Read Baibul, Mizo Joba 16 Bible Online

Joba 16 - Baibul, Mizo bible

Joba 16

¹Tin, Joba chuan a chhang a, heti hian a ti a:

²Chutiang thil chu tam tak ka hria a ni, In zain thlamuantu tuar hreawm in ni e.

³Thu ruakin tawp anei ang em? A nih leh, engin nge chawk tho chia i han chhan ni?

⁴Kei pawh in tawng angin ka tawng thei a ni;

⁵Ka ni ang hi ni u la chuan In chungah thu ka zamw khawm chiam thei ang a, Lu ka thin khum thei ang che u.

⁶Mahse, ka ka chuan ka tichak ang che u a, Ka hmuia thlamuanna thuin a tinuam ang che u.

⁷Sawi mah i la, ka lungngaihna a dai lo a, Ngawi mah i la, eng nge ka naw chuan na?

⁸Mahse, Aman mi tichau a, Ka pawlpuite zawng zawng chu i titiau a.

⁹Nangin mi chelh bet a, chu chu ka chunga hretu a ni a, Ka cherna hian mi hek a. Chu chu ka hmai chhana hriattirtu a ni

¹⁰A thinurin mi tai thler a, mi tiduhdah a, Ka chungah a ha a thial a, Ka khingpuiin ka chungah a mit a len a.

¹¹Ka chungah an ka an ang a, Dichim takin biangah mi beng a, Ka chungah an inhawr khawm a.

¹²Pathian ngaihsak lo kutah mi hlan a, Mi suaksualte kutah chuan mi theh lut a.

¹³Nuamsa takin ka awm a, aman mi phel darh a, A ni, ka ringah mi la a, mi pawt sawm a: A tin tur atan mi tar bawk a.

¹⁴A thal kaptute chuan mi hual vel a, Ka kalte chu a then darh a, a dim lo, Lei chungah ka mit a leih bua a.

¹⁵Chhiatna chunga chhiatnain mi tichhia a, Mi hrang angin ka chungah a lo thawk a.

¹⁶Ka vun chungah saiip puan ka bel a Ka ki chu vaivutah ka tal a.

¹⁷Tah vangin ka hmel a sen a, Ka mit vunah thihna hlim a awm;

¹⁸Ka kutah pawngnekna a awm lo a, Ka tawngtaina a thianghlim chung pawhin.

¹⁹Aw leilung, ka thisen chu khuh bo suh la, Ka tah hian chawlh hmun nei suh se.

²⁰Tunah pawh, ngai tawh, ka thu hretu vanah a awm ani e, Mi hriatpuitu chu van sangah a awm.

²¹Ka thiante chuan mi nuihsan a, Mahse, Pathian hnenah ka mittui a sur a.

²²Pathian hnenah miin mihring hi tan teh se la aw! Mihring fapain a thenawm a tan ang hian.Kum rei lote a lo ral hunah, Ka kir leh lohna tur kawng chu ka zawh dawn si a.

²³Kum rei lote a lo ral hunah, Ka kir leh lohna tur kawng chu ka zawh dawn si a.