Read Baibul, Mizo Joba 17 Bible Online

Joba 17 - Baibul, Mizo bible

Joba 17

¹Ka thlarau a rawih ta, ka nite a ral ta, Ka chapual chu thlan a ni ta.

²Nuihsantute ka hnenah an awm zawng a nih hi, An thu thin tiurah huan ka mit a fu a.

³I hnenah ka tan thutiam siam teh, Tunge ka tan zakhamna ni ang?

⁴Hriat thiamna lakah an thinlung i thup a; Chuvangin, anni zawng i chawisang lo ang.

⁵Hlawkna atana a thian thlauthlatua chu, A fate mit pawh a chuai ang.

⁶Mite zinga kamram mai atan mi siam a, Tenawm langsar tak ka lo ni ta.

⁷Lungngaih vangin ka mit pawh a thim a, Ka bung zawng zawng hi hlimthla ang a lo ni ta.

⁸Mi ngil takte chuan hei hi mak an ti ang. Mi pawikhawih lo chu pathian nei lote chungah a thinur ang.

⁹Mi fel chuan a kawng ngai a chelh tlat a, Kut fai nei chu a chak deuh deuh ang.

¹⁰In zain lo kir u la, lo kal teh u, In zingah mi fing ka hmu chuang lo ang.

¹¹Ka nite a liam ta, ka thil tumte a thlawn zo ta, Ka thinlung ngaihtuah thinte ngei chu.

¹²Zan chu chhunah a chantir a; Eng chuan thim a hnaih e, an ti a.

¹³Seol chu ka in anga ka en a, Thim hnuaiah ka khum ka dawh a,

¹⁴Chhiatna hnenah, "Ka pa i ni" ka tih a, Changpat hnenah, "Ka nu leh ka farnu in ni" ka tih chuan,

¹⁵Ka beisei chu khawiah nge? Ka beisei chu tu nge hmu ang?Seol kawngkaah a chhuk ang a, Vaivutah kan chhuk dun ang.

¹⁶Seol kawngkaah a chhuk ang a, Vaivutah kan chhuk dun ang.