Read Baibul, Mizo Joba 23 Bible Online

Joba 23 - Baibul, Mizo bible

Joba 23

¹Tichuan, Joba chuan a chhang a, heti hian a ti a:

²Vawiin pawh ka vuina hi a nasa e, Ka rum chung pawhin a kut chu a rit a ni.

³Aw, amah ka hmuhtheihna tur lam chu hria i la, A thut hmunah chuan ka kal tur a!

⁴Ka thu chu ahmaah ka thlena ng a, Ka ka tanfungin a khat ang.

⁵A mi chhanna tur thute ka hre duh a, ka hnena a sawi tur chu hriat thiam ka duh.

⁶A thiltihtheihna ropui chuan mi khing dawn em ni? Hnai lo e, mi bengkhawn zawk ang.

⁷Tichuan, mi fel chuan a hnenah a ngen ang a, Mi ngaihtuahtu hnen ata chu ka chhuak vang vang ang.

⁸Ngai teh, hma lam ka han pan a, amah a awm si lo, Hnung lam ka pan a, amah ka hmu thei chuang lo.

⁹Vei lama a thawh lai pawhin ka hmu thei chuang lo a, Ding lamah a nih leh, a biru a, ka hmu thei lo.

¹⁰Ka kawng zawh chu a hria a, Mi fiah hunah rangkachak angin ka chhuak dawn si.

¹¹Ka ke hian hniakhnung tak a dai zel a, A kawng ka zawh a, ka peng lo e.

¹²A kamchhuak thupek chu ka pensan lo a, A kaa thute chu ka dan aiin ka roh zawk a.

¹³Mi nghet a ni a, tu nge khawih ber thei ang? A duhzawng chu a ti mai a ni.

¹⁴Ka chana ruat chu a ti a, A rilruah chutiang chu a awm teuh a ni.

¹⁵Chuvang chuan ahmaah ka buai a, Ka ngaihtuahnain amah ka hlau.

¹⁶Pathianin ka thinlung chu a tichau a, Engkimtitheia chuan mi tibuai a.Thimna chuan mi hual vel a, Thim chhah pui chuan ka hmai a khuh a.

¹⁷Thimna chuan mi hual vel a, Thim chhah pui chuan ka hmai a khuh a.