Read Baibul, Mizo Joba 20 Bible Online

Joba 20 - Baibul, Mizo bible

Joba 20

¹Tin, Zofara, Naamathi mi chuan a chhang a, heti hian a ti a:

²Hei vang hian ka ngaihtuahnate chuan chhanna mi siam a, Ka chhungah hmanhmawhna a awm avang hian.

³Zilhna mi tizaktu chu ka hre ta a, Ka hriatthiamna rilru chuan mi chhang a ni.

⁴Hmasang ata leia mihring awm achin, Hei hi i hre lo em ni?

⁵Mi suaksual hlimna chu a tawi a, Pathian hre lo mi lawmna chu Mit khap kar chauh a ni, tih hi?

⁶A ropuina chuan vante thleng chhoin, A lu chuan chhumte tawng mah se,

⁷Ama zun ek angin a boral vang vang ang: Amah hmu tawhte chuan, Khawiah nge a awm tak? an ti ang.

⁸Mumang ang maiin a thlawk bo ang a, Hmuh a ni lo ang: A ni, zan inlarna anga um bo ani ang.

⁹Amah hmu thin mit khan a hmu tawh ngai lo ang a, A hmun pawhin a hmungai thaw hek lo ang.

¹⁰A faten mi hretheite khawngaihna an dil ang a, A kutin a sum leh pai chu a theh kir ang.

¹¹A ruhte chu a tleirawl sualnain a khat a, Mahse vaivutah amutpui ang.

¹²Suahsualna hi a kaah thlum mah se, A lei hnuaiah thukru mah se,

¹³Zuat hliauin thlah phal lo mah se, A kam chhungah hmuam reng zawk mah se la,

¹⁴A pum chhungah alo danglam a, A chhungah rul tur kha tak ani ta a.

¹⁵Hausaknate ch a lem a, a law chhuak leh a, pathianin a pum ata a paihchhuak a,

¹⁶Rul tur chu a fawp ang a, Rulrial tur chuan amah a that ang.

¹⁷Luipuite chu a thlir lo ang a, Khawizu leh bawnghnute khala luang luite chu,

¹⁸A thawh chhuah chu a theh kir ang a, Hrawk tlaina'n a hmang lo ang;

¹⁹A lak khawmte hchu a chen lo ang. Reitheite chu ahnehchhiahin a hawi san a,

²⁰In, a sak loh chu, a chhuhsak a. A duhamna chu a kawchhungah a awm hle hle thei lo a, A lawmna thilte chu engmah ahum lo ang.

²¹A ei zawh loh engmah a awm lo a, Chuvangin, a sum leh pai chuan a tuar lo ang.

²²A hausak vanglai tak chu a chep hun ani ang a, Tlachhamte chuan a chungah kut an len huai huai ang.

²³A pum tipuar turin a thinur hlauhawm tak chu A chungah A tir ang a, A ei atan a chungah A surtir ang,

²⁴Thir hriamhrei chu a tlan bosang ang a, Dar thlangul chuan amah a kap tlang ang.

²⁵A han pawt phawi a, a taksa ata a lo chhuak a, A ni, a hmawr tle tak chu amit ata a lo chhuak a, Thil rapthlak a chungah ahtleng a ni.

²⁶A ro atan thim chhah mup khawl khawl a ni a, Chhem loh mei chuan a kang ral ang a, A puan in ata hnutchhiah apiang a tiral ang.

²⁷Vante chuan a khawlohna an puang ang a, Leiin amah a do ang.

²⁸A ina thil pungte chu an bo ang a, A thinur niah chuan a bungruate an luang ral ang.Hei hi Pathian laka mi suaksual chanpual a ni a, Roluah tur Pathianin a tan a ruat a chu a ni.

²⁹Hei hi Pathian laka mi suaksual chanpual a ni a, Roluah tur Pathianin a tan a ruat a chu a ni.