Read Baibul, Mizo Joba 18 Bible Online

Joba 18 - Baibul, Mizo bible

Joba 18

¹Tichuan, Bildada, Suhi mi chuan a chhang a, heti hian a ti a:

²Eng chen nge thu remchang in dap dawn? Ngaithua u la, chu mi hnuah kan sawi ang.

³Eng tizia nge ran anga ngaih kan nih a, I mithmuha tenawm kan nih?

⁴Nang mahni thinurnaa intai thlertu, Nangmah avangin lei kalsan a ni dawn em ni? Lungpui pawh a hmun ata sawn a ni dawn em ni?

⁵A ni, mi suaksual eng chu timih a ni ang a, A meisei pawh a de lo ang.

⁶A puan ina eng chu a thim ang a, A kianga khawnvar chu tihmih a ni ang. A ke pen chakna chu a chep ang a,

⁷Ama remruat ngeiin a paih thla ang.

⁸Ama ke ngeiin lenah a paih lut a, Hum chungah a kal a.

⁹A kerekah thangin a hling ang a, Ani chu thlangin a man ang.

¹⁰A tan leiah valh phum ani a, Kawngah a tan thang kam a ni.

¹¹Kil tinah hlauhawmin a tihlau vang a, A hnungah chuan a um zel ang.

¹²A chakna atamchhawl ang a, A kiangah chhiatna a inpeih reng.

¹³A taksa bhung hrangte a ei zo ang a, Thihna fa tirin a bung hrangte a ei zo ang.

¹⁴A rinpui pian in ata chu kar phawh a ni ang a, Hlauhawmho lal hnenah hruai ani ang.

¹⁵A mi ni ngai lo a puan inah an cheng ang a. A chennaah kat theh darh a ni ang.

¹⁶Chhungrilah a zung a mawih ang a, Chung lamah a zar a vuai bawk ang.

¹⁷Lei ata a hriat rengna a boral ang a, Kawtthlerah hming a nei tahw lo ang.

¹⁸Eng ata thimah len luh a ni ang a, Khawvel ata um chhuah a ni ang.

¹⁹Ami tezingah tu leh fa a nei lo ang a, A chenanah chambang tur a nei hek lawng.

²⁰Thlang lama miten ani hi mak an ti ang a, Chhak lama mite an thlabar ang.Mi fel lo chenna zawng chutiang hchu a ni ngei a, Chu chu Pathian hre lotu hmun a ni e.

²¹Mi fel lo chenna zawng chutiang hchu a ni ngei a, Chu chu Pathian hre lotu hmun a ni e.