Read Baibul, Mizo Joba 21 Bible Online

Joba 21 - Baibul, Mizo bible

Joba 21

¹Tin, Joba chuan a chhang a, heti hian a ti a:

²Ka thusawi hi ngun takin ngaithla teh u, Hei hi in thlamuanna thu chu ni rawh se.

³Mi ngaichang u la, ka han sawi phawt ang a, Ka sawi zawhah la nuihsan ang che u.

⁴Keia phunnawina hi mihring chungah em ni? Dawhthei rual ka ni em ni?

⁵Mi en u la, mak ti u la, kutin ka hup rawh u.

⁶Ka han ngaihtuahin ka mang a ang a, Hlauhnain ka thauvah mi a man thin.

⁷Eng tizia nge mi suaksualte chu an nun a, An lo upat a, a ni, an lo hmuingil theih ni?

⁸An chi thlahte chu an henah an mithmuhah a tinghet a, An rila rahte chu an hmai hmaah.

⁹An in lote chu hlauhawm lakah a him a, Pathian tiang chu an chungah a tla hek lo.

¹⁰An bawngpain chi a thlah a, a pelh ngai lo a, An bawngpuiin no a nei a, a chhiat ngai lo a,

¹¹Ran rual angin an fanaute na chhuahtir a, An fate chu an tualchai a.

¹²An perhkhuang leh tingtang remin an zai a, An phenglawng thawmah an hlim za a.

¹³An nite chu neinung takin an khawhral a, Seolah chuan thlamuang takin an liam a,

¹⁴Tin, Pathian hnenah, "Min kalsan rawh, I kawngte hriat hi kan chak lo e,

¹⁵Engkimtitheia chu eng nge a nih, a rawng kan bawlna tur chu, A hnenah kan tawngtaiin hlawkna eng nge kan hmuh ang?" an ti a.

¹⁶A! an sum leh pai an kuta awm lo ni lo, Mi sualsualte remruatna chu ka lakah a hla a ni.

¹⁷Mi suaksual meichher chu vawi engzat meuh nge a mih a, Vanduaina a chunga a thlen a, A thinurnain Pathianin lungngaihna a pek hlawm?

¹⁸Vawi engzat nge buhpawl thliin a chhem ang an nih a, Favai thlipui len bo ang an nih?

¹⁹Pathianin khawlohna an fate tan a dah, in ti a, Anmahni chungah thlentir ang hmiang, an hriat theihna'n.

²⁰Anmahni mit ngeiin an chhiatna chu hmu se, Engkimtitheia thinurna chu in an hmiang.

²¹A bo hnuah a in chu a tan eng nge a nih, A thla zat tihtawp a nih hun chuan?

²²Pathian tu nge hriatna zirtir ang? Mi chungnungte pawh rorelsaktu chu?

²³A vanglai takin mi a thi a, Muang tak leh nuam taka awmin.

²⁴A taksa chu thauin a khat a, A ruh thling pawh a hnawng a ni.

²⁵Tin, mi dang lungngai takin a thi a, Thatna reng reng tem ngai loin.

²⁶Vaivutah ang khatin an mu a, Changpatin a bawm khat hlawm a.

²⁷Ngai teh, in ngaihtuahte zawng ka hria alawm, Dik lo taka ka chunga in phiarte chu.

²⁸Khawnge hotu in chu a awm? Mi suaksual chenkualna puan in chu khawnge? in ti a.

²⁹Zin vel mite in zawt ngai lo em ni? An sawite chu in pawm lo em ni?

³⁰Mi sual chu vanduai niah zuahin a awm a, Thinur niah hruai chhuah an ni, tih hi.

³¹Tunge a hmai hmaah a kawng chu piang ang a, Tunge a thiltih chu thungrul ang?

³²Thlanah kalpui a ni a, A thlan chu ven a ni a.

³³Lei tlang pawhin a delh na lo. Mi zawng zawngin a hnu an chhui a, A hmaa chhiar sen loh lo awm tawhte ang khan.Tichuan, engtin nge thu engmah lo tak meuha mi thlamuan dawn? In chhannaah hian dawt mai lo chu engmah a awm lo.

³⁴Tichuan, engtin nge thu engmah lo tak meuha mi thlamuan dawn? In chhannaah hian dawt mai lo chu engmah a awm lo.