Read Baibul, Mizo Joba 2 Bible Online

Joba 2 - Baibul, Mizo bible

Joba 2

¹Pathian fapate LALPA hmaa an inlan ni a lo awm leh a, Setana pawh LALPA hmaa inlan turin an zingah a lo kal ve a.

²Tin, LALPA chuan Setana hnenah, "Khawi lam atanga lo kal nge i nih?" a ti a. Tin, Setana chuan LALPA chu a chhang a, "Leia ka vahvelna atang leh ka chhuk ka chhohna atangin," a ti a.

³Tin, LALPA chuan Setana hnenah chuan, "Ka chhiahhlawh Joba hi i ngaihtuah ngai em? Amah anga mi famkim, mi ngil Pathian tih mi, thil tha lo laka insum thei mi hi leiah tumah an awm lo a sin, vang awm loa mi tihchhiattir chung pawhin a ngai reng a la ni," a ti a.

⁴Tin, Setanan LALPA chu a chhang a, "Vun aiah vun tih a ni a, a ni, miin a neih zawng zawng a nunna atan a pe phal ang chu!

⁵Tunah i kut thawh la, a ruh leh a tisa ngei khawihsak teh, i hmaichhan ngeiah a sawichhe mai ang che," a ti a.

⁶Tin, LALPA chuan Setana hnenah, "Ngai rawh, i kutah a awm e, a nunna erawh chu zuah ang che," a ti a .

⁷Chutichuan, Setana chu LALPA hma ata a chhuak a, Joba chu a kephah hnuai atangin a lu thlengin panchhia a veitir a.

⁸A inhiahna'n lampei a la a, vut zingah a thu a.

⁹Tichuan, a nupui chuan a hnenah, "I ngai rengin em ni i awm dawn? Pathian chu sawichhia la, thi la a ni mai," a ti a.

¹⁰Mahse, ani chuan ahnenah, "Nang hi hmeichhe a tawngin i tawng a nih hi. Eng nge, Pathian hnen ata thil tha kan hmu a, thil tha lo pawh kan hmu lo ang em ni?" a ti a. Heng zawng zawngah hian Joba chuan thu sual a sawi lo.

¹¹Tin, Joba thian pathumte chuan he'ng thil tha lo a chunga lo thleng zawng zawng hi an hriat chuan mahni hmun theuh atangin an lo kal a; Elifaza temani mi leh Bildada Shuhi mi leh Zofara Naamathi mite chu: amah tuarpui tur leh thlamuan tura a hnena lo kal hun an ruat tlang a.

¹²Hla deuh atanga an han en chuan an hre lo a, an rawl an chhuah a, an tap a; an puante an pawt thler a, an lu chungah vaivut an vanvawrh a.Chutichuan, ni sarih leh zan sarih leiah an thutpui a, tumahin a hennah thu kam khat mah an sawi lo; a natna chu na emin an hria a ni.

¹³Chutichuan, ni sarih leh zan sarih leiah an thutpui a, tumahin a hennah thu kam khat mah an sawi lo; a natna chu na emin an hria a ni.