Read Baibul, Mizo Joba 27 Bible Online

Joba 27 - Baibul, Mizo bible

Joba 27

¹Tin, Joba chuan a thusawi a chhunzawm a, heti hian a ti a:

²Ka thiamna thu la botu, ka thlarau tilungngaitu Pathian, Engkimtitheia chu nung na pui!

³(Keimahah hian ka thaw a la kim a, Ka hnarah Pathian thaw a la cham);

⁴Ka hmuiin fel lohna thu a phuh chuak tawp lo ang, Ka leiin bumna thu a sawi hek lo ang,

⁵Thiam ka chantir dawn teuh lo mei che u, Ka thih thlengin ka dikna ka dah bo lo ang.

⁶Ka felna chu ka chelh tlat ang a, ka thlah lo ang: Ka nun chhung hian ka thinlungin mi dem lo e,

⁷Ka hmelma chu mi suaksual ni se la, Mi beitu chu mi fel lo ni teh se.

⁸Pathian ngaihsak lo tan beiseina eng nge awm, Pathianin a sah chhuma a thlarau a lak si chuan?

⁹Buainain a nan laiin Pathianin a au thawm a ngaithla ang em?

¹⁰Engkimtitheiaah chuan a lawm ang em? Pathian chu eng lai pawhin a ko ang em?

¹¹Pathian kut chungchang ka zirtir ang che u, Engkimtitheia hnena awm chu ka zep lo ang.

¹²Ngai ru, nangni ngeiin in vaiin in hmu a, Eng tiziaa khawlo cheu nge in nih?

¹³Pathian hnena mi suaksual chanvo chu hei hi a ni, Hnehchhiahtute rochan, Engkimtitheia hnena an dawn chu.

¹⁴A fate an pun chuan khandaih tuar tur fang an ni; A rila rahten chaw kham khawp pawh an nei lo ang.

¹⁵A hnua dam chhunte chu hriin a phum ang a, An nupuite pawhin an sun lo ang.

¹⁶Tangkaruate vaivut angin a khawl a, Hlum ang maiin a silhfente a tiang khawm na a;

¹⁷Tiang khawm mah se, mi fel chuan a sinsak ang a, Pawikhawih lote chuan tangkarua chu an insem ang.

¹⁸Maimawm angin a in chu a sa a, Vengtuin chhawl buk a siam ang lekin.

¹⁹Hausain a mu a, mahse, a tho tawh lawng; A mit a han meng a, a awm tawh lo.

²⁰Tui lian angin hlauhawmin a nang a, Zanah thlipuiin a la a.

²¹Khaw chhak thliin a len bo a, a bo ta a, A hmun ata a nuai bo ta.

²²Zahngai loin a nuai ang a, A thiltihtheihna hmaah chuan a kat rawk rawk ang.A kut a benkhum ang a, A chekkhum ang a, a hmun ata a um chhuak ang.

²³A kut a benkhum ang a, A chekkhum ang a, a hmun ata a um chhuak ang.