiin ka chhang ang che; I kut hnathawh i ngaina an i.

¹⁶Mahse, nangin ka pente i chhia a, Ka sual i enthla lo em ni?

¹⁷Ipah ka bawhchhiatna chilh ani a, ka khawlohna i thui khawm a.

¹⁸Tlang chim meuh pawh chu a riral a, Lungpui pawh a hmun ata sawn ani a;

¹⁹Tui chuan lungte a hrut hek a, Tui lian chuan lei vaivut a len bo a; Chutiangin mihring beisei chu i ti bo a.

²⁰Ani chu i hneh kumkhua a,a ral ta a. A hmel i tidanglam a, i tir bo a.

²¹A fapaten an rawn chawimawi a, a hre lo a; Tihtlawmin an awm a, a hre hek lo.A taksa na chu a hre chauh va A thlarauin amah a sun a.

²²A taksa na chu a hre chauh va A thlarauin amah a sun a.