Read Baibul, Mizo Joba 19 Bible Online

Joba 19 - Baibul, Mizo bible

Joba 19

¹Tin, Joba chan a chhang a, heti hian a ti a:

²Eng chen nge mi tihhreawm ang a, Thutea mi vuak vual dawn?

³Vawi sawm lai mi dem chhe ta a. Tha lo taka ka chunga tih hi in zak hek lo.

⁴Dik lo pawh ni ta i la, Ka dik lohna chu keimahah ka pai ang.

⁵Ka chunga intilian in nih a, Ka chhiatna hi mi hnialfunga hmang i nih chuan,

⁶Hre ta che u, Pathianin mi paih thla a, A lenin mi tuam a nih hi.

⁷Ngai teh u, Pawngnekna, tiin ka au chhuak a, Mahse, chhan ka ni lo a, tanpui dilin ka au a, mahse, rel dikna a awm lo.

⁸Ka kawng dai atheu hnan a, ka pel thei lo, Ka kawngte chu thimin a khuh a ni.

⁹Ka ropuina mi hlihsak a, Ka lua lallukhum chu a la a.

¹⁰Kawng tinah mi tichhia a, ka ral a ni ta: Ka beiseina thing angin a pawt phawng a.

¹¹A thinurna ka chungah a mut kai a, A hmelma angah mi chhiar a.

¹²A sipai rual an kal khawm a, Ka lamah kawng an thlak a, Ka puan in velah buk an khuar a.

¹³Ka unaute ka lakah a tihla a, Ka hmel hriatte ka lakah an mi hrang zo a.

¹⁴Ka laichinten mi chu-kha ta lo a, Ka thian bulten mi theihnghilh zo a,

¹⁵Ka in chengte leh ka in awm nulaten Mikhualah mi chhiar a, An mithmuhah hmel hriat loh ka ni ta.

¹⁶Ka chhiahhlawh ka ko a, mi chhang lo a. Kam thlumin ka ngen tur a lo ni ta.

¹⁷Ka nupui tan ka rim a chhia a, Ka chhul khat kualpui tan ka tenawm a.

¹⁸Naupangte lamin mi hmusit a, Ka han tho hi mi eu a.

¹⁹Ka thian tha zawng zawngten mi ten a, Ka hmangaih thinte chu ka lakah an ner ta.

²⁰Ka vun leh ka tisa hi ka ruhah a bet a, Ka ha vun chu ka la chang a.

²¹Aw, nangni ka thiante u, Mi khawngaih rawh u, mi khawngaih rawh u,

²²Pathian kutin mi khawih a nih hi. Engah nge Pathian ang ziazanga mi tihduhdah a, Ka tisa tuarna hi tawk in la tih loh ni?

²³Aw, ka thute chu ziak ni teh se la! Lehkhabuahte chuang teh se la aw!

²⁴Ziakna thir leh suanin, Lungpuiah kumkhua atan ziak ni teh se la aw!

²⁵Ka tlantu chu a nung tih ka hre si a, Nakinah chuan leiah hian a lo la ding ang.

²⁶Ka vun hi tihchhiata a awm hnuin, Ka tisain Pathian ka la hmu ang.

²⁷Keima tan ngei ka la hmu ang a, Ka mitin a la thlir ang a, mi dang ni loin, Ka chhungah ka rilru a chau ta.

²⁸Engtin nge amah chu kan tihduhdah ang, Thil bulte amahah hmu siin, in tih chuan,Khandaih chu hlau rawh u, Thinurna chuan khandaih hremna a thlen si a, Rorelna a awm tih in hriat theihna'n.

²⁹Khandaih chu hlau rawh u, Thinurna chuan khandaih hremna a thlen si a, Rorelna a awm tih in hriat theihna'n.